मत्ती 21:44 - परमेश्‍वरए ताँ तमु क्युइर

⁴⁴ [चु युँमाए फिर क्‍हुरिह्‍याब्मैं नास तयाब्मुँ, धै खाबै फिर च युँमा तेयामुँ चलाइ प्लेवाब्‍मुँ।]

मत्ती 21:44 ပူးပေါင်းရင်းမြစ်များ

भजनमैं 2:12

च्हलाइ मान लसि फ्योद्, छ आलस्याँ खी ह्रिस खब्मुँ, धै क्हेमैं घ्याँर्न सिब्मुँ, तलेबिस्याँ खी युनन् ह्रिस खम्। खीए प्हलेर ग्वार ह्रिबर ह्‍याब्मैंइ आशिक योंब्मुँ।

भजनमैं 2:9

पैए प्हरे छेसि क्हि चमैंए म्रुँ तब्मुँ, सए भाँडो तिब् धोंले क्हिइ चमैं त्हुल भुँ लवाब्मुँ।’”

मत्ती 21:43

छतसि ङ क्‍हेमैंने बिमुँ, परमेश्‍वरए ग्याल्सर टिबै हग तारे परमेश्‍वरजी क्‍हेमैंउँइँले प्‍हेंसि रोमैं रोल् खाँबै अरू ह्रेंलाइ पिंब्‍मुँ।”

मत्ती 21:45

ख्रो पिंबै खेगि चिब्मैं नेरो फरिसीमैंइ खीजी बिबै अहान् थेसि “खीजी चु अहान् ङ्योए बारेर्न बिब् ग,” बिसि चमैंइ क्होइ।

मत्ती 26:24

परमेश्‍वरए छ्वेर प्‍ह्रिब् धोंले म्हिए च्ह सिलन् त्‍हुम्, दिलेया म्हिए च्ह क्हाल् पिंबै म्हिलाइ धिक्‍कार मुँ। च म्हि आफिस्याँ चए ल्हागिरि छ्याँब तमल।”

मत्ती 27:25

छबिमा चर्बै ताँन् म्हिमैंइ बिइ, “चुलाइ सैबै छ्याब् ङि नेरो ङिए सन्‍तानए फिर्न तरिगे।”

लूका 2:34

झाइले शिमियोनइ चमैं फिर आशिक पिंदै मरियमने बिइ, “थेद्, इस्राएलीमैं न्होंरि ल्हें म्हि नास लबर नेरो ल्हें म्हि जोगेमिंबर चु कोलो कुलइमुँ। चु कोलो परमेश्‍वरजी कुलबै चिनु तब्मुँ, ल्हें म्हिइ चु कोलोए बिरोधर पोंब्मुँ।

लूका 20:18

च युँमाए फिर तेयाब्‍मैं ताँन् कुदुकुदु तयाब्मुँ, छलेन खाबै फिर च युँमा तेमुँ च त्‍हूलफुँ लवाब्‍मुँ।”

यूहन्‍ना 19:11

येशूजी बिइ, “परमेश्‍वरजी आपिंस्याँ क्हिला ङए फिर तोइ हग आतमल। छतसि ङलाइ क्हिए योर पिंवाबै म्हिए फिर पापए छ्याब् झन् ल्हें तब्मुँ।”

रोमी 9:33

येशू ख्रीष्‍टए बारेर परमेश्‍वरए छ्वेर छले प्ह्रिइमुँ, “ङ्‌ह्‍योद्, ङइ यहूदीमैंए म्‍हाँजोरि प्हले थुरबै युँमा थेंम्, च युँमार ल्हें म्‍हि थुरसि क्‍हुरयाब्‍मुँ, दिलेया खीए फिर बिश्‍वास लब्मैं खाबै या सैं च्योंब तल् त्हुरिब् आरे।”

१ थेसलोनिकी 2:16

अरू ह्रेंमैंइ या जोगेरिगे बिसि ङिइ सैं तोंबै ताँ बिबर होंमा चमैंइ ङि पोंल् आपिं। छ लमा चमैंइ लरिबै आछ्याँबै के झन् ल्हें लइमु। छ तसि तोगो परमेश्‍वरए ह्रिस चमैंए फिरि बल्‍ल युइमु।

१ पत्रुस 2:8

अर्को क्ल्ह्‍योरै या छ बिइमुँ, “च युमाँ खीए फिर बिश्‍वास आलब्मैंलाइ थुरल् लबै युँमा धै प्हलेर्न कुरल् लबै युँमा ग।” तलेबिस्याँ चमैंइ परमेश्‍वरए छ्वेर्बै ताँमैं आक्वें। छतसि चमैं थुरम् धै नास तयाम्। चमैंए ल्हागिरि छान् तबर तोक्दिल।