मत्ती 23:14 - परमेश्‍वरए ताँ तमु क्युइर

¹⁴ [धिक्‍कार मुँ, शास्‍त्रिमैं नेरो फरिसीमैं क्‍हेमैं फिब्लो पार्दिब्मैं! तलेबिस्याँ क्‍हेमैंइ म्हरेस्योमैंए धिं नाँ लुडिमुँ, धै म्हिमैंइ म्रोंरिगे बिसि ह्रिंग्‍यो प्राथना लब् प्हैंमुँ। छतसि अरूइ भन्दा क्‍हेमैंइ थेबै दण्‍ड योंल् त्‍हुब्‍मुँ।]

मत्ती 23:14 ပူးပေါင်းရင်းမြစ်များ

प्रस्थान 22:22

“म्हरेस्यो नेरो आबा आरेब्मैं आलुडिद्।

मत्ती 11:24

छतसि ङ क्हेमैंने बिमुँ, परमेश्‍वरजी निसाफ लबै त्हिंइर सदोमथेंमैंइ भन्दा क्‍हेमैंइ ल्हें सजैं योंब्मुँ।”

मत्ती 23:13

“धिक्‍कार मुँ, शास्‍त्रिमैं नेरो फरिसीमैं, क्‍हेमैं फिब्लो पार्दिब्मैं! स्‍वर्गर्बै ग्याल्सर होंल् म्हैबै म्‍हिमैंलाइ क्‍हेमैंइ म्रा तोरवाम्। क्‍हेमैं ह्रोंसै या आहों, होंल् म्‍हैब्‍मैंलाज्यै या होंल् आपिं।

मत्ती 23:33

प्‍हुरिमैं, ओ साँबे प्‍हुरिए प्हसेमैं! क्‍हेमैं नर्गर्बै मिउँइँले खैले स्योल् खाँमुँ?

मर्कूस 12:40

चमैंइ ङ्हाँदु म्हरेस्योमैंए क्‍ल्‍ह्‍यो न्‍हें लुडिम्, दिलेया फिब्लो पार्दिसि ह्रिंग्‍यो ह्रिंग्‍यो प्राथना लम्। छाबै म्हिमैंइ परमेश्‍वरउँइँले झन् ल्‍हें दण्‍ड योंब्‍मुँ।”

लूका 12:48

दिलेया धिं क्ल्हेए सैंर्बै ताँ आक्होसि ल्हें सजैं योंल् त्हुबै के लनाबिलेया चइ च्युगुदे मत्‍त्रे सजैं योंब्मुँ। परमेश्‍वरजी ल्‍हें आशिक पिंब्मैंउँइँले ल्हेंन् ह्रिब्मुँ, छलेन ल्‍हें सैए जिम्‍मा पिंब्मैंउँइँले झन ल्‍हें किंब्मुँ।

लूका 20:47

चमैंइ म्हरेस्‍योमैंए धिं नाँ लुडिमुँ। दिलेया म्‍हिमैंए उँइँरि बिस्याँ बेल्‍ले प्राथना लब् प्हैंम्। छाब्‍मैंइ झन् थेबै सजैं योंब्‍मुँ।”

२ तिमोथी 3:6

तलेबिस्याँ चमैं न्होंरि को-कोइ धिं-धिंर होंसि पापइ प्लेंथेंब नेरो सैंर आछ्याँबै इच्छा मैंरिबै च्हमिरिमैंलाइ ह्रोंसए अधीनर थेंम्।

तीतस 1:10

तलेबिस्याँ ल्‍हें म्‍हिमैं आगुए न्होंर टिदा आङ्हाँब, केर आफेबै ताँमैं ल्हें लब धै स्योर तेब्मैं तम्। चु छाबै केमैं ज्युर चिनु लब्मैंइ झन् ल्हें लम्।

याकूब 3:1

ओ अलि-अङाँमैं, क्‍हेमैंए न्होंरि ल्‍हें म्‍हिमैं लोमिंबै चिब तल् आम्‍हैद्, तलेबिस्याँ परमेश्‍वरजी निसाफ लमा लोमिंबै चिब्मैंलाइ कडा निसाफ लब्मुँ बिसि क्‍हेमैंइ था सेइमुँ।

२ पत्रुस 2:14

चमैंए सैं खोंयोंन् बिलै म्रिंस्योमैं ङाँइन तमुँ। आछ्याँबै केमैं लसि चमैं खोंयोंइ आम्रें, सैं फैल् आखाँब्मैंलाइ चमैंइ फस्ला फुस्लु लवाम्, छाबै केमैं लबर चमैं तालिम् योंबै म्हिमैं धोंन् तब् मुँ, छतसि चमैं सराप योंल् त्हुबै म्हिमैं ग।

२ पत्रुस 2:3

लोब लसि चमैंइ स्योलिबै ताँमैं पार्दिसि क्‍हेमैंउँइँलेन् फायदा किंब्‍मुँ। छतसि ओंसों ओनोंन् चमैंए ल्हागिर परमेश्‍वरजी दण्‍ड तोक्दिथेंइमुँ। चमैंए नास तबै त्हे तबर होंइमुँ।