मत्ती 21:25 - परमेश्‍वरए ताँ तमु क्युइर

²⁵ लु बित्ति! यूहन्‍नाइ बप्‍तिस्‍मा पिंबै हग खनिउँइँले योंइ? परमेश्‍वरउँइँले योंइ उ म्‍हिमैंउँइँले योंइ?” छबिमा चमैं ह्रों-ह्रोंसन्, “स्वर्गउँइँले बिले बिस्याँ ‘छ बिस्‍याँ यूहन्‍नाइ बिबै ताँ क्‍हेमैंइ तले आक्वेंल?’ बिसि चइ बिब्मुँ बिदै छलफल लबर होंइ।

मत्ती 21:25 ပူးပေါင်းရင်းမြစ်များ

मत्ती 16:7

दिलेया चेलामैंइ येशूए ताँ आक्‍होसि “ङ्योइ क्‍हें पखब म्‍लेयासि प्रभुजी छ बिलै,” बिसि ह्रों-ह्रोंसन् ताँ लबर होंइ।

मत्ती 21:24

येशूजी चमैंने बिइ, “ङज्‍यैया ओंसों क्‍हेमैंने ताँ घ्रि ङ्योएम्। क्‍हेमैंइ ज्वाफ पिंइबिस्‍याँ, खाबइ हग पिंसि ङइ चु के लम् बिसि क्हेमैंने बिस्‍यो।

मत्ती 21:26

दिलेया ‘म्हिमैंउँइँले’ बिले बिस्‍याँ म्हिमैंइ तोइ लम् उ बिसि ङ्हिंल् त्हुइमुँ। तलेबिस्याँ यूहन्‍ना अगमबक्‍ता ग बिसि ताँन् म्हिमैंइ म्हाँदिम्।”

लूका 14:4

दिलेया चमैंइ तोइ बिल् आखाँ। येशूजी च यो प्हले रोंसि नबै म्‍हिए फिर यो थेंसि चलाइ सल् लमिंसि कुल्मिंइ।

लूका 20:5

चु ताँ थेसि चमैं खें-खेंमैंए न्होंरि छलफल लबर होंइ, “ङ्योइ खै बिब? ‘परमेश्‍वरउँइँले’ बिइ बिस्‍याँ क्‍हेमैंइ ‘तले यूहन्‍नाए ताँ आक्‍वेंल?’ बिसि चइ बिब्‍मुँ।

यूहन्‍ना 1:15

यूहन्‍नाइ येशूए बारेर ग्वाइ पिंदै थेबै कैले बिइ, “ङए लिलि युबै म्हि ङ भन्दा थेब मुँ, तलेबिस्याँ ङ फिब् भन्दा ओंसों ओंनोंन् खी मुँल। चए बारेर ङइ ओंसोंन् बिल।”

यूहन्‍ना 1:6

परमेश्‍वरजी कुल्मिंबै म्हि घ्रि मुँल। चए मिं यूहन्‍‍ना मुँल।

यूहन्‍ना 3:18

“खीए फिर बिश्‍वास लब्मैं दोषि आठर्दि, दिलेया बिश्‍वास आलब्मैं बिस्याँ ओंसोंन् दोषि ठर्दिल् खाँइमुँ, तलेबिस्याँ परमेश्‍वरए घ्रिदे मुँबै च्हए फिर चमैंइ बिश्‍वास आलइँमुँ।

१ यूहन्‍ना 3:20

तलेबिस्याँ परमेश्‍वर ङ्योए सैं भन्दा थेब मुँ, छतसि खीजी तोन्‍दोंरि ताँ था सेम्।