मत्ती 26:75 - परमेश्‍वरए ताँ तमु क्युइर

⁷⁵ च त्हेर्न येशूजी ओंसों बिबै ताँ चिसि पत्रुस बैरु ह्‍यासि बेल्‍ले क्रोइ। तलेबिस्याँ येशूजी ओंसोंन् पत्रुसने “नग भाले ओरब् भन्दा ओंसोंन् क्‍हिइ सोंखे समा ङ ङो आसे बिब्‍मुँ,” बिल।

मत्ती 26:75 ပူးပေါင်းရင်းမြစ်များ

मत्ती 10:33

खाबइ म्‍हिमैंए उँइँर ‘ङइ येशू ङो आसे’ बिमुँ, ङज्यै या ङए स्वर्गर मुँबै परमेश्‍वर आबाए उँइँरि ‘चुम् ङइ ङो आसे’ बिब्‍मुँ।”

मत्ती 26:34

येशूजी चने बिइ, “क्ह्रोंसेंन ङ क्हिने बिमुँ, तिंयाँबै म्‍हुँइँसर नग भाले ओरब् भन्दा ओंसों सोंखे समा क्‍हिइ ङ ङो आसे बिब्मुँ।”

मत्ती 26:74

दिलेया पत्रुसइ “ङइ च म्हि सेन् आसे बिसि ह्रोंसलाइन सराप पिंदै कसम चबर होंइ।” छ बिबै तोदोंन् नग भाले ओरइ।

यूहन्‍ना 13:38

येशूजी बिइ, “ङए ल्हागिरि क्हिइ ह्रोंसए ज्यु पिंम्मा? क्ह्रोंसेंन ङ क्हिने बिमुँ, क्‍हिइ सोंखे समा ङलाइ ङो आसे आबिन् समा नग भाले ओररिब् आरे।

१ कोरिन्थी 4:7

खाबइ क्हिलाइ अरूमैं भन्दा थेब् लमिंइ? क्‍हिने मुँबै सैमैं ताँन् परमेश्‍वरजी पिंब आङिं वा? क्‍हिइ योंबै तोन्दोंरि सैमैं परमेश्‍वरजी पिंबै बरदान आङिं वा? छतसि क्हेमैं तले थेब् प्हैंमुँ?

गलाती 6:1

ओ ङए अलि-अङाँमैं, खाबज्यै आछ्याँबै केमैं लब स्यास्याँ क्हेमैं पबित्र प्ल्ह मुँबै म्हिमैं च्योंने तसि चलाइ छ्याँबै घ्याँर पखल् त्हुम्। झाइले क्‍हेमैं या छाबै आछ्याँबै केर आफसेरिगे बिसि छेनाले मैंब च्हैंब लसि न्ह क्रों मि क्रोंले टिल् त्‍हुम्।

१ पत्रुस 1:5

क्‍हेमैंइ परमेश्‍वर फिर बिश्‍वास लइ। छतसि खीए शक्‍तिउँइँले क्‍हेमैंइ चु आशिक योंबै ल्हागिर खीजी क्हेमैंलाइ जोगेसि थेंइमुँ। च आशिक चु ह्‍युल नुयाबै त्हिंइर खीजी उँइँमिंब्‍मुँ।