मत्ती 26:52 - परमेश्‍वरए ताँ तमु क्युइर

⁵² छाब् म्रोंसि येशूजी चने “क्‍हिए सेलाँ स्युर झोंन् बिइ, तलेबिस्याँ सेलाँ छेब्मैं ताँन् सेलाँइन सैवाब्‍मुँ।

मत्ती 26:52 ပူးပေါင်းရင်းမြစ်များ

उत्पत्ति 9:6

परमेश्‍वरजी म्हिलाइ ह्रोंस धोंबन् बनेइमुँ। छतसि खाबइ म्हिलाइ सैमुँ, चलाज्यै या म्हिइ सैब्मुँ।

भजनमैं 55:23

दिलेया ओ परमेश्‍वर, क्हिजी दुष्‍टमैं नास तबै होंल्दोंर भ्योंवाब्मुँ; म्हि सैब्मैं नेरो छलु म्हिलु लब्मैं आधा बैंसर्न सियाब्मुँ। दिलेया ङइ बिस्याँ क्हिए फिर्न भर थेंइमुँ।

प्रस्थान 21:12

“खाबज्यै या म्हिलाइ प्रिंसि सैवास्याँ चलाज्यै या सैवाल् त्हुम्।

मत्ती 5:39

दिलेया ङ क्हेमैंने बिमुँ, क्‍हिए न्होह्रों लब्‍मैंने खि आफोद्। खाबज्यै क्‍हिए क्‍योलोउँइँबै क्ह्राँबोर ल्हिस्‍याँ क्‍हिइ त्हेब्रेउँइँबै क्ह्राँबो या चउँइँ तोमिंन्।

रोमी 12:19

ओ ङए खोबै अलि-अङाँमैं, ह्रोंसए न्होह्रों लब्मैंने खोंयोंइ खि आकिंन्। चमैंलाइ परमेश्‍वरए ह्रिसर्न पिवाद्, तलेबिस्याँ “खि किंबै के ङल् ग, ङजीन् खि किंब्‍मुँ,” बिसि छ्वेर प्ह्रिइमुँ।

१ थेसलोनिकी 5:15

खाबज्‍यै क्हेमैंए न्होह्रों लवालेया खि आफोद्, दिलेया बिश्‍वासीमैंए फिर नेरो अरू म्‍हिमैंए फिरै या छ्याँबै के लबै सैं मैंन्।

१ पत्रुस 3:9

अरूइ क्हेमैंए न्होह्रों ललेया क्हेमैंइ चमैंए न्होह्रों आलद्, अरूइ क्‍हेमैंए फिर गाल् केलेया क्हेमैंइ गाल् आकेद्। बरु आशिक पिंन्, तलेबिस्याँ क्‍हेमैंइ आशिक योंरिगे बिसि परमेश्‍वरजी क्‍हेमैंलाइ हुइब् ग।

दर्शन 13:10

झेलर झोंल् त्हुब्मैं झेलर्न झोंब्मुँ। सेलाँइ सैल् त्हुब्मैं, सेलाँइन सैब्मुँ। छतब म्रोंलेया परमेश्‍वरए म्‍हिमैं आङ्हिंन्, ढुक्‍कले बिश्‍वासर भोंब् तद्।”

दर्शन 16:6

तलेबिस्याँ पृथ्‍बीर्बै म्‍हिमैंइ क्‍हिए पबित्र म्‍हिमैं नेरो क्‍हिए अगमबक्‍तामैं सैवासि को-कोन् लवाइ। छतसि चमैंए खि फोबर तोगो क्‍हिजी चमैंलाइ को थुँल् पिंइमुँ। चु चमैंइ योंल् त्हुबै सजैं ग।”