मत्ती 27:42 - परमेश्‍वरए ताँ तमु क्युइर

⁴² “चुइ अरूमैं जोगेमिंइ, ह्रोंसलाइ बिस्‍याँ जोगेल् आखाँ। चु इस्राएलीमैंए म्रुँ ग बिस्‍याँ तोगो क्रूसउँइँले सर तयुल् खाँरिगे। छ लल् खाँस्‍याँ ङिज्यै या क्वेंब्मुँ।

मत्ती 27:42 ပူးပေါင်းရင်းမြစ်များ

मत्ती 2:2

च ङ्‌ह्‍योब् लिब्मैंइ बिइ, “यहूदीमैंए म्रुँ तसि फिबै कोलो खनिर मुँ? तलेबिस्याँ खी फिइमुँ बिसि सेल् पिंबै मुसारा ङिइ स्यारउँइँले त्‍होंब म्रोंइ। छतसि खीलाइ फ्योबर ङि चुर खइमुँ।”

मत्ती 27:37

“येशू यहूदीमैंए म्रुँ ग बिसि खीए बिरोधर छ्याब् ल्हैदिसि प्ह्रिबै काउद खीए क्रए क्होउँइँ चमैंइ टौंदिथेंइ।”

मत्ती 27:40

“क्हि मन्दिर फुवासि धबै सोंगैंर्न बनेल् खाँम् बिबै म्‍हि, आङिं वा? क्‍हि क्‍ह्रोंसेंन परमेश्‍वरए च्‍ह ग बिस्‍याँ लु, ह्रोंसलाइ जोगेबै ल्हागिर क्रूसउँइँले त यु!” बिइ।

मत्ती 27:41

छलेन ख्रो पिंबै खेगि चिब्मैं, शास्‍त्रिमैं नेरो चिबनाँब्मैंज्यै या खीए बिल्‍लि लदै बिइ,

मर्कूस 15:31

छलेन ख्रो पिंबै खेगि चिब्मैं नेरो शास्‍त्रिमैंज्यै या छ बिसि येशूए बिल्‍लि लबर होंइ, “चुइ अरूलाइ जोगेमिंइ दिलेया ह्रोंसलाइ जोगेल् आखाँ।

मर्कूस 15:32

च यहूदीमैंए म्रुँ बिबै ख्रीष्‍ट मुँस्याँ तारे क्रूसउँइँले तसि युरिगे। च क्रूसउँइँले तसि युब् म्रोंस्याँ मत्‍त्रे ङिइ चए फिर बिश्‍वास लब्मुँ।” खीने बालु क्रूसर च्योवाबै म्‍हिमैंज्यै या येशूए बिल्‍लि लइ।

लूका 19:38

“परमेश्‍वए मिंर युबै म्रुँ बेल्‍ले थेब मुँ। स्वर्ग नेरो पृथ्‍बीर शान्ति तरिगे। खीए मिं खोंयोंन् बिले थेब् तरिगे,” बिदै ओरइ।

लूका 23:35

म्हिमैं रासि ङ्‌ह्‍योरिल। यहूदी चिबनाँब्मैंइ येशूए बिल्‍लि लसि बिइ, “चुइ अरूमैं जोगेमिंइ। चु परमेश्‍वरजी कुल्‍मिंबै म्रुँ ख्रीष्‍ट ग बिस्‍याँ चुइ ह्रोंसलाज्यै या जोगेरिगे।”

लूका 23:37

“क्‍हि यहूदीमैंए म्रुँ ग बिस्‍याँ ह्रोंसलाज्यै जोगेद्।”

यूहन्‍ना 1:49

नथानेलइ खीने बिइ, “रब्बि, क्‍हि परमेश्‍वरए च्‍ह ग! क्हि इस्राएलर्बै म्रुँ ग!”

यूहन्‍ना 12:13

झाइले चमैंइ छोडाए हाँगमैं छेसि “होसन्‍ना! याहवेहए मिंर युबै इस्राएलर्बै म्रुँए जय जय तरिगे!” बिदै ओरदै खीए मान लबर त्होंइ।

यूहन्‍ना 12:47

ङइ बिबै ताँमैं थेसेया च ताँ आङिंइ बिस्याँ, ङइ चए निसाफ लरिब् आरे, तलेबिस्याँ ङ ह्‍युलर्बै म्हिमैंए निसाफ लबर युब आङिं, दिलेय ह्‍युलर्बै म्हिमैं जोगेमिंबर युब् ग।

यूहन्‍ना 9:24

छतमा चमैंइ च मि म्रोंल् खाबै म्हि धबै हुइसि बिइ, “परमेश्‍वरए मिं थेब् लद्। चु म्हि पापि ग बिसि ङिइ सेइमुँ।”

चेला चिब्मैंए केमैं 4:14

दिलेया नब् सबै म्हि चमैंने बालु रारिब् म्रोंसि चमैंइ तोइ बिल् आखाँ।