मत्ती 20:21 - परमेश्‍वरए ताँ तमु क्युइर

²¹ छलमा येशूजी “क्‍हिलाइ तो चैदिइ?” बिसि चने ङ्योएइ। चइ बिइ, “क्‍हिए ग्याल्सर, ङए च्हमैं ङ्हिंर घ्रि क्हिए क्योलोउँइँ अर्को त्हेब्रेउँइँ टिल् योंरिगे।”

मत्ती 20:21 ပူးပေါင်းရင်းမြစ်များ

एस्तर 5:3

झाइले म्रुँइ बिइ, “म्रुँस्यो एस्तर, क्हिलाइ तो चैदिइमुँ? क्हिइ तो ह्रिलैया ङइ पिंस्यो, ङए आधा ग्याल्स ह्रिलेया ङइ क्हि पिंस्यो।”

भजनमैं 110:1

“ङइ क्हिए शत्तुरमैं क्हिए प्हले न्होंर आप्लेन् समा क्हि ङए क्योलोउँइँ टिद्,” बिसि याहवेहजी ङए प्रभुने बिइमुँ।

भजनमैं 45:9

क्हिउँइँले मान योंबै च्हमिरिमैं न्होंर म्रुँमैंए च्हमिमैं या मुँ; क्हिए क्योलोउँइँ ओपीरर्बै माराए घानइ पैरिदिबै म्रुँस्यो राइमुँ।

मत्ती 18:1

च त्हेर्न चेलामैं येशू ङाँर खसि “स्‍वर्गर्बै ग्याल्सर धाँसे थेब खाब् तमुँ?” बिसि खीने ङ्योएइ।

मत्ती 19:28

येशूजी चमैंने बिइ, “क्ह्रोंसेंन ङ क्हेमैंने बिमुँ, तारे खबै जुगरि बेल्‍ले मान योंबै राजगद्दिर म्हिए च्ह टिब्‍मुँ। क्‍हेमैं तोगो ङए लिलि ल्‍हैदिसेरो च त्हेर क्‍हेमैं या निसाफ लबै म्‍हिमैं धोंले ह्रों-ह्रोंसए च्युसे ङ्हिं गद्दिर टिब्‍मुँ। धै इस्राएल ह्रेंर्बै च्युसे ङ्हिं कुलए फिर क्‍हेमैंइ निसाफ लब्‍मुँ।

मत्ती 20:22

दिलेया येशूजी चमैंने बिइ, “क्‍हेमैंइ तो ह्रिरिइमुँ च सै क्‍हेमैंइ था आसे। तारे ङइ नोबि छेबै दुःख क्‍हेमैंइ नोल् खाँम्‍मा?” बिमा चमैंइ “खाँम्,” बिइ।

मत्ती 20:32

छ बिब् थेमा येशू प्ररिबै तोर्न रायाइ धै चमैं हुइसि बिइ, “क्‍हेमैं तो चैदिइ? ङइ क्हेमैंए ल्हागिरि तो लमिंले?”

मर्कूस 10:51

“क्‍हिए ल्हागिर ङइ तो लमिंरिगे ङ्हाँइमुँ?” बिसि येशूजी चने ङ्योएमा च कनइ खीने बिइ, “ओ गुरु, ङए मि म्रोंल् खाँब् तरिगे।”

मर्कूस 16:19

येशू छले चेलामैंने पोंल् खाँबै लिउँइँ परमेश्‍वरजी खीलाइ स्वर्गउँइँ बोयाइ, धै परमेश्‍वरए क्‍योलोउँइँ टिइ।

मर्कूस 6:22

च्हमा हेरोदियासए च्हमि भोज चबै कोठार खसि सेइ। छले सेसि हेरोद नेरो चर मुँबै ताँनए सैं तोंन् लइ। छतमा हेरोदइ चने बिइ, “क्‍हिइ ङने तो ह्रिदा ङ्हाँइमुँ ह्रिद्, तो ह्रिलेया ङइ क्‍हिलाइ पिंस्यो!”

लूका 18:41

“क्हिलाइ तो चैदिइ? ङइ क्हिए ल्हागिरि तो लमिंले?” बिसि ङ्योएइ। चइ येशूने “प्रभु ङए मि म्रोंल् खाँरिगे,” बिइ।

लूका 19:11

येशू यरूशलेम सहर चेंदो फेख‍मा म्‍हिमैंए सैंर “परमेश्‍वरजी ग्याल्स लबै त्‍हे युनन् तबि छेना बिब् मैंसि खीए ताँ थेरिल। छतमा येशूजी चमैंने परमेश्‍वरए ग्याल्सए बारेर्बै ताँ अहानउँइँले बिइ।”

लूका 22:24

च लिउँइँ “ङ्योए न्होंर ताँन् भन्दा थेब खाब् तब् ङ्‍हें?” बिसि चेलामैंए न्‍होंरि हानथाप तबर होंइ।

यूहन्‍ना 15:7

क्‍हेमैं ङने टिइ बिस्याँ, धै ङए ताँ क्हेमैंए सैं न्होंर थेंइ बिस्याँ, क्हेमैंइ तो ह्रिदा ङ्हाँमुँ ह्रिद्, परमेश्‍वरजी क्हेमैंए ल्हागिर पिंब्मुँ।

चेला चिब्मैंए केमैं 1:6

छतसि कुल्मिंबै चेला चिब्मैं खागु तसि, “ओ प्रभु, क्‍हिजी तोगोन् इस्राएलर्बै ग्याल्स धबै बनेमिंम्मा?” बिसि खीने ङ्योएइ।

रोमी 12:10

ह्रोंसए तेमैंने धोंले घ्रिइ घ्रिने क्‍ह्रोंसेंन्‍बै म्हाँया लदु। अरूलाइ सैं न्होंउँइँले ओंनों मान लद्।

रोमी 8:34

ख्रीष्‍ट येशून् चमैंए ल्हागिर सजैं नोसि सिमिंइ, दिलेया सिबइले परमेश्‍वरजी खीलाइ धबै सोगों लमिंइ। धै तिंजोरो ख्रीष्‍ट परमेश्‍वरए क्‍योलोउँइँ टिसि ङ्योए ल्हागिर परमेश्‍वरने यो छ्युँ लमिंसिन् मुँ। छतमा ङ्योलाइ खाबइ सजैं पिंल् खाँम्?

कलस्सी 3:1

क्‍हेमैं ख्रीष्‍टने बालुन् सोगों तसि रेइमुँ! छतसि स्‍वर्गर्बै सैमैं म्हैद्। स्‍वर्गर परमेश्‍वरए क्‍योलोउँइँ ख्रीष्‍ट येशू टिइमुँ।