मत्ती 22:44 - परमेश्‍वरए ताँ तमु क्युइर

⁴⁴ ‘याहवेहजी ङए प्रभुने बिइ, ङइ क्‍हिए शत्तुरमैं क्‍हिए प्‍हले न्‍होंर आलन् समा क्‍हि ङए क्‍योलोउँइँ टिद्।’

मत्ती 22:44 ပူးပေါင်းရင်းမြစ်များ

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

भजनमैं 110:1

“ङइ क्हिए शत्तुरमैं क्हिए प्हले न्होंर आप्लेन् समा क्हि ङए क्योलोउँइँ टिद्,” बिसि याहवेहजी ङए प्रभुने बिइमुँ।

भजनमैं 21:9

क्हि युबै त्हेर क्हिजी चमैं लुँरिबै मिर भ्योंवाब्मुँ, याहवेहजी ह्रोंसए ह्रिसर चमैं क्ल्ह्‍योंवाब्मुँ, धै मिइ चमैं ख्रोंवाब्मुँ।

मत्ती 22:45

छले दाऊदइ खीने प्रभु बिम् बिस्याँ खी खैले दाऊदए च्ह तल् खाँमुँ?”

मत्ती 26:64

येशूजी चने बिइ, “ङ चन् ग बिसि क्‍हिइन बिइमुँ दि। ङ क्हेमैंने बिमुँ, तारे म्हिए च्ह ताँनइ म्हाँदिल् त्हुबै परमेश्‍वरए क्‍योलोउँइँ क्हुँरिब नरो मुर्बै न्‍हाँम्‍स्योर युरिब क्‍हेमैंइ म्रोंब्‍मुँ।”

मर्कूस 16:19

येशू छले चेलामैंने पोंल् खाँबै लिउँइँ परमेश्‍वरजी खीलाइ स्वर्गउँइँ बोयाइ, धै परमेश्‍वरए क्‍योलोउँइँ टिइ।

लूका 19:27

तारे ङलाइ आखोसि ‘म्रुँ आतरिगे’ बिब्‍मैं चुर पखसि ङए उँइँर सैवाद्।”

यूहन्‍ना 20:28

छबिमा थोमाइ खीने “ओ ङए प्रभु, ओ ङए परमेश्‍वर!” बिइ।

१ कोरिन्थी 1:2

कोरिन्थ सहरर्बै बिश्‍वासी अलि-अङाँमैंलाइ जय मसीह मुँ। परमेश्‍वरजी क्हेमैंलाइ खीए म्हिमैं तबर हुइमुँ। क्हेमैं नेरो क्ल्ह्‍यो-क्ल्ह्‍योर्बै ङ्योए प्रभु येशू ख्रीष्‍टए फिर बिश्‍वास लबै ताँन् म्हिमैंए प्रभु येशू ख्रीष्‍टन् ग। परमेश्‍वरजी क्हेमैं नेरो चमैं ताँनलाइ ख्रीष्‍ट येशूने घ्रिन् लसि पबित्र लइमुँ।

१ कोरिन्थी 15:25

तलेबिस्याँ परमेश्‍वरजी खीए शत्तुरमैं ताँन् ट्होवासि ख्रीष्‍टए प्‍हले न्‍होंर आथेंन् समा ख्रीष्‍टजी ग्याल्स ललन् त्‍हुम्।

फिलिप्पी 3:8

च्हौ मत्‍त्रे आङिं, क्ह्रोंसेंन बिब् गो बिस्याँ येशू ख्रीष्‍ट ङए प्रभु ङो सेल् योंबै थेबै ताँ, अरू सैमैंने च्हैंमा ताँन् सैमैं तोगो ङइ फाकर्बै सैमैं धों ङ्हाँम्। तोगो ङइ ख्रीष्‍ट येशूजी पिंबै ताँन् सैमैं योंल् खाँरिगे बिसि खीए ल्हागिर ताँन् सै पिवाइमुँ, च ताँन् सैमैं स त्हुल धोंन् ङ्हाँइमुँ।

हिब्रू 1:13

परमेश्‍वरजी खीए च्‍हने बिइ, “क्‍हिए शत्तुरमैं ङइ क्‍हिए प्‍हले न्‍होंर आथेंन् समा, क्‍हि ङए क्‍योलोउँइँ टिद्।” दिलेया स्‍वर्गदूतमैं खाबने या खीजी छ आबि।

हिब्रू 1:3

परमेश्‍वरए ह्‍वे खीए च्हनेन् चारमुँ, परमेश्‍वर खैब मुँ खी या छाबन् मुँ। धै मु नेरो पृथ्‍बी खीए शक्‍ति मुँबै बचनइ धाँदिइमुँ। म्‍हिमैंए पाप त्होमिंबै के लल् खाँसि खी ताँन् भन्दा थेबै शक्‍ति मुँबै परमेश्‍वरए क्‍योलोउँइँ नुबै क्ल्ह्‍योर टिइमुँ।

हिब्रू 12:2

ङ्योए बिश्‍वास सुरु लब नेरो बिश्‍वास पूरा लमिंबै येशूलाइ मत्‍त्रे ङ्ह्‍योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्‍वरए राजगद्दिए क्‍योलोउँइँ क्हुँइमुँ।

दर्शन 19:19

धबै च खेदो, पृथ्‍बीर्बै म्रुँमैं नेरो चमैंए फौजमैं च घोडाए फिर क्रेबै म्‍हि नेरो खीए फौजए बिरोधर ल्हडें लबर खब ङइ म्रोंइ।