मत्ती 27:1 - परमेश्‍वरए ताँ तमु क्युइर

¹ न्‍हाँक्‍कर्न, ख्रो पिंबै ताँन् खेगि चिब्मैं नेरो यहूदी चिबनाँब्मैंइ येशूलाइ सैब् बिसि खीए बिरोधर मत लइ।

मत्ती 27:1 ပူးပေါင်းရင်းမြစ်များ

भजनमैं 2:2

याहवेह नेरो खीजी छ्युगु फोसि त्हाँबै म्रुँए बिरोधर ह्‍युलर्बै म्रुँमैं राम्, धै चर्बै चिब्मैं खागु तसि खेंमैंए न्होंर मदो लसि

भजनमैं 31:13

ल्हें म्हिइ ङए बिरोधर आछ्याँबै ताँ पोंब ङइ थेइमुँ, छतसि ङ खन्तोदोंउँइँलेन् ङ्हिंल् त्हुइमुँ! चमैं क्ह्रिसि ङए बिरोधर मत लम्; धै ङलाइ सैबै जाल रोम्।

भजनमैं 71:10

तलेबिस्याँ ङए शत्तुरमैंइ ङए बिरोधर ताँ लम्, ङलाइ सैल् म्हैब्मैं खेंमैंए न्होंर छ बिसि मत लम्,

मत्ती 23:13

“धिक्‍कार मुँ, शास्‍त्रिमैं नेरो फरिसीमैं, क्‍हेमैं फिब्लो पार्दिब्मैं! स्‍वर्गर्बै ग्याल्सर होंल् म्हैबै म्‍हिमैंलाइ क्‍हेमैंइ म्रा तोरवाम्। क्‍हेमैं ह्रोंसै या आहों, होंल् म्‍हैब्‍मैंलाज्यै या होंल् आपिं।

मर्कूस 15:1

झाइले न्‍हाँगर मि म्रोंबै तोदोंन् ख्रो पिंबै खेगि चिब्मैं, चिबनाँब्मैं, शास्‍त्रिमैं नेरो थेबै म्हि च्होंर खागु तबै म्हिमैंइ सल्‍ला लसि येशूलाइ फैसि पिलातस बिबै रोमी क्रथे ङाँर बोयाइ।

लूका 13:1

“गालील ह्‍युलर्बै को-कोइ म्हिमैंइ यरूशलेम सहरर्बै मन्दिरर परमेश्‍वरए मिंर क्‍यु सैसि ख्रो पिंमा पिलातस बिबै रोमी क्रथेइ चमैंलाइन सैवासि च म्‍हिमैंए को ख्रो पिंबै क्‍युए कोर कोंवाल बिसि च त्‍हेर चर खागु तबै म्हिमैंइ येशूने,” बिइ।

लूका 22:66

नाँ न्होंबै तोदोंन् यहूदी ह्‍युलर्बै चिब्मैं, ख्रो पिंबै खेगि चिब्मैं नेरो शास्‍त्रिमैं ताँन् खागु तसि येशूलाइ थेबै म्हि च्होंए उँइँर बोमा चमैंइ बिइ,

यूहन्‍ना 18:28

चमैंइ न्हाँगर्न येशू कैयाफाए धिंउँइँले रोमी सरकारए क्रथेए दरबारउँइँ बोइ। दिलेया यहूदी चिबनाँब्मैं “दुःखने फ्रेबै चाडए भोज चबै ल्हागिर ङ्यो चोखो तल् त्हुम्,” बिसि दरबार न्होंर आहों।

चेला चिब्मैंए केमैं 5:21

चु ताँ थेसि चमैं न्हाँकार्न मन्दिर न्होंर होंसि म्हिमैंलाइ लोमिंबर होंइ। छतमा ख्रो पिंबै खेगि क्रथे नेरो चने बालु मुँब्मैंइ थेबै म्हि च्हों खागु लबर इस्रालिमैंए ताँन् चिबनाँब्मैं हुइइ। धै चमैंइ “चमैं पखो” बिसि झेलउँइँ म्हिमैं कुलइ।