मत्ती 24:5 - परमेश्‍वरए ताँ तमु क्युइर

⁵ तलेबिस्याँ ल्‍हें म्‍हिमैं ङए मिंरि ‘ङ परमेश्‍वरजी कुलबै म्रुँ ख्रीष्‍ट ग’ बिसि क्‍हेमैं ङाँर खब्मुँ, धै ल्‍हें म्‍हिमैं खेंमैं ङाँइ लवाब्‍मुँ।

मत्ती 24:5 ပူးပေါင်းရင်းမြစ်များ

मत्ती 24:11

ल्‍हें म्‍हिमैं ‘ङ अगमबक्‍ता ग’ बिसि स्योर तेसि खब्‍मुँ, धै ल्हें म्हि खेंमैं ङाँइ लवाब्मुँ।

मत्ती 24:24

तलेबिस्याँ ‘ङ परमेश्‍वरजी कुल्मिंबै म्रुँ ख्रीष्‍ट ग’ बिसि स्‍योर तेब्मैं खब्मुँ। चमैंइ थे-थेबै चिनुमैं नेरो प्लेटोयान् तबै केमैं लसि उँइँब्मुँ, धै परमेश्‍वरजी त्हाँबै म्‍हिमैं खेंमैं ङाँइ बोल् म्‍हैब्‍मुँ।

यूहन्‍ना 5:43

ङ ह्रोंसए आबाए मिंर युइमुँ, दिलेया क्‍हेमैंइ ङलाइ आक्वें। कोइ म्हि ह्रोंसए हगर्न खइ बिस्‍याँ क्‍हेमैंइ चए मान लम्।

यूहन्‍ना 8:24

ङइ क्हेमैंने बिइ, क्‍हेमैं ह्रोंसए पापर्न सिब्मुँ, तलेबिस्याँ ‘ङ जोगेमिंबै म्रुँ ख्रीष्‍ट ग’ बिसि क्हेमैंइ आक्वेंस्याँ क्हेमैं ह्रोंसए पापर्न सिब्मुँ।”

यूहन्‍ना 8:28

छतमा येशूजी चमैंने बिइ, “क्‍हेमैंइ म्हिए च्‍ह कैंडो क्वेवाबै लिउँइँ ‘ङम् ङन् ग’ बिसि क्‍हेमैंइ सेब्‍मुँ, ङए हगउँइँले ङ तोइ आल, दिलेया आबाजी लोमिंबै ताँमैं मत्‍त्रे ङइ लम् बिसि क्हेमैंइ सेब्मुँ।

१ यूहन्‍ना 2:18

ओ ङइ खोबै कोलोमैं, आखिरि त्हे तखइमुँ। क्‍हेमैंइ “आखिरि त्हेर ख्रीष्‍टए बिरोधी त्‍होंब्‍मुँ” बिबै ताँ थेल। धै तिंजोरो ख्रीष्‍टए बिरोधीमैं ल्‍हें त्‍होंइमुँ। छतमा आखिरि त्हे तखन बिसि ङ्योइ सेल् खाँम्।

१ यूहन्‍ना 2:22

छतसि स्‍योर्गु खाब् जा बिस्‍याँ “परमेश्‍वरजी कुल्मिंबै म्रुँ ख्रीष्‍ट येशून् आङिं” बिबै म्हिमैंन् स्‍योर्गुमैं ग। छाबै म्हिमैं परमेश्‍वर आबा नेरो च्‍हलाइ तो धोंइ आङ्हाँ, छतसि चमैं ख्रीष्‍टए बिरोधी ग।

१ यूहन्‍ना 4:3

दिलेया येशू परमेश्‍वर तसेया म्हिए क्हो किंसि ह्‍युलर युइ आबिब्मैंने परमेश्‍वरए प्ल्ह आत। चमैंने मुँबै प्ल्ह ख्रीष्‍ट बिरोधीए प्ल्ह ग। च बिरोधीए प्ल्ह त्‍होंखम् बिब क्हेमैंइ ओंसोंन् थेल। छ बिब् धोंले चए प्ल्ह चु ह्‍युलर्बै म्‍हिमैं न्‍होंर युल् खाँइमुँ।

दर्शन 13:8

पृथ्‍बीर टिब्मैं ताँनइ च खेदोलाइ फ्‍योब्‍मुँ, दिलेया खाब् म्‍हिमैंए मिं सैवाबै क्‍यु च्हजए कितबर ह्‍युल बनेब् भन्दा ओंसोंन् प्ह्रिल, चमैंइ च खेदोलाइ आफ्यो। छ्ह योंब्‍मैंए मिं क्‍यु च्हजए कितबर प्‍ह्रिल् खाँइमुँ।