मत्ती 24:10 - परमेश्‍वरए ताँ तमु क्युइर

¹⁰ छतमा ल्‍हें म्‍हिमैंइ ङए फिर बिश्‍वास लब पिवाब्‍मुँ। चमैंइ खें-खेंमैंए न्‍होंर्न घ्रिइ-घ्रिए फिर धोका पिंसि क्हाल् पिंब्मुँ, धै हेल लुब्मुँ।

मत्ती 24:10 ပူးပေါင်းရင်းမြစ်များ

मत्ती 10:21

“ह्रों-ह्रोंसए त्येमैं न्होंर्न घ्रिइ-घ्रि सैबर पिंवाब्मुँ। छलेन आबाइ च्‍ह-च्हमिमैं सैबर पिंवाब्मुँ, धै च्‍ह-च्हमिंमैंइ आबा-आमामैंए बिरोधर रेसि सैबर ल्हैदिब्मुँ।

मत्ती 11:6

चु ताँ या बिद्, ङए ताँ क्वेंसि तोइ संका आलबै म्‍हिइ आशिक योंब्मुँ।”

मत्ती 13:21

चए जरा छेनाले सर च्योंल् आयोंबइले ल्‍हें त्हे समा सोल् आखाँ। तलेबिस्याँ परमेश्‍वरजी बिब् धोंले प्ररिमा तोइ दुःख तबै तोदोंन् च लिउँइँ स्योह्‍याम्।

मत्ती 13:57

बिसि चमैंइ खीलाइ म्हि आच्हि। दिलेया येशूजी चमैंने बिइ, “अगमबक्‍ताइ ह्रोंसए नाँस नेरो धिंर मान आयों, दिलेया अरू क्ल्ह्‍योजरे खन्‍तोदोंन् मान योंम्।”

मत्ती 24:11

ल्‍हें म्‍हिमैं ‘ङ अगमबक्‍ता ग’ बिसि स्योर तेसि खब्‍मुँ, धै ल्हें म्हि खेंमैं ङाँइ लवाब्मुँ।

मर्कूस 13:12

“च त्हेरि ह्रोंसए त्येमैं न्होंर्न घ्रिइ घ्रि सैबर पिंवाब्‍मुँ, छलेन आबा आमाइ च्‍ह च्हमि, च्‍ह चमिंमैंइ आबा आमा सैबर पिंवाब्‍मुँ।

मर्कूस 4:17

दिलेया च ताँ चमैंए सैंर जरा आझों। छतसि दे त्हिंइ समा छ्याँबन् तमुँ, दिलेया परमेश्‍वरए ताँइ बिब् धोंले प्ररिमा तोइ दुःख तइबिस्‍याँ, म्‍हिमैंइ ह्रुगुदिस्‍याँ, चमैंइ ‘चुम् आत’ बिसि पिवाम्।

लूका 21:16

ह्रोंसए आबा-आमा, आघें-अलिमैं, ह्रोंसए थुमैं नेरो ह्रजे-म्हजेमैंज्यै क्‍हेमैं शत्तुरमैंए योर पिंवाब्‍मुँ, झाइले क्हेमैंए न्होंरि को-कोइ चमैंइ सैवाब्‍मुँ।

२ तिमोथी 1:15

एशिया ह्‍युलर्बै म्हिमैं ताँन् ङ ङाँइले स्योयाइ बिब क्हिइ सेइमुँ, स्योइ ह्‍याब्मैं न्होंरि फाइगेलस नेरो हेर्मोगेनेस बिब् ग।

२ तिमोथी 4:10

तलेबिस्याँ डेमासइ चु ह्‍युलर्बै सैमैंए म्हाँया लसि ङलाइ वाथेंसि थेसलोनिका सहरर ह्‍याइ। क्रेसेन्‍स बिबै अलि गलातिया ह्‍युलर ह्‍याइ, धै तीतस दलमातिया बिबै क्‍ल्‍ह्‍योर ह्‍याइ।

२ तिमोथी 4:16

ङइ ओंसों रोमर्बै अड्डारि राइ पोंमा खाबज्यै या ङए ख आल। बरु ताँन् ङलाइ वाथेंसि छ्युडिह्‍याइ। दिलेया चु ताँए दोष चमैंलाइ आल्हैदिरिगे।