मत्ती 22:24 - परमेश्‍वरए ताँ तमु क्युइर

²⁴ “ओ गुरु, खाब् मुँले म्‍हि प्हसे आफिन्‍ले सियास्‍याँ चए अलिइ चों बोसि आघेंए ल्हागिरि सन्‍तान योंमिंरिगे बिसि मोशाइ बिल।

मत्ती 22:24 ပူးပေါင်းရင်းမြစ်များ

उत्पत्ति 38:11

छतमा यहूदाइ ह्रोंसए च्हों तामारने बिइ, “ङए च्ह शेलह थेब् आतन् समा म्हरेस्योन् तसि क्हिए आबाए धिंर टिद्।” तलेबिस्याँ शेलह या चए आघेंमैं धोंलेन् सियाम् उ बिसि च ङ्हिंल। छतसि तामार ह्रोंसए आबाए धिंर ह्‍यासि टिइ।

उत्पत्ति 38:8

छतसि यहूदाइ म्हैला च्ह ओनानने बिइ, “क्हिए चों ङाँर ह्‍यासि क्हिए आघेंए ल्हागिर प्हसेमैं योंमिंन्।”

मत्ती 22:16

छतसि फरिसीमैंइ ह्रोंसए चेलामैं हेरोद म्रुँए टोलिर्बै म्हिमैंने येशू ङाँर कुलइ। चमैं ह्‍यासि खीने बिइ, “ओ गुरु, क्‍हिजी क्‍ह्रोंसेंन्‍बै ताँ पोंमुँ, धै म्‍हिमैंलाइ परमेश्‍वरए क्ह्रोंसेंन्बै घ्‍याँर छेनाले प्रबर लोमिंम् बिब ङिइ सेइमुँ। क्‍हि खाब् म्रोंसेया आङ्हिं, तलेबिस्याँ क्हिजी म्‍हि ङ्‍ह्‍योसि के आल।

मत्ती 22:25

ङिला त्येमैं ङिउँलो मुँल। ठागुइ ब्ह्‍या लइ, दिलेया प्‍हसे आफिन्‍ले सियाइ। छतसि चइ अलिए ल्हागिर ह्रोंसए प्ह्रेंस्यो वाथेंइ ह्‍याइ।

मत्ती 22:36

“ओ गुरु, परमेश्‍वरए छ्वेर मुँबै ताँमैं न्होंर आलसि आतबै ताँन् भन्दा थेबै ताँ तो जा?”

मत्ती 7:21

“सुँइ मत्‍त्रे ङने ‘प्रभु, प्रभु,’ बिसि ङए मिं किंब्‍मैं स्‍वर्गर्बै ग्याल्सर होंल् योंरिब् आरे। स्वर्गर मुँबै ङए परमेश्‍वर आबाजी बिब् धोंले के लब्मैं मत्‍त्रे होंल् योंब्‍मुँ।

मर्कूस 12:19

“गुरु, मोशाइ ङ्योलाइ पिंबै ठिमर छले प्‍ह्रिइमुँ, ‘कोइ म्‍हि ब्ह्‍या लसेया प्‍हसे आतल्‍ले सियाइबिस्‍याँ चए ल्हागिर प्हसे योंरिगे बिसि चए अलिइ चोंने ब्ह्‍या लल् त्हुम्,’ बिसि प्‍ह्रिथेंइमुँ।

लूका 20:28

“गुरु, मुँयुँ घ्रि ब्ह्‍या लसि प्‍हसे आतन्‍ले सि‍याइ बिस्याँ, आघेंए ल्हागिर सन्तान तरिगे बिसि चए अलिइ ह्रोंसए चों ब्ह्‍या लल् त्‍हुम् बिसि स्‍योंमा मोशाइ ङ्योए ल्हागिर ठिम प्‍ह्रिथेइमुँ।

लूका 20:33

छतसि सियाब्‍मैं धबै सोगों तमा च च्हमिरि खाबै प्‍ह्रेंस्‍यो तलै? तलेबिस्याँ च च्हमिरि त्ये ङिंउँलोलन् प्ह्रेंस्यो तल् खाँल।”

लूका 6:46

येशूजी धबै अर्को ताँ बिइ, “ङइ बिबै ताँ आङिंस्‍याँ क्‍हेमैंइ तले ङने ‘ओ प्रभु, प्रभु’ बिमुँ?

रूथ 1:11

छबिमा नाओमीइ बिइ, “ओ ङए च्हमिमैं, क्हेमैं ङने तले ह्‍याब? क्हेमैं एयाद्; क्हेमैंए ल्हागिर ङइ धबै च्हमैं फिल् खाँम्मा? आखाँ!

रूथ 3:13

क्हि तिंयाँबै म्हुँइँस चुर्न थोदु, धै प्हन्हाँग क्हिए ल्हागिर लल् त्हुबै के चइ लमिंम् बिस्याँ, ठिकन् मुँ; आलइ बिस्याँ ङइ लमिंस्यो। सोगों याहवेहए मिंर कसम चसि ङ बिमुँ, न्हुँ आलद्।”

रूथ 4:5

धबै बोअजइ बिइ, “तम् तम्। नाओमीए क्ल्ह्‍यो किंम् बिस्याँ क्हिइ मोआब ह्‍युलउँइँले नाओमीने खबै म्हरेस्यो रूथने ब्ह्‍या लल् त्हुम्। तलेबिस्याँ सियाबै म्हिए मिं आम्हबै ल्हागिर च क्ल्ह्‍यो चए परवाए न्होंर्न तल् त्हुम्।”