मत्ती 26:45 - परमेश्‍वरए ताँ तमु क्युइर

⁴⁵ झाइले खी चेलामैं ङाँर खसि चेलामैंने बिइ, “क्‍हेमैं अझै रोसि भोंन् न्हरिल् वा? ङ्‌ह्‍योद्, म्हिए च्ह क्‍हासि ‍पापिमैंए योर पिंवाबै त्हे तयाल् खाँइमुँ।

मत्ती 26:45 ပူးပေါင်းရင်းမြစ်များ

मत्ती 26:18

खीजी चमैंने बिइ, “सहरर म्‍हि घ्रि ङाँर ह्‍यासि चने बिद्, गुरुजी बिइमुँ, ‘ङए ल्हागिर तोक्दिबै त्हे तखइमुँ। छतसि ङए चेलामैंने बालु ङ क्‍हिए धिंर दुःखने फ्रेबै चाड म्हाँदिदा ङ्हाँइमुँ,’ बिद्।” बिसि कुल्मिंइ।

मत्ती 26:2

“क्‍हेमैंइ सेइमुँ, ङ्हिरो लिउँइँ दुःखने फ्रेबै चाड खमुँ। च त्हेर म्हिमैंइ म्हिए च्ह क्रूसर च्‍योवाबै ल्हागिर क्हाब्‍मुँ।”

मत्ती 26:44

छ तब् म्रोंसि चमैं धबै चर्न वाथेंसि सोंखेबै लारै या ह्‍यासि ओंसों लब् धोंलेन् प्राथना लइ।

मत्ती 26:46

रेद्, ह्‍याले। ङ्‍ह्‍योद्! ङलाइ क्हाल् पिंबै म्‍हि चेंदोन् मुँ।”

मर्कूस 14:35

बिसि खी दे क्‍याइ ह्‍यासि सर पत्खु तसि “तल् खाँम् बिस्‍याँ चु दुःखए त्हे ङ ङाँइँले स्योमिंनु,” बिसि प्राथना लइ।

लूका 22:53

ङ त्हिंइ ह्रोंसे क्‍हेमैंने ‍बालुन् मन्दिरर मुँमा क्‍हेमैंइ ङ आक्हा। दिलेया तारे क्हेमैंए त्हे तइमुँ। छतसि क्हेमैं तो के लबर खल, च के लद्, तलेबिस्याँ मिछु खैबर्बै शक्‍तिए के लबै त्हे चुन् ग।”

यूहन्‍ना 12:23

येशूजी चमैंने बिइ, “तारे म्हिए च्हजी थेबै मान योंबै त्‍हे तखइमुँ।

यूहन्‍ना 12:27

“तोगो ङए सैं खैता-खैता ङ्हाँइमुँ। छतसि ङइ तो बिले? ‘ओ आबा, चु खबि छेबै दुःखउँइँले ङ जोगेमिंन्,’ बिब् उ? आङिं, तलेबिस्याँ चु दुःख नोबै ल्हागिर्न ङ चु ह्‍युलर युब् ग।

यूहन्‍ना 13:1

खीजी चु ह्‍युल पिसि परमेश्‍वर आबा ङाँर ह्‍याबै त्हे तखइमुँ बिसि दुःखने फ्रेबै चाडए ओंसोंन् येशूजी था सेल। खीजी ह्‍युलर मुँबै ह्रोंसए चेलामैंने खोंयोंइ म्हाँया लरिमल, धै लिउँइँ समन् चमैंने म्हाँया लरिइ।

यूहन्‍ना 17:1

चु ताँ बिल् खाँबै लिउँइँ येशूजी स्वर्गउँइँ ङ्‍ह्‍योसि बिइ, “ओ आबा, क्जिजी तोक्दिबै त्हे तखइमुँ। च्हइ क्हिए थेबै मान उँइँमिंरिगे बिसि च्हए थेबै मान तल् पिंन्।