मत्ती 22:11 - परमेश्‍वरए ताँ तमु क्युइर

¹¹ “म्रुँइ ब्ह्‍यार खबै प्‍ह्रेंमैं ङ्‌ह्‍योबर न्होंर खमा, ब्ह्‍यार खिल् त्‍हुबै क्‍वें आखिल्‍‍ले खबै म्हि घ्रि चइ म्रोंइ।

मत्ती 22:11 ပူးပေါင်းရင်းမြစ်များ

मत्ती 13:30

तोगो रा-रोमैं खुबै त्हे आतन् समा ङ्हिथुन् बालुन् बडिल् पिंन्। रा-रोमैं खुबै त्हेर ङए म्रोंमैंने “ओंसों सम्रिंमैं स्‍युइसि मिर ख्रोंवाबै ल्हागिर प्हैं फैद्। धै गहुँ ङए भकारिर खागु लसि थेंन् बिसि,” ङइ बिब्मुँ।’”

मत्ती 22:10

म्रुँइ छबिमा के लबै म्‍हिमैं घ्याँजरे ह्‍यासि चमैंने त्‍होब तब-आतब ताँन् म्हिमैं खागु लसि भत्यारर पखइ। धै ब्ह्‍या लबै धिं प्ह्रेंमैंइ प्‍लिंइ।

मत्ती 3:12

सोंग्या टाबै नउलि खीए योर्न मुँ। खीजी ताँन् खालर्बै सोंग्या छेन्‍ले टाब्‍मुँ, धै खीए गहुँ धन्‍सारर खागु लब्मुँ, धै ताँन् पुइ खागु लसि खोंयोंइ आसिबै मिर ख्रोंवाब्‍मुँ।”

रोमी 13:14

बरु येशू ख्रीष्‍ट धोंन् तबर भों लद्, धै ह्रोंसए सैंउँइँले खबै आछ्याँबै इच्‍छामैं पिवाद्।

रोमी 3:22

छतमा येशू ख्रीष्‍टए फिर बिश्‍वास लब्मैं ताँनलाइ परमेश्‍वरजी ठिक ठर्दिम्। यहूदी नेरो अरू ह्रेंमैं खाबलाज्यै या खीजी आफेल।

१ कोरिन्थी 4:5

छतसि ठिक त्हे आतन् समा खाबै फिरै या क्हेमैंइ छ्याब् आल्हैदिद्, ताँनए निसाफ प्रभुजीन् च त्हेर लम्। म्हिमैंइ आसेल्‍ले लबै आछ्याँबै केमैं या ताँनइ सेल् लमिंब्मुँ, छलेन म्‍हिमैंए सैं न्‍होंर्बै ताँमैं या उँइँमिंब्‍मुँ। धै म्हिमैंइ खैबै केमैं लइमुँ च अनुसार्बै इनाम परमेश्‍वरजी चमैंलाइ पिंब्‍मुँ।

२ कोरिन्थी 5:3

तलेबिस्याँ ङ्योए ल्हागिर स्वर्गरै या धिं मुँ। छतसि सिबै लिउँइँ ङ्यो क्लुना नेरो ज्यु आरेब्मैं तरिब् आरे।

गलाती 3:27

तलेबिस्याँ क्‍हेमैं बप्‍तिस्‍मा किंब्मैं ख्रीष्‍टने घ्रिन् तइमुँ। छतसि छारा क्‍वें खिब् धोंलेन क्हेमैंइ ख्रीष्‍टए छ्याँबै बानि किंइमुँ।

एफिसी 4:24

झाइले छारा छ्याँबै क्‍वें खिब् धोंले परमेश्‍वरल् धों तबै छ्याँबै बानि ब्योर क्हेमैंल् तरिगे।

दर्शन 16:15

प्रभु येशूजी बिइ, “थेद्, क्‍हेमैंइ था आसेल्‍ले ङ ह्‍यो धोंले युब्मुँ। छतसि न्ह क्रों मि क्रोंले टिबै म्हि ङ्‍हो सब् ग। ह्रोंस क्‍लुना तसि म्‍हिमैंए उँइँर फा पिन् आतरिगे बिसि ह्रोंसए क्‍वें ह्रोंसनेन् साँथेंम्।”

दर्शन 19:8

च प्‍ह्रेंस्‍योलाइ खिबै ल्हागिर परमेश्‍वरजी फोस्रे ब्योंबै छ्याँबै मलमलए क्‍वें पिंइ।” (च छ्याँबै मलमलए क्‍वें परमेश्‍वरए म्‍हिमैंए छ्याँबै केमैं ग।)

दर्शन 2:23

ङइ च च्हमिरिए लिलि प्रबै म्‍हिमैंलाइ सैवाब्‍मुँ। ङइ म्‍हिए सैंर्बै ताँमैं नेरो चमैंइ लबै केमैं था सेमना बिसि ताँन् बिश्‍वासीमैंइ च त्हेर था सेब्‍मुँ, छले क्‍हेमैंइ खैबै के लमुँ, छाबन् नों ङइ क्हेमैं घ्रि घ्रिलाइ पिंब्‍मुँ।

दर्शन 3:18

छतसि ङइ क्हेमैंलाइ चु सल्‍ला पिंम्: क्‍हि प्लब् तबै ल्हागिर मिर खारदिबै छ्याँबै मारा ङउँइँले किंन्, म्‍हिमैंइ क्‍हेमैंलाइ क्‍लुना तब् आम्रोंरिगे बिसि खिबै ल्हागिर ङउँइँले फोस्रे ब्योंबै क्‍वें किंन्, झाइले क्‍हिए मि म्रोंरिगे बिसि ङउँइँले मि म्रोंल् लबै मैं किंसि फोद्।