मत्ती 27:40 - परमेश्‍वरए ताँ तमु क्युइर

⁴⁰ “क्हि मन्दिर फुवासि धबै सोंगैंर्न बनेल् खाँम् बिबै म्‍हि, आङिं वा? क्‍हि क्‍ह्रोंसेंन परमेश्‍वरए च्‍ह ग बिस्‍याँ लु, ह्रोंसलाइ जोगेबै ल्हागिर क्रूसउँइँले त यु!” बिइ।

मत्ती 27:40 ပူးပေါင်းရင်းမြစ်များ

मत्ती 16:4

तिंजोरोबै दुष्‍ट नेरो ब्यभिचारि म्हिमैंइ चिनु म्हैम्, दिलेया योनाए चिनु बाहेक् अरू चिनुमैं चमैंने उँइँरिब् आरे।” च्हौ बिसि खी चमैं वाथेंसि ह्‍याइ।

मत्ती 26:61

“चु म्‍हिइ ‘ङइ परमेश्‍वरए मन्दिर फुवासि धबै सोंगैंर बनेल् खाँम्,’ बिइ।”

मत्ती 27:41

छलेन ख्रो पिंबै खेगि चिब्मैं, शास्‍त्रिमैं नेरो चिबनाँब्मैंज्यै या खीए बिल्‍लि लदै बिइ,

मत्ती 27:42

“चुइ अरूमैं जोगेमिंइ, ह्रोंसलाइ बिस्‍याँ जोगेल् आखाँ। चु इस्राएलीमैंए म्रुँ ग बिस्‍याँ तोगो क्रूसउँइँले सर तयुल् खाँरिगे। छ लल् खाँस्‍याँ ङिज्यै या क्वेंब्मुँ।

मत्ती 27:54

सयो खब नेरो चर तबै ताँमैं म्रोंसि चर्बै कप्‍तान नेरो चने मुँबै येशूलाइ रुँबै सिपाइमैं बेल्‍ले ङ्हिंसि “चु म्‍हि क्‍ह्रोंसेन परमेश्‍वरए च्‍हन् मुँन,” बिइ।

मत्ती 4:3

छतमा दुष्‍टइ येशू ङाँर खसि बिइ, “क्‍हि क्‍ह्रोंसेंन परमेश्‍वरए च्‍ह ग बिस्‍याँ चु युँमामैं ‘क्हें तयाद्,’ बिद्।”

मत्ती 4:6

खीने बिइ, “क्‍हि क्‍ह्रोंसेंन परमेश्‍वरए च्‍ह ग बिस्‍याँ छुइले क्युरु फाल् झोंन्। तलेबिस्याँ ‘परमेश्‍वरजी क्हिलाइ जोगेमिंबर ह्रोंसए स्‍वर्गदूतमैं कुलब्मुँ। धै क्हिए प्हले युँमार आथुरिगे बिसि चमैंए योइ क्‍हि तोब्मुँ,’ बिसि छ्वेर प्ह्रिइमुँ।”

लूका 16:31

“दिलेया अब्राहामइ चने बिइ, ‘मोशा नेरो अगमबक्‍तामैंए ताँ आक्वेंस्याँ म्‍हि घ्रि सिबउँइँले सोगों तसि चमैं ङाँर ह्‍याना बिलेया चमैंइ क्‍वेंरिब् आरे।’”

दर्शन 11:10

चु अगमबक्‍तामैं ङ्हिंइ पृथ्‍बीर्बै म्‍हिमैं ल्हें दुःख पिंल। छतसि चमैंए सिनु म्रोंसि पृथ्‍बीर्बै म्‍हिमैं बेल्‍ले सैं तोंब्‍मुँ, धै चमैंइ खें-खेंमैंए न्होंर चिनु पिंब-किंब लब्‍मुँ।