मत्ती 28:10 - परमेश्‍वरए ताँ तमु क्युइर

¹⁰ झाइले येशूजी चमैंने बिइ, “आङ्हिंन्! क्हेमैं ङए अलिमैं ङाँर ह्‍यासि चमैंने ‘गालील ह्‍युलर ह्‍याद्।’ चर्न चमैंइ ङलाइ म्रोंब्‍मुँ,” बिद्।

मत्ती 28:10 ပူးပေါင်းရင်းမြစ်များ

मत्ती 14:27

दिलेया च तोदोंन् येशूजी चमैंने “आङ्हिंन्, ङन् ग! सैं भोंब् लद्,” बिइ।

मत्ती 25:40

“छबिमा म्रुँइ चमैंने बिब्मुँ, ‘क्ह्रोंसेंन ङ क्हेमैंने बिमुँ, क्हेमैंइ ङए अलि-अङाँमैं न्होंर्बै धाँसे च्योंबै म्हिलाइ तो-तो लइ, च क्हेमैंइ ङलाइन लब् ग।’

मत्ती 25:45

“धबै म्रुँइ बिब्मुँ, ‘क्‍ह्रोंसेंन ङ क्हेमैंने बिमुँ, ङए चु अलि-अङाँमैं न्होंर्बै धाँसे च्योंबै म्हिलाइ क्‍हेमैंइ आल्होसेरो क्‍हेमैंइ ङलाइ आल्होब् ग।’

मत्ती 26:32

दिलेया ङ सिसि धबै सोगों तबै लिउँइँ क्‍हेमैं भन्दा ओंसों गालील ह्‍युलर ह्‍याब्‍मुँ।”

मत्ती 28:16

च च्युसे घ्रि चेलामैं येशूजी ह्‍याद् बिबै गालीलर्बै कोंर ह्‍याइ।

मत्ती 28:5

दिलेया स्‍वर्गदूतइ च च्हमिरिमैंने बिइ, “क्‍हेमैं आङ्हिंन्! क्‍हेमैं क्रूसर च्योवाबै येशू म्‍हैबर खब् ग बिसि ङइ सेइमुँ।

मत्ती 28:7

क्हेमैं युनन् ह्‍यासि खीए चेलामैंने ‘खी सिबउँइँले धेबै सोगों तसि रेल् खाँइमुँ। धै क्‍हेमैं भन्दा ओंसों खी गालील ह्‍युलर ह्‍यारिइमुँ। चर्न क्‍हेमैंइ खीलाइ म्रोंब्‍मुँ,’ बिद्, लु, ङइ बिल् त्हुबै ताँ क्हेमैने बिमिंइमुँ।”

मत्ती 28:9

छले ह्‍यारिमा तिखेर्न येशू चमैंने त्‍होसि “क्हेमैंने शान्ति तरिगे,” बिइ। धै चमैं चेंदो खसि येशूए प्‍हले क्‍हासि फ्‍योइ।

मर्कूस 16:7

तारे पत्रुस नेरो येशूए अरू चेलामैं ङाँर ह्‍यासि ‘येशू गालीलर क्हेमैं भन्दा ओंसोंन् ह्‍यासिन् मुँ। खीजी ओंसोंन् क्‍हेमैंने बिब् धोंले क्‍हेमैंइ खीलाइ चर म्रोंब्‍मुँ,’ बिसि बिद्।”

यूहन्‍ना 20:17

येशूजी चने बिइ, “ङ आछुइद् तलेबिस्याँ ङ तोगो समा आबा ङाँर आह्‍याइमुँ। बरु ङए अलिमैं ङाँर ह्‍यासि चमैंने ‘तारे ङ ङए आबा, क्हेमैंए आबा, धै ङए परमेश्‍वर, क्हेमैंए परमेश्‍वर ङाँर ह्‍यासिन् मुँ’ बिसि ङए ताँ बिमिंन्।”

यूहन्‍ना 6:20

दिलेया येशूजी चेलामैंने “आङ्हिंन्! ङन् ग,” बिइ।

रोमी 8:29

तलेबिस्याँ खीए च्‍ह येशू ल्हें अलि-अङाँमैं न्‍होंर्बै च्ह थेब तरिगे बिसि खीजी ओंसोंन् ङो सेबै म्‍हिमैंलाइ ह्रोंसए च्‍ह-च्हमिमैं लबै ल्हागिर त्हाँइ।