मत्ती 26:5 - परमेश्‍वरए ताँ तमु क्युइर

⁵ दिलेया चमैंइ बिइ, “चाडए त्हेर क्‍हाब आत। ङ्योइ छ लस्‍याँ म्‍हिमैं खैला-बैला तब्मुँ।”

मत्ती 26:5 ပူးပေါင်းရင်းမြစ်များ

भजनमैं 76:10

क्ह्रोंसेंन् म्हिमैंने क्हिए ह्रिस खमा क्हिए मिंन् थेब् लब्मुँ; झाइले क्हिए ह्रिसउँइँले सोब्मैंइ आछ्याँबै के लब पिवाब्मुँ।

हितोपदेश 19:21

म्हिए खोंर ल्हें चाँजोमैं तम्, दिलेया याहवेहए सैंर मैंबै ताँमैंन् पूरा तब्मुँ।

हितोपदेश 21:30

याहवेहए बिरोधर म्हिए ज्ञान बुद्धि, चाँजोमैं नेरो खैतबै सल्‍ला केर आफे।

मत्ती 14:5

छतसि हेरोदइ यूहन्‍ना सैबै सैं ललेया चर्बै यहूदी म्हिमैं म्रोंसि ङ्हिंमल। तलेबिस्याँ “यूहन्‍ना अगमबक्‍ता ग,” बिसि चमैंइ म्हाँदिमल।

मत्ती 21:26

दिलेया ‘म्हिमैंउँइँले’ बिले बिस्‍याँ म्हिमैंइ तोइ लम् उ बिसि ङ्हिंल् त्हुइमुँ। तलेबिस्याँ यूहन्‍ना अगमबक्‍ता ग बिसि ताँन् म्हिमैंइ म्हाँदिम्।”

मत्ती 27:24

ह्रोंसइ तोइ लल् आखाँब् म्रोंसि झन् खैला-बैला तम् उ बिब् मैंसि चइ म्‍हिमैंए उँइँर क्‍युइ यो ख्रुसि बिइ, “छबिस्याँ चु म्‍हि सैबै छ्याब् ङए फिर आल्‍हैदिरिगे। चलाइ सैबै पापए छ्याब् क्‍हेमैंए फिर्न खरिगे।”

मर्कूस 14:12

प्लेढा आझोंबै क्हें चबै चाडए ओंसोंबै त्हिंइर दुःखने फ्रेबै चाडए ल्हागिर चमैंइ क्‍यु ख्रो पिंमल। छतसि येशूए चेलामैंइ “ङि खनिर ह्‍यासि क्हिए ल्हागिर दुःखने फ्रेबै चाडए भोज तौदु लले? क्‍हिए सैं तो मुँ? बिसि,” खीने ङ्योएइ।

मर्कूस 14:2

दिलेया “चाडए त्हेर ङ्योइ छ लल् आत। छ लइ बिस्याँ म्‍हिमैंए म्‍हाँजोर खैलाबैला तब्मुँ बिसि,” शास्त्रिमैंइ बिल।

मर्कूस 14:27

झाइले येशूजी चमैंने बिइ, “तारे क्‍हेमैंइ ङलाइ वाथेंसि ह्‍याब्‍मुँ तलेबिस्याँ परमेश्‍वरए छ्वेर छले प्‍ह्रिइमुँ, ‘ङइ प्‍ह्रोंछैं सैवाब्‍मुँ, धै क्‍युमैं सोग्याँ प्हुँग्या तयाब्‍मुँ।’

लूका 20:6

‘म्हिउँइँले’ बिले बिस्‍याँ चुर्बै म्‍हिमैं ताँनइ ङ्यो युँमाइ प्रिंसि सैवाब्‍मुँ, तलेबिस्याँ यूहन्‍ना अगमबक्‍ता ग बिसि चमैंइ क्वेंम्।”

लूका 22:7

प्लेढा आझोंबै क्हें चबै चाडर म्हिमैंइ क्‍यु झज ख्रो पिंसि दुःखने फ्रेबै चाड म्हाँदिमल।

यूहन्‍ना 18:28

चमैंइ न्हाँगर्न येशू कैयाफाए धिंउँइँले रोमी सरकारए क्रथेए दरबारउँइँ बोइ। दिलेया यहूदी चिबनाँब्मैं “दुःखने फ्रेबै चाडए भोज चबै ल्हागिर ङ्यो चोखो तल् त्हुम्,” बिसि दरबार न्होंर आहों।

चेला चिब्मैंए केमैं 19:29

छतमा च सहर तिगोंन् खैला-बैला तइ धै चमैं घ्रि तसि पावलने प्रबै माकेडोनियाथेंमैं ङ्हिं गायस नेरो अरिस्‍तार्खस क्हासि रङ्गशालए न्होंर चैंदै बोइ।

चेला चिब्मैंए केमैं 21:38

क्हि च मिश्रथें आङिं वा? चइ ओंसों प्होंगि कैगि लसि हजार प्लि प्होंगि लब्मैं क्यु आयोंबै क्ल्ह्‍योर बोयाल।”

चेला चिब्मैंए केमैं 4:28

छतमा ओंसों ओंनोंन् क्हिए योउँइँले क्हिजी लबै चाँजोमैं च बिरोधीमैंइ पूरा लइ।