1 येशूजी अझै बिइ, “स्वर्गर्बै ग्याल्स कन्ये च्युने च्हैंल् खाँम्। च कन्ये च्युइ ह्रों-ह्रोंसए बत्ति छेसि प्ह्रेंरोने त्होबर ह्याइ।
छले बेल्ले छ्याँबै क्वें खिसि चलाइ म्रुँ ङाँर सनेब्मुँ, चए थुमैं या चए लिलिन् खब्मुँ।
येशूजी चमैंने धबै अहान् घ्रि बिइ, “स्वर्गर्बै ग्याल्स छ्याँबै प्लु प्लुबै म्हि धोंन् तब् ग। चइ छ्याँबै गहुँ प्लु म्रोंर प्लुइ।
येशूजी चमैंने अर्को अहान या बिइ, “स्वर्गर्बै ग्याल्स पासगिए प्लु धोंन् तब् ग। म्हि घ्रिइ च प्लु ह्रोंसए म्रोंर प्लुइ।
म्रों ह्युल ग। छ्याँबै प्लु बिस्याँ स्वर्गर्बै ग्याल्सर्बै सन्तान ग, धै सम्रिं दुष्टए सन्तान ग।
“झाइले स्वर्गर्बै ग्याल्स मा ङ्युँइर प्रिंबै जाल धोंन् तब् ग। च जालर ल्हें खालर्बै ताँगमैं फेम्।
“स्वर्गर्बै ग्याल्स म्रोंए क्ल्हे घ्रि धोंन् तब् ग। च क्ल्हे न्हाँक्कर्न ह्रोंसए म्रोंर के लबै म्रोंमैं म्हैबर बैरु ह्याइ।
“स्वर्गर्बै ग्याल्स म्रुँ घ्रिने च्हैंल् खाँम्। चइ ह्रोंसए च्हए ब्ह्यार थेबै भत्यार लइ।
छ बिब् थेसि च कन्येमैं च्यु छोरसि ह्रों-ह्रोंसए बत्ति सफा लसि छ्युगु झोंबर होंइ।
“पाप लब् पिसि परमेश्वरउँइँ सैं एद्, तलेबिस्याँ स्वर्गर्बै ग्याल्स चेंदोन् खइमुँ।”
छलेन क्हेमैंए छ्याँबै बाँनि अरू म्हिमैंइ म्रोंरिगे। छले क्हेमैंइ लबै छ्याँबै के म्हिमैंए उँइँर चाररिगे। धै चमैंइ स्वर्गर मुँबै क्हेमैंए परमेश्वर आबाए मान लरिगे।
येशूजी चमैंने बिइ, “प्ह्रेंरो जन्तिमैंने बालु मुँमा चमैंइ शोक लम्मा? दिलेया च त्हे खब्मुँ, प्ह्रेंरो चमैंउँइँले बोयाब्मुँ। चमैं सैं आतोंसि बर्त टिब्मुँ।”
च त्हेर्न यहूदाइ रोमी सिपाइमैं ख्रो पिंबै खेगि चिब्मैं नेरो फरिसीमैंइ कुल्मिंबै मन्दिर रुँबै म्हिमैं च बगैंचार बत्ति नेरो प्हरे-क्होजमैं छेसि मेंदों म्रोसि चर फेखइ।
खाब्ने बालु प्ह्रेंस्यो मुँ, चन् प्ह्रेंरो ग। प्ह्रेंरोए थु प्ह्रेंरो ङाँर रासि खीए कै थेसि बेल्ले सैं तोंम्। छतसि ङ बेल्ले सैं तोंइँमुँ।
ङि खागु तबै फिर्बै कोठर ल्हें बत्तिमैं म्रोल।
ङइ क्हेमैंलाइ स्याबासि पिंम्, तलेबिस्याँ क्हेमैंइ खोंयोंन् बिलै ङलाइन मैंसि ङइ लोमिंब् धोंले लरिइमुँ।
तलेबिस्याँ क्हेमैं कन्ये धों तब् ग, ख्रीष्टने बालुन् ब्ह्या लमिंबै ल्हागिर ङइ क्हेमैंलाइ ह्रिथेंइमुँ। छतसि क्हेमैंए फिर्बै ङए ह्रिस परमेश्वरल् धोंन् तबै ह्रिस ग।
छले ङइ लबै केमैं खीए उँइँर ठिक ठर्दिबइले खीजी ङए ल्हागिर थेबै क्रेगि थेंइमुँ। छेनाले निसाफ लबै प्रभुजी च त्हिंइर च क्रेगि ङलाइ पिंब्मुँ - ङलाइ मत्त्रे आङिं, दिलेया प्रभुलाइ म्हाँया लसि खी युबै त्हिंइए घ्याँ ङ्ह्योरिब्मैं ताँनलाइ खीजी च क्रेगि पिंब्मुँ।
छाबै छ्ह थोमा ङ्योइ थेंबै आशा तो जा बिस्याँ: ङ्योए ताँन् भन्दा थेबै परमेश्वर ङ्योलाइ जोगेमिंबै येशू ख्रीष्ट थेबै मानले युबै त्हिंइ पैंरिब् ग।
चुमैं च्हमिरिमैंने आन्होंल्ले टिब्मैं ग। क्यु च्हज खनि खनि ह्यामुँ, चुमैं या खीए लिलिन् ह्यामल। चुमैं परमेश्वर नेरो क्यु च्हजए ल्हागिर म्हिमैंए न्होंउँइँले खासि ओंसोंबै रोए फुइ धोंले त्हाँब्मैं ग।
छतसि ङ्यो बेल्ले सैं तोंले, खीलाइ थेब लले। तलेबिस्याँ क्यु च्हजए ब्ह्या लबै त्हिंइ खइमुँ। क्यु च्हजए प्ह्रेंस्योइ ह्रोंसलाइ पैरिदिइमुँ।
दिलेया छारा यरूशलेम, “परमेश्वरए पबित्र सहर” प्ह्रेंरोए ल्हागिर प्ह्रेंस्यो पैरेब् धोंले पैरिसि स्वर्गउँइँले युरिब ङइ म्रोंइ।
झाइले परमेश्वरए ह्रिसइ प्लिंबै प्हेल ङि छेबै स्वर्गदूत ङि न्होंर्बै घ्रि ङ ङाँर खसि बिइ, “खो, ङइ क्हिलाइ क्यु च्हजए प्ह्रेंस्यो उँइँमिंस्यो।”
च राजगद्दिउँइँले काम्लि तिम्लि धोंबै चारबै बत्तिमैं म्रोंमल धै मु ङ्हेबै कैमैं थेमल। च राजगद्दिए उँइँरि मि लुँब् धोंबै बत्ति ङि मुँल। च बत्तिमैं परमेश्वरए प्ल्ह ङि मुँल।
झाइले अर्को स्वर्गदूतइ थुतुरु ह्रामा मिए राब धोंले लुँरिबै थेबै मुसारा घ्रि मुउँइँले तेयुसि स्योंमैं सोंबाँर तिबाँ नेरो क्युए मूलमैंए फिर तेयुइ।