मत्ती 26:55 - परमेश्‍वरए ताँ तमु क्युइर

⁵⁵ च त्हेर्न येशूजी खी क्‍हाबर खबै म्हिए हुलने बिइ, “ह्‍यो क्हाबर खब् धोंले सेलाँ नेरो प्‍हरे छेसि ङ ङाँर तले खल? ङइ त्हिंइ ह्रोंसे मन्दिरर लोमिंममा क्‍हेमैंइ ङलाइ आक्‍हा।

मत्ती 26:55 ပူးပေါင်းရင်းမြစ်များ

मत्ती 21:23

च लिउँइँ येशू मन्दिरर ह्‍यासि ताँमैं लोमिंबर होंमा ख्रो पिंबै खेगि चिब्मैं नेरो यहूदी चिबनाँब्मैं खी ङाँर खसि “क्हिइ खाबै हगउँइँले चु केमैं लल? खाबइ चु केमैं लबै हग पिंइ?” बिसि ङ्योएइ।

मत्ती 26:47

येशूजी छ बिइन मुँमा खीए च्युसे ङ्हिं चेलामैं न्‍होंर्बै यहूदा चर फेखइ। चने बालु सेलाँ (तरवार) नेरो प्‍हरे छेबै थेबै हुलै या खइ। चमैं ख्रो पिंबै खेगि चिब्मैं नेरो यहूदीमैंए चिबनाँब्मैंइ कुल्‍मिंब्‍मैं मुँल।

मर्कूस 10:1

झाइले येशू कफर्नहुम ह्‍युल पिसि यर्दन स्‍योंए क्योंजा यहूदीया ह्‍युलर ह्‍याइ। चरै या म्हिए हुल खी ङाँर खागु तखइ। धै सोदाजरे धोंले खीजी धबै चमैंलाइ लोमिंइ।

मर्कूस 12:35

झाइले येशूजी मन्दिरर लोमिंमा बिइ, “‘परमेश्‍वरजी कुल्मिंबै म्रुँ ख्रीष्‍ट दाऊदए सन्‍तान ग,’ बिसि शास्‍त्रिमैंइ तले बिमुँ?

लूका 19:47

छले येशूजी त्हिंइ ह्रोंसे मन्दिरर म्हिमैं लोमिंमल। छतसि ख्रो पिंबै खेगि चिब्मैं, शास्‍त्रिमैं नेरो चिबनाँब्मैं क्ह्रिसि येशू सैल् म्‍हैमल।

लूका 20:1

तिगें येशूजी मन्दिरर परमेश्‍वरउँइँले खबै सैं तोंबै ताँमैं म्हिमैं लोमिंरिल। छतमा चिबनाँब्मैं, ख्रो पिंबै खेगि चिब्मैं नेरो शास्‍त्रिमैं येशू ङाँर खसि

लूका 4:20

च्‍हौ खेल् खाँसि खीजी परमेश्‍वरए छ्वे च्हों धिंर्बै म्हिने पिंसि खी क्हुँइ। च्हों धिंर मुँबै ताँन् म्‍हिमैंइ खीलाइ ङ्‍ह्‍योबै ङ्‍ह्‍योबन् लरिल।

यूहन्‍ना 7:14

चाड आधा तबि छेमा येशू मन्दिर न्होंर ह्‍यासि ताँमैं लोमिंइ।

यूहन्‍ना 7:28

येशूजी मन्दिरर लोमिंरिमा थेबै कैले बिइ, “क्हेमैंइ ङलाइ ङो सेम्, धै ङ खनिउँइँले युइ बिबै ताँ या क्हेमैंइ सेइमुँ। ङ ह्रोंसए सैंर मैंब् धोंले युब आङिं, दिलेया ङलाइ कुल्मिंबै परमेश्‍वर आबा क्ह्रोंसेंन्बै मुँ। क्हेमैंइ खीलाइ ङो आसे।

यूहन्‍ना 8:2

प्‍हँन्हाँग्धों न्‍हाँक्‍कर्न खी धबै कोंउँइँले युसि मन्दिरर ह्‍यामा ताँन् म्हिमैं खी ङाँर खइ। धै येशू क्हुँसि चमैं लोमिंर होंइ।

यूहन्‍ना 8:20

चु ताँमैं येशूजी मन्दिरर मुइ झोंबै बाकस ङाँर क्हुँसि बिब् ग। दिलेया खाबज्‍यै या खीलाइ आक्‍हा। तलेबिस्याँ खीए सिबै त्हे अझै आतल।