मत्ती 27:54 - परमेश्‍वरए ताँ तमु क्युइर

⁵⁴ सयो खब नेरो चर तबै ताँमैं म्रोंसि चर्बै कप्‍तान नेरो चने मुँबै येशूलाइ रुँबै सिपाइमैं बेल्‍ले ङ्हिंसि “चु म्‍हि क्‍ह्रोंसेन परमेश्‍वरए च्‍हन् मुँन,” बिइ।

मत्ती 27:54 ပူးပေါင်းရင်းမြစ်များ

मत्ती 26:63

दिलेया येशू तोइ आबिल्‍ले टिरिइ। धै ख्रो पिंबै खेगि क्रथेइ येशूने बिइ, “सोगों परमेश्‍वरए मिंर कसम चसि बिद्। क्‍हि परमेश्‍वरजी कुल्मिंबै म्रुँ ख्रीष्‍ट, परमेश्‍वरए च्‍ह वा?”

मत्ती 27:36

झाइले चमैं येशूलाइ रुँबर चर टिइ।

मत्ती 27:40

“क्हि मन्दिर फुवासि धबै सोंगैंर्न बनेल् खाँम् बिबै म्‍हि, आङिं वा? क्‍हि क्‍ह्रोंसेंन परमेश्‍वरए च्‍ह ग बिस्‍याँ लु, ह्रोंसलाइ जोगेबै ल्हागिर क्रूसउँइँले त यु!” बिइ।

मत्ती 27:43

चुइ परमेश्‍वरए फिर बिश्‍वास लम्, ‘ङ परमेश्‍वरए च्‍ह ग,’ बिसि चुइ बिमल। छतसि परमेश्‍वरजी चुने म्हाँया लम् बिस्याँ खीजीन् तोगो चुलाइ जोगेमिंरिगे।”

मत्ती 27:51

च त्हेर्न मन्दिरर्बै पर्दा क्‍वें ङ्हिबाँ फैले ताइले माइ समा ट्होह्‍याइ, धै सयो खइ, पारामैं तियाइ।

मत्ती 4:3

छतमा दुष्‍टइ येशू ङाँर खसि बिइ, “क्‍हि क्‍ह्रोंसेंन परमेश्‍वरए च्‍ह ग बिस्‍याँ चु युँमामैं ‘क्हें तयाद्,’ बिद्।”

मत्ती 8:5

येशू कफर्नहुम बिबै नाँसर ह्‍यामा रोमी फौजीर्बै कप्‍तान घ्रि खी ङाँर खसि यो छ्युँ लसि बिइ,

मर्कूस 15:39

येशूजी सो पिब् म्रोंसि खीए ओंसों रारिबै कप्‍तानइ “चु म्‍हिम् क्‍ह्रोंसेंन परमेश्‍वरए च्‍ह मुँन,” बिइ।

लूका 22:70

चमैं ताँनइ बिइ, “छ बिस्‍याँ क्‍हि परमेश्‍वरए च्‍हन् वा?” येशूजी बिइ, “ङ चन् ग बिसि क्‍हेमैंइन बिइमुँ।”

यूहन्‍ना 19:7

यहूदी चिबनाँब्मैंइ चने बिइ, “ङिए ठिमर बिब् धोंले चु सिलन् त्हुम्। तलेबिस्याँ चुइ ह्रोंसलाइन परमेश्‍वरए च्ह ग बिइमुँ।”

चेला चिब्मैंए केमैं 10:1

कैसरिया बिबै क्ल्ह्‍योर कर्नेलियस मिं मुँबै म्हि घ्रि मुँल। च इटालिया बिबै पल्टनर्बै कप्‍तान मुँल।

चेला चिब्मैंए केमैं 2:37

चु ताँ थेसि चमैंए सैंर खैला तोला तइ। धै चमैंइ पत्रुस नेरो अरू कुल्मिंबै चेला चिब्मैंने “ओ आघें-अलिमैं, तारे ङिइ तो लले?” बिसि ङ्योएइ।

चेला चिब्मैंए केमैं 21:32

चिबइ चु ताँ थेबै तोंदोंन् सिपाइमैं नेरो कप्‍तानमैं बोसि चमैं ङाँर न्हेयाइ। चमैंइ पल्टनर्बै चिब नेरो सिपाइमैं खरिब् म्रोंमा पावल धोंब पिवाइ।

चेला चिब्मैंए केमैं 23:17

झाइले पावलइ कप्‍तानमैं न्होंर्बै म्हि घ्रि हुइसि बिइ, “चु कोलो पल्टनर्बै चिब ङाँर सथेमिंन्, तलेबिस्याँ चुइ चिबने तोइ ताँ बिदा ङ्हाँइँमु रो।”

चेला चिब्मैंए केमैं 23:23

च लिउँइँ पल्टनर्बै चिबइ कप्‍तानमैं न्होंर्बै म्हि ङ्हिं हुइसि बिइ, “तिंयाँ म्‍हुँइँसर्बै कु ह्राबै त्हेजरे सिपाइमैं ङ्हिंब्ब्रा, घोडा क्रेब्मैं ङिच्यु, धै बर्षा छेब्मैं ङ्हिंब्ब्रा कैसरियार ह्‍याबै ल्हागिर तयार लद्।”

चेला चिब्मैंए केमैं 27:1

झाइले ङि इटालिया ह्‍युलर ह्‍याल् त्हुम् बिसि क्रथे फेस्‍तसइ निर्नय लइ। छतमा चमैंइ पावल नेरो अरू कैदिमैं युलियस मिं मुँबै कप्‍तानए जिम्मार पिंइ। च “आगस्ट थेबै म्रुँ” बिबै फौजर्बै कप्‍तान घ्रि मुँल।

चेला चिब्मैंए केमैं 27:43

दिलेया कप्‍तानइ पावल जोगेबै सैं लसि चमैंलाइ छ लल् आपिं। बरु “क्योवालल् खाँम्मैं ताँन् क्यु झाजउँइँले ओंसों फाल् न्हेसि छेउउँइँ त्होंन्।

रोमी 1:4

ङ्योए प्रभु येशू ख्रीष्‍ट सिसेया पबित्र प्ल्हए थेबै शक्‍तिउँइँले सोगों तबइले “येशू परमेश्‍वरए च्‍हन् ग!” बिबै प्रमान खीजी ङ्योलाइ उँइँमिंइ।

दर्शन 11:13

धै च तोंदोंन् थेबै सयो ह्‍याइ, सहरर्बै च्‍युबाँरि तिबाँ नास तयाइ, धै हजार ङि म्हिमैं सैवाइ। अरू चैबै म्‍हिमैं बेल्‍ले ङ्हिंसि “स्‍वर्गर्बै परमेश्‍वर बेल्‍ले थेब मुँन!” बिसि खीए मिं क्वेइ।