मत्ती 23:9 - परमेश्‍वरए ताँ तमु क्युइर

⁹ क्‍हेमैंइ चु पृथ्‍बीरि खाबलाज्यै या आबा आबिद्, तलेबिस्याँ क्हेमैंल घ्रि मत्‍त्रे आबा स्वर्गर मुँ।

मत्ती 23:9 ပူးပေါင်းရင်းမြစ်များ

मत्ती 23:10

छलेन खाबज्‍यै क्‍हेमैंने ‘क्ल्हे’ आबिरिगे, तलेबिस्याँ क्‍हेमैंए घ्रि मत्‍त्रे क्ल्हे परमेश्‍वरजी कुल्मिंबै म्रुँ ख्रीष्‍ट ग।

मत्ती 6:32

तलेबिस्याँ परमेश्‍वर ङो आसेब्‍मैंइ खोंयोंन् बिलै छलेन् न्हुँ लम्, क्‍हेमैं बिस्याँ छले न्हुँ लरिल् आत्हु। क्‍हेमैंलाइ तो-तो सैमैंए खाँचो मुँ बिसि क्‍हेमैंए स्वर्गर मुँबै परमेश्‍वर आबाजी सेम्।

मत्ती 7:11

छले क्हेमैं दुष्‍टमैं तसेया ह्रोंसए प्हसेमैंलाइ छ्याँब सैमैं पिंल् ह्रम् बिस्याँ, स्वर्गर मुँबै क्हेमैंए परमेश्‍वर आबाजी खीने ह्रिब्मैंलाइ झन् ल्हें छ्याँबै सैमैं पिंब्मुँ।

चेला चिब्मैंए केमैं 22:1

“ओ आघें-अलि नेरो आबामैं, ङइ क्हेमैंए उँइँर बिल् त्हुबै ताँ तारे थेमिंन्।”

१ कोरिन्थी 4:15

तलेबिस्याँ क्हेमैंलाइ ख्रीष्‍टए ताँ लोमिंबै म्हिमैं हजार च्‍युन् मुँलेया ख्रीष्‍टउँइँले खबै सैं तोंबै ताँ धाँसे ओंसो क्हेमैंने बिमिंसि क्हेमैंलाइ ख्रीष्‍ट ङो सेल् लमिंबै क्हेमैंए आबा ङन् ग।

२ कोरिन्थी 6:18

ङ क्‍हेमैंए आबा तब्‍मुँ, झाइले क्‍हेमैं ङए च्‍ह-चमिंमैं तब्‍मुँ। बिसि ताँन् भन्दा थेबै शक्‍ति मुँबै याहवेहजी बिइमुँ।”

हिब्रू 12:9

ङ्योए आबामैंइ ङ्योलाइ तार झोंबइले ङ्योइ खेंमैं मान लम् बिस्याँ झन् ङ्योलाइ खोंयोंइ आखाँबै छ्ह पिंबै स्वर्गर्बै परमेश्‍वर आबालाइमि झन ल्हें मान लल् आत्हु वा?

१ यूहन्‍ना 3:1

मैंन्दि, परमेश्‍वर आबाजी ङ्योलाइ कति थेबै म्हाँया लइमुँ। च्‍हौ थेबै म्हाँया लसि खीजी ङ्योलाइ “ह्रोंसए प्‍हसेमैं” बिइमुँ। क्ह्रोंसेंन ङ्यो परमेश्‍वरए प्‍हसेमैं तइमुँ। चु ह्‍युलर्बै म्‍हिमैंइ परमेश्‍वरलाइ ङो आसेइमुँ, छतसि ङ्योलाइ “परमेश्‍वरए प्‍हसेमैं ग,” बिसि आसे।