मत्ती 22:32 - परमेश्‍वरए ताँ तमु क्युइर

³² ‘ङ अब्राहाम, इसहाक नेरो याकूबए परमेश्‍वर ग।’ परमेश्‍वर सियाबै म्‍हिमैंए परमेश्‍वर आङिं, सोगोंमैंए परमेश्‍वर ग।”

मत्ती 22:32 ပူးပေါင်းရင်းမြစ်များ

प्रस्थान 3:6

खीजी धबै बिइ, “ङ क्हिए खेमैं माँमैं अब्राहाम, इसहाक नेरो याकूबए परमेश्‍वर ग।” छबिमा मोशाइ परमेश्‍वरलाइ ङ्‍ह्‍योब ङ्हिंसि ह्रोंसए लि हुइ।

मत्ती 22:31

सिबै म्हिमैं धबै सोगों तबै बारेर परमेश्‍वरजी क्‍हेमैंने तो बिइमुँ, च क्‍हेमैंइ आखेइमुँ वा?

चेला चिब्मैंए केमैं 3:13

अब्राहाम, इसहाक नेरो याकूबए परमेश्‍वर, ङ्योए खेमैंए परमेश्‍वरजी ह्रोंसए सेवा लबै येशूलाइ कति थेब लमिंइ। दिलेया क्हेमैंइ खी क्हासि सैबर पिलातसलाइ पिंवाइ। पिलातसइ खीलाइ पिमिंबै सैं ललेया क्हेमैंइ पिलातसए उँइँर्न खीए बिरोध लसि खीलाइ पिल् आपिं।

चेला चिब्मैंए केमैं 7:32

‘ङ क्‍हिए खेमैं अब्राहाम, इसहाक नेरो याकूबए परमेशवर ग।’ छ बिब् थेसि मोशा ङ्हिंसि त्हारइ, धै छाइ ङ्‍ह्‍योबै आँट लल् आखाँ।

हिब्रू 11:16

बरु चमैंल झन् छ्याँबै ह्‍युल, अथवा स्‍वर्गर, ह्‍याबै सैं मुँल। छतसि परमेश्‍वर “चमैंए परमेश्‍वर ग” बिबर फा आपिल, तलेबिस्याँ खीजी चमैंए ल्हागिर सहर घ्रि तयार लथेंइमुँ।