मत्ती 22:3 - परमेश्‍वरए ताँ तमु क्युइर

³ झाइले म्रुँइ भत्यारर न्हिम्‍तो पिंबर चए के लबै म्‍हिमैं कुल्‍मिंइ। दिलेया न्हिम्तो लब्मैं खल् आङिं।

मत्ती 22:3 ပူးပေါင်းရင်းမြစ်များ

भजनमैं 68:11

ल्हडें लबर ह्‍याद् बिसि याहवेहजी ताँ लइ। धै “म्रुँमैं नेरो चमैंए सिपाइमैं युनन् न्हेयाइ!” बिसि ल्हें च्हमिरिमैंइ ताँ लइ।

मत्ती 21:34

“लिउँइँ अँगुर खुबै त्हे तमा चइ के लबै म्‍हिमैं ह्रोंसए भाउ किंबर आधे लब्मैं ङाँर कुल्‍मिंइ।

मत्ती 23:37

“ओ यरूशलेमथेंमैं, अगमबक्‍तामैं सैब्मैं, धै परमेश्‍वरजी कुल्मिंबै स्यार्बोमैं युँमाइ प्रिंब्मैं। नगा आमाइ प्हसेंमैं प्ह्‍या न्होंर हुब् धोंले ल्‍हें खे ङइ क्‍हेमैंलाइ हुल् म्‍हैइ, दिलेया क्‍हेमैं ङ ङाँर खोंयोंइ या खल् आङिं!

मत्ती 3:2

“पाप लब् पिसि परमेश्‍वरउँइँ सैं एद्, तलेबिस्याँ स्‍वर्गर्बै ग्याल्स चेंदोन् खइमुँ।”

मत्ती 9:15

येशूजी चमैंने बिइ, “प्ह्रेंरो जन्तिमैंने बालु मुँमा चमैंइ शोक लम्‍मा? दिलेया च त्हे खब्मुँ, प्ह्रेंरो चमैंउँइँले बोयाब्मुँ। चमैं सैं आतोंसि बर्त टिब्‍मुँ।”

लूका 13:34

झाइले येशूजी बिइ, “यरूशलेमथेंमैं, ओ यरूशलेमथेंमैं, क्‍हेमैंइ अगमबक्‍तामैं सैवाइमुँ, छलेन क्हेमैं ङाँर खब्मैंलाज्यै या युँमाइ प्रिंइ। नग आमाइ प्हसेमैं प्‍ह्‍याइ हुब् धोंले ङइ ल्‍हें खे क्‍हेमैंलाइ हुल् म्हैइ, दिलेया क्‍हेमैं आङिं।

लूका 15:28

“चु ताँ थेसि च्‍ह थेब बेल्‍ले ह्रिस खसि धिं न्‍होंर ह्‍याल् आङिं। छतमा आबा बैरु त्‍होंसि च वाँबर होंइ।

लूका 19:27

तारे ङलाइ आखोसि ‘म्रुँ आतरिगे’ बिब्‍मैं चुर पखसि ङए उँइँर सैवाद्।”

यूहन्‍ना 5:40

दिलेया क्‍हेमैं खोंयोंइ आखाँबै छ्ह योंबर ङ ङाँर खल् आङिं।

चेला चिब्मैंए केमैं 13:45

छले च्हौ ल्हें म्हि खब् म्रोंसि बिश्‍वास आलबै यहूदीमैं बेल्‍ले ह्रिस खइ, धै पावलइ बिबै ताँ थोसि चलाइ आछ्याँन्ले स्यारइ।

रोमी 10:21

दिलेया इस्राएलीमैंए बारेर खीजी बिइमुँ, “ङइ बिब् आङिंब्मैं नेरो ङए बिरोधर राबै म्हिमैंए ल्हागिर ङइ त्हिंइतिमिन् यो स्‍योंइ।”

हिब्रू 12:25

छतसि न्ह क्रों मि क्रो तद्, ङ्योने पोंबै परमेश्‍वरजी बिब ङिंन्। तलेबिस्याँ चु पृथ्‍बीर्बै म्‍हि मोशाइ बिबै ताँ इस्राएलीमैंइ थेल् आङिंमा चमैं दण्‍डउँइँले स्योल् आखाँ बिस्याँ, झन् स्‍वर्गउँइँले पोंबै परमेश्‍वरजी बिबै ताँ आङिंब्मैं खैले स्योरल् खाँमुँ?

हिब्रू 9:15

छतसि ख्रीष्‍टजी छारा बाछा लमिंबइले परमेश्‍वरजी त्‍हाँबै म्‍हिमैंइ खीजी फैबै बाछार्बै खोंयोंन् बिलै तरिबै आशिक योंल् खाँम्। तलेबिस्याँ ओंसोंबै बाछाए न्‍होंर टिमा चमैंइ पाप लइ, दिलेया चमैंए पापए ल्हागिर ख्रीष्‍ट सिमिंसि चमैंलाइ जोगेमिंइमुँ।

दर्शन 22:17

पबित्र प्ल्ह नेरो प्‍ह्रेंस्‍योइ खीने बिइमुँ, “यु”। चु ताँ थेबै म्हिमैंज्यै या छलेन खीने “यु” बिल् त्‍हुम्। क्‍यु पिब्मैं क्‍यु मूलर खरिगे। छ्ह पिंबै क्‍यु थुँदा ङ्हाँब्मैंइ छलेन् थुँरिगे।