मत्ती 20:27 - परमेश्‍वरए ताँ तमु क्युइर

²⁷ क्हेमैंए न्होंरि खाब् थेब तदा ङ्हाँमुँ च क्‍हेमैंए केब्छैं तल् त्‍हुम्।

मत्ती 20:27 ပူးပေါင်းရင်းမြစ်များ

मत्ती 18:4

चु कोलो धोंलेन् च्‍योंब तसि थेब आप्‍हैंबै म्‍हि स्‍वर्गर्बै ग्याल्सर धाँसे थेब तब्मुँ।

मत्ती 20:26

दिलेया क्‍हेमैं न्‍होंर बिस्‍याँ छ तरिब् आरे। क्‍हेमैंए न्होंरि खाब् थेब तदा ङ्हाँमुँ, चइ च्योंब् तसि क्हेमैंए सेवा लल् त्‍हुम्।

मत्ती 20:28

छलेन म्हिए च्ह या अरूमैंउँइँले सेवा योंबर युब आङिं, दिलेया सेवा लबर नेरो ल्‍हें म्‍हिमैंए पापउँइँले फ्रेमिंबर ह्रोंसए ज्यु पिंबर युब् ग।”

लूका 22:26

दिलेया क्‍हेमैं न्‍होंरि छ तल् आत। क्‍हेमैं न्‍होंरि ताँन् भन्दा थेबै म्‍हि ताँन् भन्दा च्‍योंने तल् त्‍हुम्। धै चिबै के लबै म्हिइ अरूमैंए सेवा लल् त्‍हुम्।

रोमी 1:14

तलेबिस्याँ ह्रोंसए ह्रेंर्बै मुँलेया, अरून् ह्रेंर्बै मुँलेया, ह्रब् सेब्मैं मुँलेया, आह्र आसेब्मैं मुँलेया, ताँनने परमेश्‍वरउँइँले खबै सैं तोंबै ताँ ङइ बिलन् त्हुम्।

२ कोरिन्थी 11:5

दिलेया “ङि कुल्मिंबै चेला चिब्मैं ग” बिसि थेब् प्हैंसि पोंब्मैं भन्दा ङ तोइ सैरै या च्योंरि आरे।

२ कोरिन्थी 12:15

क्‍हेमैंए ल्हागिर सैं तोंदै ङने मुँबै ताँन् सै न्होर नेरो ङए ज्यु या पिंब्मुँ। छले ङइ क्‍हेमैंए फिर ल्हें म्हाँया लसेरो क्‍हेमैंइ ङलाइ च्युगुदे म्हाँया लब् वा?

२ कोरिन्थी 4:5

ङिइ ह्रोंसए ताँ आबि, दिलेया येशूए ल्हागिर ङि क्‍हेमैंए केब्छैंमैं धोंन् तसि येशू ख्रीष्‍टन् प्रभु ग बिबै ताँ ङि बिप्रम्।