मत्ती 20:20 - परमेश्‍वरए ताँ तमु क्युइर

²⁰ च लिउँइँ जब्‍दियाए प्ह्रेंस्योइ ह्रोंसए च्‍ह ङ्हिं येशू ङाँर बोसि खीए उँइँर च्हि तुँसि यो छ्युँ लइ।

मत्ती 20:20 ပူးပေါင်းရင်းမြစ်များ

मत्ती 10:2

च्युसे ङ्हिं कुल्मिंबै चेला चिब्मैंए मिं चुमैंन् ग: ओंसों पत्रुस बिबै सिमोन, चए अलि अन्‍द्रियास, जब्दियाए च्ह याकूब नेरो चए अलि यूहन्‍ना,

मत्ती 14:33

धै चेलामैंइ खीलाइ फ्योसि “क्‍ह्रोंसेंन क्‍हि परमेश्‍वरए च्‍हन् मुँन,” बिइ।

मत्ती 15:25

दिलेया च च्हमिरि खसि खीए ओंसों पत्खु तसि “ओ प्रभु, ङलाइ ल्होमिंन्,” बिइ।

मत्ती 2:11

झाइले चमैं च धिं न्‍होंर होंमा कोलो खीए आमा मरियमए क्‍वेंदर म्रोंइ। धै पत्खु तसि खीलाइ फ्योसि ह्रोंसए नेंदो फैसि मारा, छ्याँबै थाँ खबै धुप नेरो मूर्र बिबै लिंबै थाँ खबै छ्युगु भेटिमैं पिंइ।

मत्ती 27:56

चमैं न्‍होंरि मग्दालाथेंस्यो मरियम, याकूब नेरो योसेफए आमा मरियम, धै जब्दियाए च्हमैंए आमा मुँल।

मत्ती 28:17

चमैंइ चर खीलाइ म्रोंसि सैं तोंसि फ्‍योइ, दिलेया कोइ चेलामैंइ बिस्याँ संका लइ।

मत्ती 4:21

येशू छाइले ह्‍यारिमा अर्को त्येमैं ङ्हिं, जब्दियाए च्‍हमैं याकूब नेरो यूहन्‍ना खेंमैंए आबाने डुँङ्गार क्हुँसि ह्रोंसए जाल टुरिब म्रोंसि खीजी चमैं या हुइ।

मत्ती 8:2

च त्हेर कोर खबै म्हि घ्रि येशू ङाँर खसि खीए ओंसों च्हि तुँसि बिइ, “ओ प्रभु, क्हिजी ङ सल् लमिंबै सैं मुँस्‍याँ ङ सल् लमिंल् खाँम्।”

मर्कूस 15:40

चर च्हमिरिमैं या ह्रेंगोउँइँले ङ्‌ह्‍योरिल। चमैंए म्‍हाँजोरि मरियम बिबै मग्‍दालाथेंस्‍यो, च्‍योंब याकूब, योसेफए आमा मरियम नेरो सलोमि बिबै च्हमिरि मुँल।