मत्ती 27:65 - परमेश्‍वरए ताँ तमु क्युइर

⁶⁵ पिलातसइ चमैंने “रुँबै म्हिमैं बोसि खाँन् समा छगों छेनाले रुँन्,” बिइ।

मत्ती 27:65 ပူးပေါင်းရင်းမြစ်များ

भजनमैं 76:10

क्ह्रोंसेंन् म्हिमैंने क्हिए ह्रिस खमा क्हिए मिंन् थेब् लब्मुँ; झाइले क्हिए ह्रिसउँइँले सोब्मैंइ आछ्याँबै के लब पिवाब्मुँ।

हितोपदेश 21:30

याहवेहए बिरोधर म्हिए ज्ञान बुद्धि, चाँजोमैं नेरो खैतबै सल्‍ला केर आफे।

मत्ती 27:64

छतसि सिपाइमैंने सोंरों समा ‘च छगों छेनाले रुँन्,’ बिसि बिद्। छ आलस्याँ चए चेलामैं खसि सिनु ह्‍योइ बोयालै धै ‘प्रभु सिबउँइँले धबै सोगों तसि रेना’ बिसि म्‍हिमैंने बिब्‍मुँ। धै चु स्योर्गु ताँ ओंसोंबै भन्दा झन् आछ्याँब तब्मुँ।”

मत्ती 27:66

छबिमा चमैं ह्‍यासि छगों हुथेंबै युँमा ओल् आखाँल्‍ले भोंब् लसि छगों छेनाले रुँबै ल्हागिरि पालेमैं थेंइ।