मत्ती 26:3 - परमेश्‍वरए ताँ तमु क्युइर

³ झाइले ख्रो पिंबै खेगि चिब्मैं नेरो यहूदी चिबनाँब्मैं कैयाफा बिबै ख्रो पिंबै खेगि क्रथेए दरबारर खागु तइ।

मत्ती 26:3 ပူးပေါင်းရင်းမြစ်များ

भजनमैं 56:6

ङइ आसेल्‍ले चमैंइ ङए बिरोधर आछ्याँबै चाँजो लम्; चमैंइ ङ प्रबै घ्याँ ङ्ह्‍योमुँ; ङ सैब् बिसि चमैं च्ह्‍याइ टिम्।

मत्ती 26:69

पत्रुस बैरु ह्‍युर्न टिरिमा केब्स्यो घ्रि च ङाँर खसि “क्‍हि या गालीलथें येशूने बालु मुँल्दि आङि वा,” बिइ।

मत्ती 27:27

झाइले क्रथेए सिपाइमैंइ येशू दरबारर बोइ, धै ताँन् पल्टनर्बै सिपाइमैं खीए उँइँर खागु लइ।

मर्कूस 14:54

पत्रुस बिस्‍याँ दे ह्रेंगोले येशूए लिलि ल्‍हैदिसि ख्रो पिंबै खेगि क्रथेए ह्‍युर फेखसि ख्रो पिंबै खेगि क्रथेए पालेमैंने मि त्‍हिबर होंइ।

मर्कूस 14:66

पत्रुस ह्‍युर्न टिरिमा ख्रो पिंबै खेगि क्रथेए केब्स्यो घ्रि चर खइ।

मर्कूस 15:16

सिपाइमैंइ येशूलाइ दरबार न्‍होंर बोसि चर्बै अरू सिपाइमैं या ताँन् खागु लइ।

लूका 22:55

ख्रो पिंबै खेगि क्रथेए धिंर्बै ह्‍युर म्‍हिमैं मि त्हेरिल। छतसि पत्रुसै या चमैंने बालुन् क्हुँइ।

लूका 3:2

झाइले यरूशलेमर हन्‍नास नेरो कैयाफा ख्रो पिंबै खेगि क्रथेमैं मुँल। च त्‍हेर क्यु आयोंबै क्ल्ह्‍योर जकरियाए च्‍ह यूहन्‍नाने परमेश्‍वरए ताँ युइ।

यूहन्‍ना 11:57

ख्रो पिंबै खेगि चिब्मैं नेरो फरिसीमैंइ येशू क्हाबै ल्हागिर खी खनिर मुँलेया खाबज्यै सेस्याँ था पिंन् बिसि बिल।

यूहन्‍ना 18:24

च लिउँइँ हन्‍नासइ येशू फैसिन् ख्रो पिंबै खेगि क्रथे कैयाफा ङाँर कुल्मिंइ।

यूहन्‍ना 18:28

चमैंइ न्हाँगर्न येशू कैयाफाए धिंउँइँले रोमी सरकारए क्रथेए दरबारउँइँ बोइ। दिलेया यहूदी चिबनाँब्मैं “दुःखने फ्रेबै चाडए भोज चबै ल्हागिर ङ्यो चोखो तल् त्हुम्,” बिसि दरबार न्होंर आहों।