मत्ती 26:31 - परमेश्‍वरए ताँ तमु क्युइर

³¹ झाइले येशूजी चमैंने बिइ, “तिंयाँबै म्‍हुँइँसर ङए फिर तखबै केमैं म्रोंसि क्‍हेमैं ताँनइ ङ वाथेंसि ह्‍याब्‍मुँ। तलेबिस्याँ परमेश्‍वरए छ्वेर छले प्‍ह्रिइमुँ, ‘ङइ क्युछैं सैवाब्‍मुँ, धै क्‍युए बगालमैं खन्‍तोंदोंन् प्हुँयाब्‍मुँ।’

मत्ती 26:31 ပူးပေါင်းရင်းမြစ်များ

भजनमैं 38:11

ङए क्राँथाँ नाँबै घाइ लमा ङए थुमैं नेरो ङए ङ्‍हेब् ट्हुब्मैं ङउँइँले ह्रेंगो तम्, धै ङए परवामैं या ङ ङाँर आख।

भजनमैं 69:20

म्हिमैंइ प्ह्रमा ङए सैं चोयाइमुँ, धै ङए सैं बेल्‍ले नइमुँ। ङए फिर ल्हयो खब्मैं खाबै मुँ उ बिसि म्हैइ, दिलेया खाबै आरेल, धै सैं क्होल् लमिंब्मैं या खाबै मुँ उ बिसि ङइ म्हैइ, दिलेया खाबै आयों।

भजनमैं 88:18

ङए थुमैं नेरो ङए फिर म्हाँया लब्मैंलाइ क्हिजी ङउँइँले ह्रेंगो लवाइ; छतसि मिछु खैबै क्ल्ह्‍यो ङने क्ह्रिबै थु तइमुँ।

मत्ती 11:6

चु ताँ या बिद्, ङए ताँ क्वेंसि तोइ संका आलबै म्‍हिइ आशिक योंब्मुँ।”

मत्ती 26:24

परमेश्‍वरए छ्वेर प्‍ह्रिब् धोंले म्हिए च्ह सिलन् त्‍हुम्, दिलेया म्हिए च्ह क्हाल् पिंबै म्हिलाइ धिक्‍कार मुँ। च म्हि आफिस्याँ चए ल्हागिरि छ्याँब तमल।”

मत्ती 26:56

तलेबिस्याँ अगमबक्‍तामैंइ प्‍ह्रिबै ताँ पूरा तरिगे बिसि छ तब् ग।” च तोदोंन् चेलामैं ताँन् खी वाथेंसि भौदिह्‍याइ।

यूहन्‍ना 16:32

ङ्ह्‍योत्ति! त्हे खसिन् मुँ, खल् खाँइ। च त्हेर क्हेमैं खन्तोदोंन् प्हुँयासि ह्रों-ह्रोंसए धिंर ह्‍याब्मुँ धै ङ घ्रिन् वाथेंब्मुँ। दिलेया ङ घ्रि आरे, तलेबिस्याँ आबा ङने बालुन् मुँ।