मत्ती 26:24 - परमेश्‍वरए ताँ तमु क्युइर

²⁴ परमेश्‍वरए छ्वेर प्‍ह्रिब् धोंले म्हिए च्ह सिलन् त्‍हुम्, दिलेया म्हिए च्ह क्हाल् पिंबै म्हिलाइ धिक्‍कार मुँ। च म्हि आफिस्याँ चए ल्हागिरि छ्याँब तमल।”

मत्ती 26:24 ပူးပေါင်းရင်းမြစ်များ

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

भजनमैं 55:15

थाइ आसेल्‍ले ङए शत्तुरमैं कालए सुँर फेरिगे; सोगोंन् चमैं क्रोंर ह्‍याल् त्हुरिगे; तलेबिस्याँ चमैंए सैंइ आछ्याँबै चाँजो मत्त्रे लम्।

भजनमैं 55:23

दिलेया ओ परमेश्‍वर, क्हिजी दुष्‍टमैं नास तबै होंल्दोंर भ्योंवाब्मुँ; म्हि सैब्मैं नेरो छलु म्हिलु लब्मैं आधा बैंसर्न सियाब्मुँ। दिलेया ङइ बिस्याँ क्हिए फिर्न भर थेंइमुँ।

मत्ती 18:7

धिक्‍कार चु ह्‍युललाइ! तलेबिस्याँ चु ह्‍युलर म्‍हिमैंलाइ पापर च्होवाबै सैमैं मुँ। पापर च्होवाबै परिक्षाम् खम्, दिलेया अरू म्हिलाइ पापर च्होवाबै म्हिलाइ झन धिक्‍कार मुँ।

मत्ती 26:31

झाइले येशूजी चमैंने बिइ, “तिंयाँबै म्‍हुँइँसर ङए फिर तखबै केमैं म्रोंसि क्‍हेमैं ताँनइ ङ वाथेंसि ह्‍याब्‍मुँ। तलेबिस्याँ परमेश्‍वरए छ्वेर छले प्‍ह्रिइमुँ, ‘ङइ क्युछैं सैवाब्‍मुँ, धै क्‍युए बगालमैं खन्‍तोंदोंन् प्हुँयाब्‍मुँ।’

मत्ती 26:54

दिलेया ङइ छले ल्होमिंन् बिस्याँ, परमेश्‍वरए छ्वेर चु तलन् त्हुम् बिसि प्ह्रिबै ताँ खैले पूरा तल् खाँमुँ?”

मत्ती 26:56

तलेबिस्याँ अगमबक्‍तामैंइ प्‍ह्रिबै ताँ पूरा तरिगे बिसि छ तब् ग।” च तोदोंन् चेलामैं ताँन् खी वाथेंसि भौदिह्‍याइ।

मर्कूस 14:21

परमेश्‍वरए छ्वेर म्हिए च्हए बारेर प्ह्रिब् धोंले तलन् त्‍हुम्। दिलेया म्हिए च्हलाइ धोका पिंबै म्हि आफिबन् स्वाब तमल।”

मर्कूस 9:12

येशूजी बिइ, “क्‍ह्रोंसेंन ख्रीष्‍ट युब् भन्दा ओंसोंन् एलिया युसि न्होंयाबै तोन्दोंरि सैमैं क्योंएँमिंम्। दिलेया म्हिए च्हजी बिस्याँ ल्‍हें दुःख सैदिल् त्‍हुब्मुँ, धै म्हि आच्हिन् तब्मुँ बिसि परमेश्‍वरए छ्वेर तले प्ह्रिइमुँ?

लूका 22:22

तलेबिस्याँ परमेश्‍वरजी बिब् धोंलेन् म्हिए च्ह सिलन् त्हुब्‍मुँ। दिलेया धिक्‍कार मुँ ङ शत्तुरमैंए योर पिंवाबै म्‍हि चइ थेबै दुःख योंब्‍मुँ।”

लूका 24:46

येशूजी चमैंने बिइ, “‘परमेश्‍वरजी कुल्मिंबै म्रुँ ख्रीष्‍टजी दुःख नोल् त्‍हुम्, धै सिसि सोंरोर धबै सोगों तसि रेल् त्‍हुम्,’ बिसि परमेश्‍वरए छ्वेर प्‍ह्रिइमुँ।

यूहन्‍ना 17:12

ङ चमैंने मुँमा क्हिए मिंए शक्‍तिउँइँले ङइ चमैं जोगेसि थेंमिंइ। परमेश्‍वरए छ्वेर प्ह्रिबै ताँ पूरा तबै ल्हागिर नास तल् त्हुबै चेला बाहेक अरू खाबै या नास आतइमुँ।

यूहन्‍ना 19:24

छतसि चमैंइ खेंमैंए न्होंर बिइ, “चु क्वें आट्होले, बरु चु खाबल् तम् बिसि चिट्ठा झोंले।” परमेश्‍वरए छ्वेर प्ह्रिबै ताँ पूरा तरिगे बिसि छ तब् ग। “चमैंइ ङए क्‍वें खें-खेंमैंए न्‍होंर चुइ, फिर्बै क्‍वेंए ल्हागिर बिस्याँ चिट्ठा झोंइ।” बिसि प्ह्रिथेंल। छतसि सिपाइमैंइ छाबै के लइ।

यूहन्‍ना 19:28

च लिउँइँ येशूजी तारे ताँन् के लल् खाँइ बिब् सेसि परमेश्‍वरए छ्वेर प्ह्रिबै ताँ पूरा तरिगे बिसि “ङ क्यु पिइ,” बिइ।

चेला चिब्मैंए केमैं 2:23

दिलेया परमेश्‍वरजी ओंसोंन् चाँजो लसि येशूलाइ क्‍हेमैंए योर पिंवाँइ। धै दुष्‍ट म्हिमैंउँइँले क्हेमैंइ येशू क्रूसर च्योवासि सैवाइ।

चेला चिब्मैंए केमैं 28:23

च लिउँइँ चमैंइ पावलए ताँ थेबर त्हिंइ घ्रि तोक्दिइ। छतमा ल्हें म्हि पावल टिबै क्ल्ह्‍योर खइ। धै चइ न्हाँगउँइँले ङेसा समा परमेश्‍वरए ग्याल्सर्बै ताँमैं लोमिंइ। चइ मोशाइ पिंबै ठिम नेरो अगमबक्‍तामैंए कितबमैंउँइँले पावलइ परमेश्‍वरए ग्याल्सर्बै ग्वाइ पिंसि यशूए बारेर्बै ताँमैं क्होमिंबै भों लरिल।

चेला चिब्मैंए केमैं 4:28

छतमा ओंसों ओंनोंन् क्हिए योउँइँले क्हिजी लबै चाँजोमैं च बिरोधीमैंइ पूरा लइ।

१ कोरिन्थी 15:3

तलेबिस्याँ ङइ योंबै ताँन् भन्दा थेबै सै ङइ क्‍हेमैंलाइ पिंइमुँ। च थेबै सै चुन् ग: परमेश्‍वरए छ्वेर प्‍ह्रिब् धोंले ङ्योए पाप त्होमिंबै ल्हागिर येशू ख्रीष्‍ट सिमिंइ।