मत्ती 28:8 - परमेश्‍वरए ताँ तमु क्युइर

⁸ छबिमा चमैं ङ्हिंब् धों ङ्हाँदै सैं तोंदै आतुरले छगोंउँइँले त्होंसि खीए चेलामैंने सँउँसर बिबर न्हेह्‍याइ।

मत्ती 28:8 ပူးပေါင်းရင်းမြစ်များ

भजनमैं 2:11

ङ्हिंसि त्हारदै याहवेहए सेवा लद्, धै सैं तोंन्।

मत्ती 28:7

क्हेमैं युनन् ह्‍यासि खीए चेलामैंने ‘खी सिबउँइँले धेबै सोगों तसि रेल् खाँइमुँ। धै क्‍हेमैं भन्दा ओंसों खी गालील ह्‍युलर ह्‍यारिइमुँ। चर्न क्‍हेमैंइ खीलाइ म्रोंब्‍मुँ,’ बिद्, लु, ङइ बिल् त्हुबै ताँ क्हेमैने बिमिंइमुँ।”

मत्ती 28:9

छले ह्‍यारिमा तिखेर्न येशू चमैंने त्‍होसि “क्हेमैंने शान्ति तरिगे,” बिइ। धै चमैं चेंदो खसि येशूए प्‍हले क्‍हासि फ्‍योइ।

मर्कूस 16:8

छबिमा च च्हमिरिमैं अचम्‍म ङ्हाँसि त्हारदै छगोंउँइँले त्‍होंसि न्हेह्‍याइ। चमैंइ खाबने या तोइ आबि, तलेबिस्याँ चमैंए सैं ङ्हिंरिल।

यूहन्‍ना 16:20

क्ह्रोंसेंन ङ क्हेमैंने बिमुँ, क्हेमैं न्हुँ लसि क्रोब्मुँ, दिलेया ह्‍युलर्बै म्हिमैं बिस्याँ सैं तोंब्मुँ। क्हेमैं न्हुँ लसि टिलेया लिउँइँ सैं तोंल् योंब्मुँ।

यूहन्‍ना 16:22

छलेन तोगो क्हेमैंलाइ शोक तमुँ। दिलेया ङ धबै क्‍हेमैंने त्‍होयुमा क्‍हेमैंए सैं बेल्‍ले तोंब्‍मुँ। धै खाबज्यै क्हेमैंलाइ सैं आतोंल् लल् खाँरिब् आरे।