मत्ती 21:26 - परमेश्‍वरए ताँ तमु क्युइर

²⁶ दिलेया ‘म्हिमैंउँइँले’ बिले बिस्‍याँ म्हिमैंइ तोइ लम् उ बिसि ङ्हिंल् त्हुइमुँ। तलेबिस्याँ यूहन्‍ना अगमबक्‍ता ग बिसि ताँन् म्हिमैंइ म्हाँदिम्।”

मत्ती 21:26 ပူးပေါင်းရင်းမြစ်များ

मत्ती 11:9

बित्ति, क्‍हेमैं क्‍ह्रोंसेंन् तो ङ्‌ह्‍योबर ह्‍याल? अगमबक्‍ता ङ्ह्‍योबर ह्‍याल् वा? ओं, ङ क्ह्रोंसेंन क्हेमैंने बिमुँ, अगमबक्‍ता भन्दा थेबै म्हि घ्रि क्हेमैंइ म्रोंइमुँ,

मत्ती 14:5

छतसि हेरोदइ यूहन्‍ना सैबै सैं ललेया चर्बै यहूदी म्हिमैं म्रोंसि ङ्हिंमल। तलेबिस्याँ “यूहन्‍ना अगमबक्‍ता ग,” बिसि चमैंइ म्हाँदिमल।

मत्ती 21:11

येशूने मुँबै हुलइ बिइ, “चु गालील ह्‍युलर्बै नासरतउँइँले खबै अगमबक्‍ता येशू ग।”

मत्ती 21:25

लु बित्ति! यूहन्‍नाइ बप्‍तिस्‍मा पिंबै हग खनिउँइँले योंइ? परमेश्‍वरउँइँले योंइ उ म्‍हिमैंउँइँले योंइ?” छबिमा चमैं ह्रों-ह्रोंसन्, “स्वर्गउँइँले बिले बिस्याँ ‘छ बिस्‍याँ यूहन्‍नाइ बिबै ताँ क्‍हेमैंइ तले आक्वेंल?’ बिसि चइ बिब्मुँ बिदै छलफल लबर होंइ।

मत्ती 21:27

छतमा चमैंइ येशूने “तुसि, खनिउँइँले योंगे ङिइ आसे,” बिइ। छबिमा येशूजी चमैंने बिइ, “छ बिस्‍याँ ङज्यै या खनिउँइँले चु केमैं लबै हग योंइ बिसि क्‍हेमैंने आबि।”

मत्ती 21:46

छतसि चमैंइ येशूलाइ क्‍हाल् म्‍हैइ, दिलेया चमैं म्‍हिए हुल म्रोंसि ङ्हिंइ। तलेबिस्याँ म्हिमैंइ “येशू अगमबक्‍ता ग,” बिसि मैंमल।

मर्कूस 11:32

दिलेया ‘म्‍हिमैंउँइँले हग योंब् ग’ बिब आत!” तलेबिस्याँ चर्बै म्‍हिमैं म्रोंसि चमैं ङ्हिंमल, तलेबिस्याँ ताँन् म्हिमैंइ यूहन्‍ना क्‍ह्रोंसेंन्‍बै अगमबक्‍ता ग बिमल।

मर्कूस 12:12

खीजी बिबै अहान् खेंमैंए बिरोधर बिब् ग, बिसि चमैंइ क्होइ। छतसि यहूदी चिबनाँब्मैंइ येशू क्‍हाबै सैं लइ। दिलेया म्हिए हुल म्रोंसि चमैं ङ्हिंबइले येशूलाइ वाथेंसि ह्रोंसए घ्‍याँ क्‍हाइ।

मर्कूस 6:20

तलेबिस्याँ यूहन्‍ना ठिक के लबै पबित्र म्‍हि मुँ बिबै ताँ हेरोदइ सेल। छतसि हेरोद चने ङ्हिंसि सैल् आपिंल। यूहन्‍नाए ताँ थेमा हेरोद खैताखैता तमल दिलेया सैं तोंदै चए ताँ थेमल।

लूका 20:19

येशूजी चु अहान् खेंमैंए बारेर्न पोंरिइमुँ बिसि शास्‍त्रिमैं नेरो खेगि चिब्मैंइ क्‍होइ। छतसि च त्‍हेर्न चमैंइ येशू क्‍हाल् म्‍हैइ। दिलेया चमैं म्हि हुल म्रोंसि ङ्हिंमल।

लूका 20:6

‘म्हिउँइँले’ बिले बिस्‍याँ चुर्बै म्‍हिमैं ताँनइ ङ्यो युँमाइ प्रिंसि सैवाब्‍मुँ, तलेबिस्याँ यूहन्‍ना अगमबक्‍ता ग बिसि चमैंइ क्वेंम्।”

लूका 22:2

ख्रो पिंबै खेगि चिब्मैं नेरो शास्‍त्रिमैं बिस्याँ येशू खैले सैब् ङ्‍हे बिसि दाउ ङ्‍ह्‍योरिल। दिलेया म्‍हिमैं म्रोंसि चमैं ङ्हिंमल।

यूहन्‍ना 5:35

यूहन्‍ना लुँरिबै चारब बत्ति धोंब मुँल। छतसि क्‍हेमैं चए चारबै बत्तिर तिस्याँदे सैं तोंसि टिबै सैं लइ।

यूहन्‍ना 9:22

“येशून् परमेश्‍वरजी कुल्मिंबै म्रुँ ख्रीष्‍ट ग बिबै म्हिलाइ च्हों धिंउँइँले तेवाल त्हुम्,” बिसि यहूदीमैंइ ओंसों ओंनोंन् मत लल। छतसि चए आबा-आमा यहूदी चिबनाँब्मैं म्रोंसि ङ्हिंसि

चेला चिब्मैंए केमैं 5:26

चु ताँ थेसि कप्‍तान नेरो चए सिपाइमैं ह्‍यासि चमैंलाइ क्हासि खैच्हिजी आलल्‍ले छेनाले पखइ, तलेबिस्याँ म्हिमैंइ खेंमैं युँमाइ प्रिंम् उ ङ्हाँसि चमैं ङ्हिंयाँइ।