मत्ती 26:7 - परमेश्‍वरए ताँ तमु क्युइर

⁷ च्हमिरि घ्रिइ सिङ्गमरमरए परुर लिंबै थाँ खबै सै ल्हें फेबै अत्तर पखसि खी ङाँर खइ। धै खी चब् चबर क्हुँमा च च्हमिरिइ अत्तर खीए क्रर युमिंइ।

मत्ती 26:7 ပူးပေါင်းရင်းမြစ်များ

भजनमैं 133:2

सै ल्हें फेबै छ्युगु हारूनए क्रर युमिंब् धोंब चु तम्। च छ्युगु हारूनए दाह्रि समा युम्, चए क्वेंए ङाँ समा फेनेम्।

मत्ती 26:8

छ लब् म्रोंसि चेलामैं ह्रिस खसि बिइ, “तले च्हौ ल्हें सै फेबै अत्तर नोक्सन लब् जा?

मर्कूस 14:3

च त्हेर येशू बेथानिया बिबै नाँसर सिमोन बिबै कोर खबै म्‍हि घ्रिए धिंर कैं चबर क्हुँमा च्हमिरि घ्रिइ सिङ्गमरमरए सिसा घ्रिर जटामसि बिबै सै ल्हें फेबै अत्तर पखइ। धै चइ सिसा तिसि येशूए क्रर अत्तर युमिंइ।

लूका 7:46

क्‍हिइ ङए क्रर छ्युगु आफोमिं, दिलेया चुइ ङए प्‍हलेरै या सै ल्हें फेबै अत्तर फोमिंइमुँ।