मत्ती 21:11 - परमेश्‍वरए ताँ तमु क्युइर

¹¹ येशूने मुँबै हुलइ बिइ, “चु गालील ह्‍युलर्बै नासरतउँइँले खबै अगमबक्‍ता येशू ग।”

मत्ती 21:11 ပူးပေါင်းရင်းမြစ်များ

मत्ती 2:23

चर ह्‍यासि नासरत बिबै सहरर टिइ। खीने नासरतथें बिब्‍मुँ बिसि अगमबक्‍ताइ स्‍योंमन् पोंबै ताँ छले पूरा तइ।

मत्ती 21:10

छले येशू यरूशलेमर फेनेमा सहर तिगोंन् खैला-बैला तइ। धै “चु म्हि खाब् जा?” बिसि म्हिमैंइ ङ्योएबर होंइ।

मत्ती 21:26

दिलेया ‘म्हिमैंउँइँले’ बिले बिस्‍याँ म्हिमैंइ तोइ लम् उ बिसि ङ्हिंल् त्हुइमुँ। तलेबिस्याँ यूहन्‍ना अगमबक्‍ता ग बिसि ताँन् म्हिमैंइ म्हाँदिम्।”

मत्ती 21:46

छतसि चमैंइ येशूलाइ क्‍हाल् म्‍हैइ, दिलेया चमैं म्‍हिए हुल म्रोंसि ङ्हिंइ। तलेबिस्याँ म्हिमैंइ “येशू अगमबक्‍ता ग,” बिसि मैंमल।

मर्कूस 6:15

दिलेया कोइइ, “चुम् एलिया बिबै अगमबक्‍ता ग,” बिइ। को-कोइइ “चुम् स्‍योंम्‍बै अगमबक्‍तामैं न्होंर्बै घ्रि धों तब् ग,” बिइ।

लूका 13:33

‘तिंयाँ, प्‍हँना नेरो नोगि या ङ‍ चु जरेन् प्रल् त्हुम्। तलेबिस्याँ यरूशलेम बाहेक अरू क्ल्ह्‍योर अगमबक्‍तामैं सैल् आखाँ।’”

लूका 24:19

“तो ताँ जा?” बिसि येशूजी चमैंने ङ्योएमा चमैंइ बिइ, “नासरतथें येशूए बारेर्बै ताँ खी अगमबक्‍ता मुँल, खीजी परमेश्‍वर नेरो म्हिमैंए उँइँरि शक्‍ति मुँबै के लसि छ्याँबै ताँमैं लोमिंमल।

लूका 7:16

छाबै के म्रोंसि ताँन् म्‍हिमैं बेल्‍ले ङ्हिंयाँइ, धै “परमेश्‍वर बेल्‍ले थेब नेरो छ्याँब् मुँन! ङ्योए म्‍हाँजोर थेबै अगमबक्‍ता युइमुँ! खी ह्रोंसए म्‍हिमैं जोगेमिंबर युइमुँ,” बिइ।

लूका 7:39

छ लब् म्रोंसि येशूलाइ न्हिम्तो लबै फरिसीइ सैं न्हों-न्हों “चु म्‍हि क्‍ह्रोंसेंन्ले अगमबक्‍ता ङिब् ग बिस्‍याँ चुइ खीलाइ छुइबै च्हमिरि खैतबै म्हि जा बिसि सेमल। चु पापि च्हमिरि ग!” बिबर होंइ।

यूहन्‍ना 1:21

चमैंइ चने ङ्योएइ, “छ बिस्‍याँ क्‍हि खाब् जा? क्हि एलिया वा?” यूहन्‍नाइ बिइ, “ङ आङिं।” च्हमा चमैंइ ङ्योएइ, “क्हि च अगमबक्‍ता वा?” चइ बिइ, “ङ आङिं।”

यूहन्‍ना 1:25

यूहन्‍नाने ङ्योएइ, “क्‍हि परमेश्‍वरजी कुल्मिंबै म्रुँ ख्रीष्‍ट या आङिं, एलिया या आङिं, धै अगमबक्‍ता या आङिं, बिस्याँ क्हिइ म्हिमैं तले क्‍युर प्‍ल्हुँसि बप्‍तिस्‍मा पिंरिमुँ?”

यूहन्‍ना 4:19

च च्हमिरिइ खीने बिइ, “अँ, क्‍हि अगमबक्‍ता मुँन बिब ङइ था सेइ।

यूहन्‍ना 6:14

खीजी लबै छाबै औदिबै चिनु म्रोंसि च म्हिमैंइ “ह्‍युलर युल् त्हुबै अगमबक्‍ता क्ह्रोंसेंन चुन् मुँन,” बिइ।

यूहन्‍ना 7:40

येशूजी बिबै ताँ थेसि को-कोइ म्हिमैंइ बिइ, “क्‍ह्रोंसेंन खिम् युल् त्हुबै अगमबक्‍ता मुँन।”

यूहन्‍ना 9:17

“चइ क्हिए मि म्रोंल् लमिंसेरो तारे चए बारेर क्हिइ तो बिम्दि?” बिसि चमैंइ च म्हिने ङ्योएमा चइ बिइ, “खी अगमबक्‍ता ग।”

चेला चिब्मैंए केमैं 7:37

“च मोशाइन इस्राएलीमैंने बिल, ‘परमेश्‍वरजी ङ त्हाँब् धोंले क्हेमैंए आघें-अलिमैं न्होंउँइँले क्हेमैंए ल्हागिर अगमबक्‍ता घ्रि त्हाँब्मुँ।’