मत्ती 24:44 - परमेश्‍वरए ताँ तमु क्युइर

⁴⁴ छतसि क्‍हेमैं या न्हक्रों मिक्रोंले टिद्, तलेबिस्याँ क्‍हेमैंइ आमैंबै त्हेर म्हिए च्ह युब्‍मुँ।”

मत्ती 24:44 ပူးပေါင်းရင်းမြစ်များ

मत्ती 24:27

तलेबिस्याँ स्यारउँइँले (पूर्वउँइँले) काम्‍लि-तिम्‍लि रामा न्हुउँइँ (पश्‍चिम) समा चारब् धोंले म्हिए च्ह ताँनइ म्रोंन्‍ले युब्‍मुँ।

मत्ती 24:42

“छतसि न्हक्रों-मिक्रोंले टिद्, तलेबिस्याँ क्‍हेमैंए प्रभु खोंयों युब्‍मुँ बिसि क्‍हेमैंइ आसे।

मत्ती 24:43

चु ताँ मैंन्दि, धिं क्‍ल्‍हेइ ‘ह्‍यो चु त्हेर्न खब्मुँ’ बिब था सेस्‍याँ च न्‍हरु आच्‍हुइल्‍ले टिरिमल, धै ह्‍योइ धिं फोर्दिल् आपिंमल।

मत्ती 25:10

“छबिमा च बुद्धि आरेब्‍मैं छ्युगु किंबर ह्‍यारिमा प्ह्रेंरो धिंर फेखइ, धै बत्तिर छ्युगु झोंसि टिरिब्मैं प्ह्रेंरोने बालुन् ब्ह्‍याए भत्‍यार चबर धिं न्‍होंर होंइ। धै म्हिमैंइ म्रा तोरवाइ।

मत्ती 25:13

“छतसि न्हक्रो मिक्रोले टिद्, तलेबिस्याँ ङ एयुबै त्हिंइ नेरो त्हे खोंयों तमुँ बिसि क्‍हेमैंइ आसे।

लूका 12:39

“अझै चु ताँ सैंर मैंथेंन्, ह्‍यो कति त्‍हेर खमुँ बिसि सेस्‍याँ धिं क्‍ल्‍हे न्हरु आच्हुइल्‍ले टिरिमल, धै ह्‍यो धिं न्होंर होंल् आपिंमल।

लूका 12:40

छलेन क्‍हेमैं या न्ह क्रों मि क्रोंले टिद्, तलेबिस्याँ क्‍हेमैंए सैंरै आमैंबै त्‍हेर म्हिए च्ह एयुब्‍मुँ।”

लूका 21:36

छतसि च ङ्हिंन् तबै ताँमैंउँइँले जोगेसि म्हिए च्हए उँइँर राल् योंबै ल्हागिर परमेश्‍वरने प्राथना लब्रें लसि न्ह क्रोंले टिद्।”

फिलिप्पी 4:5

क्हेमैं सैदिल् खाँब्मैं ग बिब ताँन् म्हिमैंइ सेरिगे। प्रभु युनन् युमुँ,

याकूब 5:9

छतसि ओ अलि-अङाँमैं, परमेश्‍वरजी क्‍हेमैंलाइ सजैं आपिंरिगे बिसि खाबज्‍यै या घ्रिइ घ्रिए बारेर ताँ आलद्। निसाफ लबै परमेश्‍वर म्राग्याँर्न मुँ।

दर्शन 19:7

छतसि ङ्यो बेल्‍ले सैं तोंले, खीलाइ थेब लले। तलेबिस्याँ क्‍यु च्हजए ब्ह्‍या लबै त्हिंइ खइमुँ। क्‍यु च्हजए प्‍ह्रेंस्‍योइ ह्रोंसलाइ पैरिदिइमुँ।