मत्ती 28:6 - परमेश्‍वरए ताँ तमु क्युइर

⁶ येशू चुर आरे। खीजी ओंसोंन् बिब् धोंले खी सोगों तसि रेल् खाँइमुँ। खो, खी पाबै क्‍ल्‍ह्‍यो ङ्‌ह्‍योद्।

मत्ती 28:6 ပူးပေါင်းရင်းမြစ်များ

मत्ती 12:40

तलेबिस्याँ खैले योना थेबै ताँगए फो न्‍होंर सोंरो समा टिइ, छलेन म्हिए च्ह या सोंरो समा स न्होंर टिब्‍मुँ।

मत्ती 16:21

च त्हे ओंनोंन् खीजी ह्रोंसए चेलामैंने ह्रोंसइ नोल् त्हुबै दुःखए बारेर बिबर होंइ। “ङ यरूशलेम ह्‍याल् त्हुम्, धै चिबनाँब्मैं, ख्रो पिंबै खेगि चिब्मैं नेरो शास्‍त्रिमैंउँइँले ल्हें दुःख योसि सिल् त्हुम्। दिलेया सोंरोंर ङ सोगों तसि खब्मुँ।”

मत्ती 17:23

चमैंइ खीलाइ सैवाब्‍मुँ, दिलेया सोंरोंर खी धबै सोगों तसि खब्‍मुँ।” छाबै ताँ थेमा चेलामैं बेल्‍ले न्हुँ लइ।

मत्ती 17:9

झाइले खेंमैं कोंउँइँले क्‍युरु युरिमा येशूजी चमैंने बिइ, “म्हिए च्ह सिबउँइँले धबै सोगों आतन् समा क्हेमैंइ म्रोंबै चु ताँ खाबलाज्यै या आबिद्।”

मत्ती 20:19

झाइले खीलाइ बिल्‍लि लसि कोर्राइ प्रुसि क्रूसर च्योवाद् बिसि चमैंइ अरू ह्रेंमैंए योर पिंवाब्‍मुँ, दिलेया सोंरोंर खी धबै सोगों तसि खब्‍मुँ।”

मत्ती 27:63

चमैंइ पिलातसने बिइ, “ओ चिब, च स्योर्गुइ सोगों मुँमा ‘ङ सियालेया सोंरोंर धबै सोगों तसि खब्मुँ’ बिल। चइ बिबै ताँ ङिइ चिरिइमुँ।

मर्कूस 16:6

दिलेया च फ्रेंसिइ चमैंने बिइ, “आङ्हिंन्! क्‍हेमैंइ क्रूसर सैवाबै नासरतर्बै येशू म्‍हैरिल् वा? येशू धबै सोगों तसि रेल् खाँइ। खी चुर आरे। ङ्‌ह्‍योत्ति येशूलाइ थेंबै क्‍ल्‍ह्‍यो चुन् ग।

मर्कूस 8:31

झाइले येशूजी चेलामैंने “म्हिए च्हजी ल्‍हें दुःख सैदिल् त्‍हुम्। चिबनाँब्मैं, ख्रो पिंबै खेगि चिब्मैं नेरो शास्‍त्रिमैंइ ङ म्‍हि आच्‍हिसि सैबर ल्हैदिम्। दिलेया सिबै सोंरोर ङ धबै सोगों तसि रेखब्मुँ बिसि लोमिंबर होंइ।”

लूका 24:12

दिलेया पत्रुस रेसि छगोंर न्हेह्‍याइ, धै क्वारले न्‍होंर ङ्ह्‍योमा ट्हि क्‍वें मत्‍त्रे म्रोंइ। छाब् म्रोंमा च प्लेटोयासि धिंर एह्‍याइ।

लूका 24:23

येशूए सिनु आम्रोंना। चमैं ङाँर स्‍वर्गदूत युसि येशू सोगोंन् मुँ बिइ रो। चमैं खसि ङिने बिइ।

लूका 24:44

झाइले खीजी चमैंने बिइ, “मोशाइ प्‍ह्रिबै ठिम, अगमबक्‍तामैंइ प्‍ह्रिबै ताँमैं नेरो भजनसंग्रहर ङए बारेर प्‍ह्रिथेंबै ताँमैं पूरा तल् त्‍हुम् बिसि ङइ ओंसोंन् क्‍हेमैंने मुँमा बिल।”

यूहन्‍ना 10:17

“ङ धबै सोगों तसि खरिगे बिसि ङए ज्यु पिंम्। छतसि आबाजी ङने म्‍हाँया लम्।

यूहन्‍ना 2:19

येशूजी चमैंने बिइ, “औदिबै के म्रोंदा ङ्हाँस्‍याँ क्हेमैंइ चु मन्दिर फुवाद्, धै ङइ सोंरोर्न चु बनेमिंब्मुँ।”

चेला चिब्मैंए केमैं 2:24

सैवालेया परमेश्‍वरजी खी सिबउँइँले धबै सोगों लमिंइ। तलेबिस्याँ खी सिबै सिबन् तल् आखाँमल।