मत्ती 22:12 - परमेश्‍वरए ताँ तमु क्युइर

¹² म्रुँइ चने ‘ओ थु, क्‍हि ब्ह्‍यार खिल् त्‍हुबै क्‍वें आ‍खिल्‍ले खैले न्‍होंर खल?’ बिसि ङ्योएमा चइ तोइ बिल् आखाँल।

मत्ती 22:12 ပူးပေါင်းရင်းမြစ်များ

भजनमैं 107:42

ठिक के लब्मैंइ चु म्रोंब्मुँ धै तोंब्मुँ, दिलेया दुष्‍ट म्हिमैंइ ह्रोंसए सुँ म्रुब्मुँ।

मत्ती 20:13

“दिलेया च क्‍ल्‍हेइ चमैं न्‍होंर्बै म्‍हि घ्रिने बिइ, ‘ओ थु, ङइ क्‍हिए फिर तोइ अनिया आलइमुँ। क्‍हिइ ङने तिंगेंर्बै नों सैर के लम् बिसि बिब् आङिं वा?

मत्ती 26:50

येशूजी चने “ओ थु, क्हि तो लब् बिसि खल, च युनन् लद् बिइ,” छ बिबै तोदोंन् यहूदाने खबै म्‍हिमैं खसि येशूलाइ क्‍हाइ।

मत्ती 5:20

“तलेबिस्याँ ङ क्‍हेमैंने बिमुँ, शास्‍त्रिमैंइ नेरो फरिसीमैंइ लबै केमैं भन्दा क्हेमैंइ लबै केमैं छ्याँब आतइ बिस्याँ क्हेमैं खैलसेया स्वर्गर्बै ग्याल्सरि होंल् योंरिब आरे।

रोमी 3:19

ठिमर्बै ताँ ठिम म्हाँदिब्मैंए ल्हागिर्न बिब ङिइ सेइमुँ। छतमा ताँन् ह्‍युलर्बै म्‍हिमैं परमेश्‍वरए उँइँर निसाफर रामा खाबज्‍यै या तोइ पोंबै घ्‍याँ आरे।

१ कोरिन्थी 4:5

छतसि ठिक त्हे आतन् समा खाबै फिरै या क्हेमैंइ छ्याब् आल्हैदिद्, ताँनए निसाफ प्रभुजीन् च त्हेर लम्। म्हिमैंइ आसेल्‍ले लबै आछ्याँबै केमैं या ताँनइ सेल् लमिंब्मुँ, छलेन म्‍हिमैंए सैं न्‍होंर्बै ताँमैं या उँइँमिंब्‍मुँ। धै म्हिमैंइ खैबै केमैं लइमुँ च अनुसार्बै इनाम परमेश्‍वरजी चमैंलाइ पिंब्‍मुँ।

तीतस 3:11

छाबै म्‍हि न्होंग्याल पापि ग बिसि क्हिइ सेल् त्हुम्। लिउँइँ “ङइ गल्‍ति लना” बिसि च म्हिन् ह्रोंसन् दोषि ठर्दिम्।