मत्ती 22:16 - परमेश्‍वरए ताँ तमु क्युइर

¹⁶ छतसि फरिसीमैंइ ह्रोंसए चेलामैं हेरोद म्रुँए टोलिर्बै म्हिमैंने येशू ङाँर कुलइ। चमैं ह्‍यासि खीने बिइ, “ओ गुरु, क्‍हिजी क्‍ह्रोंसेंन्‍बै ताँ पोंमुँ, धै म्‍हिमैंलाइ परमेश्‍वरए क्ह्रोंसेंन्बै घ्‍याँर छेनाले प्रबर लोमिंम् बिब ङिइ सेइमुँ। क्‍हि खाब् म्रोंसेया आङ्हिं, तलेबिस्याँ क्हिजी म्‍हि ङ्‍ह्‍योसि के आल।

मत्ती 22:16 ပူးပေါင်းရင်းမြစ်များ

भजनमैं 12:2

ताँनइ ह्रोंसए ङ्‍हेब् ट्हुब्मैंने स्योर तेसि पोंम्, चमैं फिब्लो पार्दिसि स्योर ताँमैं पोंम्।

भजनमैं 5:9

चमैंए सुँइ क्ह्रोंसेंन्बै ताँ आपों; चमैंए खों आछ्याँबै सैमैंइ प्लिंइमुँ; चमैंए म्‍लोगो थोंथेंबै छगों ग; छतसि चमैंइ फिब्लो पार्दिसि पोंम्।

भजनमैं 55:21

चइ सुँइ लिरिक्‍क लमल, दिलेया चए सैं आछ्याँब मुँल; चइ ङ्याँ ह्‍याल्‍ले आथेलै थेथे ङ्हाँन्ले ताँ पोंमल, छले स्युट्‍टले पोंसि सेलाँइ धोंले चइ न्होह्रों लमल।

हितोपदेश 29:5

ह्रोंसए ङ्‍हेब्मैंने स्युइट्टले पोंबै म्हिइ ह्रोंसए प्हलेर्न जाल तिम्।

मत्ती 22:24

“ओ गुरु, खाब् मुँले म्‍हि प्हसे आफिन्‍ले सियास्‍याँ चए अलिइ चों बोसि आघेंए ल्हागिरि सन्‍तान योंमिंरिगे बिसि मोशाइ बिल।

मत्ती 22:26

छलेन म्हैला नेरो साँइलाज्यै छान् लइ। लिउँइँ च ङिउँलोन् छलेन् प्‍हसे आफिन्‍लेन् सियाइ।

मत्ती 26:18

खीजी चमैंने बिइ, “सहरर म्‍हि घ्रि ङाँर ह्‍यासि चने बिद्, गुरुजी बिइमुँ, ‘ङए ल्हागिर तोक्दिबै त्हे तखइमुँ। छतसि ङए चेलामैंने बालु ङ क्‍हिए धिंर दुःखने फ्रेबै चाड म्हाँदिदा ङ्हाँइमुँ,’ बिद्।” बिसि कुल्मिंइ।

मत्ती 26:49

छ बिबै तोदोंन् यहूदा येशू ङाँर ह्‍यासि येशूने, “ओ गुरु,” बिसि म्वें लइ।

मर्कूस 10:17

झाइले येशू घ्‍याँर ह्‍यारिमा म्‍हि घ्रि न्हेह्‍यासि येशूए ओंसों च्‍हि तुँसि खीने “ओ स्वाबै गुरु, खोंयोंइ आखाँबै छह् योंबै ल्हागिर ङइ तो लल् त्‍हुम्?” बिसि ङ्योएइ।

मर्कूस 12:13

च लिउँइँ येशूलाइ ताँ क्‍हासि फसेद् बिसि चिबनाँब्मैंइ फरिसीमैं नेरो हेरोदिमैं न्होंर्बै को-कोइ येशू ङाँर कुलइ।

मर्कूस 12:14

चमैं येशू ङाँर खसि बिइ, “ओ गुरु, क्‍हि क्‍ह्रोंसेंन्बै ताँ पोंम् बिब ङिइ सेइमुँ। क्‍हि खाब् म्रोंसेया आङ्हिं तलेबिस्याँ क्‍हिजी प्लोब, ङ्हाँब, खाबलाज्यै या आफेलल्‍ले परमेश्‍वरए घ्‍याँर प्रबर छेनाले लोमिंम्। छतसि ङिइ रोमी कैसर म्रुँलाइ बालि फोब तम् उ आत?” ङिने बिमिंन्।

मर्कूस 3:6

छतब् म्रोंसि यहूदी ठिम बेल्‍ले छेनाले म्हाँदिबै टोलिर्बै फरिसीमैं च्हों धिंउँइँले बैरु त्‍होंइ ह्‍यासि येशूलाइ खैले सैले बिसि हेरोद म्रुँए म्हिमैंने सल्‍ला लबर होंइ।

मर्कूस 8:15

छले ह्‍यारिमा येशूजी खीए चेलामैंने लोदा सैंदा लसि बिइ, “फरिसीमैं नेरो हेरोद म्रुँए क्हेंर झोंबै प्लेढाउँइँले न्ह क्रों मि क्रोंले टिद्।”

लूका 20:21

चमैंइ येशूने बिइ, “ओ गुरु, क्‍हिइ छ्याँबै ताँ पोंमुँ धै खाबलाज्यै या आफेलल्‍ले परमेश्‍वरए क्‍ह्रोंसेंन्‍बै ताँ छेनाले लोमिंम् बिसि ङिइ सेइमुँ।

लूका 7:40

येशूजी फरिसीए सैंर्बै ताँ सेसि “ओ सिमोन क्‍हिने ताँ घ्रि बिल् त्‍हुइमुँ,” बिइ। सिमोनइ बिइ, “तो ताँ मुँ गुरु? बिद्।”

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 18:37

पिलाताइ खीने “छ बिस्याँ क्हि म्रुँन् वा?” बिसि ङ्योएमा येशूजी बिइ, “ङ म्रुँ ग बिसि क्‍हिइन बिइमुँ। क्‍ह्रोंसेंन्‍बै ताँए ग्वाइ पिंबै ल्हागिर ङ फिब् ग। छतसि ङ चु ह्‍युलर युब् ग। क्ह्रोंसेंन्बै ताँ खोब्मैंइ ङए ताँ थेमुँ।”

यूहन्‍ना 7:18

ह्रोंसन् ह्रब् सेब् प्हैंसि पोंब्मैंइ ह्रोंसए मान म्हैम्, दिलेया खाबइ खी कुल्मिंबै परमेश्‍‍वरए मान म्हैमुँ, चन् क्ह्रोंसेंन्बै सैं प्ह्‍याबै म्हि ग। चइ तो ताँरै या स्योर आतेनाले क्ह्रोंसेंन्बै ताँ पोंम्।

२ कोरिन्थी 2:17

ल्हें म्हिइ धोंले परमेश्‍वरए ताँ छों लब्मैं ङि आङिं, तलेबिस्याँ ङिलाइमि परमेश्‍वरजीन् कुल्‍मिंब् ग। छतसि ङि ख्रीष्‍टए सेवा लसि खीए ओंसों स्योर ताँ आकोंल्‍ले परमेश्‍वरए ताँ पोंमुँ।

२ कोरिन्थी 4:2

छलु-म्हिलु नेरो फा पिन् तबै केमैं ङिइ पिवाइमुँ। छलेन ङिइ परमेश्‍वरए ताँमैं म्हिमैंने बिप्रमा स्योलिबै ताँमैं कोंसि आबि। बरु म्हिमैंलाइ क्ह्रोंसेंन्बै ताँ उँइँमिंसि परमेश्‍वर नेरो म्हिमैंए उँइँर ह्रोंसलाइ ठिक ठर्दिबै केमैं ङि लम्।

२ कोरिन्थी 5:16

छतसि तारे ङिइ म्हिमैंलाइ ङ्ह्‍योमा चमैंने मुँबै बैरुबै सैमैंउँइँले आङ्ह्‍यो। ख्रीष्‍टलाज्यै ओंसों ङिइ छलेन् ङ्ह्‍योमल, तारे ङिइ खीलाइ छले आङ्ह्‍यो।

गलाती 1:10

ङइ म्हिमैंउँइँले स्‍याबासि म्‍हैरिइमुँ उ परमेश्‍वरउँइँले स्‍याबासि म्‍हैरिइमुँ? ङइ म्‍हिमैंए सैं तोंन् लल् म्हैरिइमुँ वा? ङइ अझै म्‍हिमैंए सैं तोंन् लल् म्‍हैरिस्‍याँ ङ ख्रीष्‍टए सेवा लल् आखाँमल।

गलाती 2:6

च मिं कालदिब्मैं कति ह्रब् सेब् मुँलेया ङलाइ तोइ फरक आपर्दि, तलेबिस्याँ परमेश्‍वरजी म्हि ङ्ह्‍योसि आफेल! दिलेया ङइ बिबै ताँए फिर चमैंइ तोइ ताँ आथप्दिल।

१ थेसलोनिकी 2:4

छतसि परमेश्‍वरजी ङिलाइ भर म्हाँदिसि खीए सैं तोंबै ताँ बिप्रबै के ङिए जिम्‍मार पिंइ। छतसि म्हिमैंए सैं तोंन् लबर ङि आपो, बरु ङ्योए सैं न्होंर्बै ताँ सेबै परमेश्‍वरए सैं तोंन् लबर ङि पोंम्।

याकूब 3:17

दिलेया परमेश्‍वरजी ह्रब्-सेबै लमिंबै म्‍हिए सैं छ्याँब तम्, धै चइ आक्ह्रिब्मैं क्ह्रिमिंब, आगुए फिर ल्हयो खब, च्हैंसि मैंसि के लब, दयाम्हाँया लब, छ्याँबै केमैं लब, खाबै आफेलल्‍ले क्ह्रोंसेंन्बै ताँ लब तम्।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।