मत्ती 27:19 - परमेश्‍वरए ताँ तमु क्युइर

¹⁹ पिलातस निसाफ लबै क्‍ल्‍ह्‍योर क्हुँरिबै त्हेर चए प्ह्रेंस्योइ चलाइ छ बिसि सउँसर पिमिंइ, “च छ्याब् आरेबै म्‍हिलाइ तोइ आलद्, तलेबिस्याँ च म्‍हिए कारणइ लमा तल् म्‍हुँइँसर म्‍होंडर ङइ ल्‍हें दुःख योंइ।”

मत्ती 27:19 ပူးပေါင်းရင်းမြစ်များ

उत्पत्ति 31:11

च त्हेर परमेश्‍वरए स्वर्गदूतइ म्होंडर ङने ‘ओ याकूब!’ बिमा ङइ ‘होइ, ङ चुर्न मुँ,’ बिइ।

उत्पत्ति 31:24

दिलेया च म्हुँइँसर आरामि लाबान ङाँर परमेश्‍वर म्होंडर म्रोंयुसि चने बिइ, “न्ह क्रों मि क्रों तद्। क्हिइ याकूबने छ्याँब आछ्याँब तोइ आबिद्।”

उत्पत्ति 31:29

क्हिए न्होह्रों लबै भों ङने मुँ। दिलेया क्हिए आबाए परमेश्‍वरजी तल् म्हुँइँसर ङने बिइ, ‘क्हि न्ह क्रों मि क्रों तद्। क्हिइ याकूबने छ्याँब आछ्याँब तोइ आबिद्।’

हितोपदेश 29:1

कतिन् हौदिसेया पोथाँइ आनबै म्हि थाइ आसेल्‍ले नास तयाम्।

मत्ती 1:20

दिलेया योसेफइ सैं न्‍हों-न्हों चु ताँ मैंरिमा परमेश्‍वरउँइँले युबै स्‍वर्गदूतजी चए म्‍होंडर म्रोंयुसि चने बिइ, “ओ दाऊदए खलकर्बै योसेफ, क्हिए प्ह्रेंस्यो मरियमलाइ तोइ आङ्हाँन्‍ले ब्ह्‍या लद्। तलेबिस्याँ चइ पबित्र प्ल्हउँइँले प्‍हसे नोइमुँ।

मत्ती 2:19

हेरोद म्रुँ सियाबै लिउँइँ याहवेहए स्‍वर्गदूत घ्रि मिश्र ह्‍युलरि योसेफए म्‍होंडर धबै बिइ।

मत्ती 2:22

दिलेया यहूदीयार अर्खिलाउस ह्रोंसए आबा हेरोदए क्‍ल्‍ह्‍योरि म्रुँ तइमुँ बिबै ताँ योसेफइ थेइ। चु ताँ थेसि योसेफ छाइ ह्‍याब ङ्हिंइ। छतमा म्‍होंडरि धबै परमेश्‍वर चने पोंइ। खीजी बिब् म्हाँदिसि योसेफ गालील ह्‍युलर ह्‍याइ।

मत्ती 27:18

तलेबिस्याँ चमैंइ येशूए फिर ह्रिस लसि खी ङाँर पखब् ग बिब क्रथेइ था सेल।

मत्ती 27:24

ह्रोंसइ तोइ लल् आखाँब् म्रोंसि झन् खैला-बैला तम् उ बिब् मैंसि चइ म्‍हिमैंए उँइँर क्‍युइ यो ख्रुसि बिइ, “छबिस्याँ चु म्‍हि सैबै छ्याब् ङए फिर आल्‍हैदिरिगे। चलाइ सैबै पापए छ्याब् क्‍हेमैंए फिर्न खरिगे।”

मत्ती 27:4

“ङइ तोइ छ्याब् आरेबै म्‍हिलाइ धोका पिंसि पाप लइमुँ।” बिमा चमैंइ बिइ, “ङिलाइ तो मतलब? चम् क्‍हिन् सेद्।”

लूका 23:41

दिलेया ङ्यो ङ्हिंम् आछ्याँबै के लसि योंल् त्‍हुबै सजैं योंरिइमुँ, दिलेया चु म्‍हिजीम् आछ्याँबै के तोइ आलइमुँ।”

लूका 23:47

छतब् म्रोंसि “क्‍ह्रोंसेंन चु म्‍हि धर्मि मुँन!” बिदै रोमी कप्‍तानइ परमेश्‍वरए मिं क्वेइ।

यूहन्‍ना 19:13

पिलातसइ चु ताँ थेसि येशू दरबारए बैरु पुयुसि “युँमाइ स्युबै ह्‍यु” बिबै क्ल्ह्‍योरि निसाफ लबर क्हुँइ। (हिब्रू क्युइर च ह्‍युए मिं गब्‍बथा बिमुँ।)

चेला चिब्मैंए केमैं 12:21

म्रुँइ त्हाँबै त्हिंइर म्रुँमैंइ खिबै क्वें खिसि हेरोद चए राजगद्दिर क्हुँसि चमैंए उँइँर भाषण लइ।

चेला चिब्मैंए केमैं 18:12

अखैया बिबै ह्‍युलर गलियोन बिबै म्हि रोमी क्रथे तमा यहूदीमैं ताँन् क्ह्रिसि पावलए बिरोध लइ, धै अदालतर बोइ।

चेला चिब्मैंए केमैं 18:16

छ बिसि चइ अदालतउँइँले यहूदीमैं ल्हावाइ।

चेला चिब्मैंए केमैं 18:17

छतमा च त्हेर्न चमैं ताँनइ च्हों धिंर्बै चिब सोस्‍थेनिस क्हासि अड्डा धिंए ओंसों धोंरिइ। दिलेया गलियोनइ च ताँए तोइ वास्ता आल।

चेला चिब्मैंए केमैं 25:10

पावलइ बिइ, “ङ कैसर म्रुँए निसाफ लबै क्‍ल्‍ह्‍योर्न रारिइमुँ, चुर्न ङए निसाफ तल् त्‍हुम्। यहूदीमैंला ङइ तोइ न्होह्रों आलइमुँ। चु ताँ क्हिज्यै या छेनालेन् सेइमुँ।

चेला चिब्मैंए केमैं 25:17

“छतमा चमैं खागु तसि चुर युमा ङइ क्हैल् आलन्ले प्हँन्हाँग्धोंन् निसाफ लबै क्‍ल्‍ह्‍योर टिसि, ‘पावल चुर पखो,’ बिसि ल्हैदिइ।

चेला चिब्मैंए केमैं 25:6

फेस्तस चमैंने बालु प्रेरो च्युरो दे भन्दा ल्हें आटिल्‍ले कैसरियाउँइँ एह्‍याइ। चर फेनेबै प्हँन्हाँग्धोंन् निसाफ लबै क्ल्ह्‍योर टिसि चइ सिपाइमैंने “पावल चुर पखो!” बिइ।

१ पत्रुस 2:22

खीजी तोइ पाप आल, खीजी खोंयोंइ या स्‍योर आते।

१ यूहन्‍ना 2:1

ओ ङए कोलोमैं, क्‍हेमैंइ पाप आलरिगे बिसि ङइ चु प्ह्रिछ्या प्‍ह्रिरिइमुँ। दिलेया खाबज्‍यै या पाप लइबिस्‍याँ ङ्योए ल्हागिर परमेश्‍वर आबाने क्षमा ह्रिमिंबै येशू ख्रीष्‍ट मुँ। खीजी ठिक के लम्।