मत्ती 21:32 - परमेश्‍वरए ताँ तमु क्युइर

³² तलेबिस्याँ यूहन्‍ना छ्याँबै घ्‍याँ उँइँबर क्‍हेमैं ङाँर युँइ, दिलेया क्‍हेमैंइ चए फिर बिश्‍वास आल। दिलेया रोमी म्रुँए ल्हागिर बालि रेब्मैं नेरो फ्यालुस्योमैंइ चए फिर बिश्‍वास लइ। चु म्रोंसेया क्हेमैंइ पापउँइँले सैं आए, धै चए फिर बिश्‍वास आल।”

मत्ती 21:32 ပူးပေါင်းရင်းမြစ်များ

मत्ती 11:18

छलेन बप्‍तिस्‍मा पिंबै यूहन्‍नाइ परमेश्‍वरए मिंर बर्त टिब्रें लमल, चइ प्हा या आथुँमल। दिलेया म्‍हिमैंइ ‘चलाइ मोंइ स्‍याइमुँ!’ बिमल।

मत्ती 21:25

लु बित्ति! यूहन्‍नाइ बप्‍तिस्‍मा पिंबै हग खनिउँइँले योंइ? परमेश्‍वरउँइँले योंइ उ म्‍हिमैंउँइँले योंइ?” छबिमा चमैं ह्रों-ह्रोंसन्, “स्वर्गउँइँले बिले बिस्याँ ‘छ बिस्‍याँ यूहन्‍नाइ बिबै ताँ क्‍हेमैंइ तले आक्वेंल?’ बिसि चइ बिब्मुँ बिदै छलफल लबर होंइ।

मत्ती 21:31

“चु च्‍ह ङ्हिंर आबाइ बिबै ताँ खाबइ ङिंइ? ठागुइ उ च्‍योंबइ?” चमैंइ “ठागुइ,” बिइ। झाइले येशूजी चमैंने बिइ, “क्ह्रोंसेंन ङ क्हेमैंने बिमुँ, रोमी म्रुँए ल्हागिर बालि रेब्मैं नेरो फ्यालुस्यो के लब्मैं क्‍हेमैं भन्दा ओंसों परमेश्‍वरए ग्याल्सर होंब्मुँ।

मत्ती 5:46

ह्रोंसने म्हाँया लब्‍मैंने मत्‍त्रे क्‍हेमैंइ म्हाँया लइ बिस्‍याँ क्हेमैंइ तो इनाम योंमुँ? रोमी म्रुँए ल्हागिर बालि रेब्मैंज्यै छान् आल रो वा?

२ तिमोथी 2:25

ह्रोंसने आक्‍ह्रिब्‍मैंलाज्यै या छेनाले लोदा सैंदा लल् खाँब तल् त्‍हुम्। छ लस्याँ परमेश्‍वरजी चमैंए सैं एसि क्ह्रोंसेंन्बै ताँ क्होबै सैं पिंलै।

हिब्रू 3:12

छतसि ओ अलि-अङाँमैं, सैं चिद्, क्‍हेमैं न्‍होंरि खाबलैया बिश्‍वास आलबै आछ्याँबै सैंइ लमा क्हेमैं सोगों परमेश्‍वरउँइँले ह्रेंगो आबोरिगे।

२ पत्रुस 2:21

चमैंलाइ पिंबै चु क्ह्रोंसेंन्बै छ्याँबै ताँ चमैंइ सेसेया आसेब् धोंलेन् धबै ओंसोंबै आछ्याँबै घ्याँर्न प्रयाम् बिस्याँ, चमैंए ल्हागिर चु छ्याँबै घ्याँ ग बिसि आसेबन् झन् छ्याँब तमल।

दर्शन 2:21

ङइ चलाइ पापउँइँले सैं एबै मौका पिंइ, दिलेया चइ ब्यभिचार लबै पापउँइँले एबै सैं आलइमुँ।