मत्ती 20:19 - परमेश्‍वरए ताँ तमु क्युइर

¹⁹ झाइले खीलाइ बिल्‍लि लसि कोर्राइ प्रुसि क्रूसर च्योवाद् बिसि चमैंइ अरू ह्रेंमैंए योर पिंवाब्‍मुँ, दिलेया सोंरोंर खी धबै सोगों तसि खब्‍मुँ।”

मत्ती 20:19 ပူးပေါင်းရင်းမြစ်များ

भजनमैं 35:16

आछ्याँब खों मुँब्मैंइ भत्यारर बिरोध लसि प्ह्रब् धोंले चमैं ङए फिर ह्रिस खसि स ह्रादै पोंइ।

मत्ती 12:40

तलेबिस्याँ खैले योना थेबै ताँगए फो न्‍होंर सोंरो समा टिइ, छलेन म्हिए च्ह या सोंरो समा स न्होंर टिब्‍मुँ।

मत्ती 16:21

च त्हे ओंनोंन् खीजी ह्रोंसए चेलामैंने ह्रोंसइ नोल् त्हुबै दुःखए बारेर बिबर होंइ। “ङ यरूशलेम ह्‍याल् त्हुम्, धै चिबनाँब्मैं, ख्रो पिंबै खेगि चिब्मैं नेरो शास्‍त्रिमैंउँइँले ल्हें दुःख योसि सिल् त्हुम्। दिलेया सोंरोंर ङ सोगों तसि खब्मुँ।”

मत्ती 17:23

चमैंइ खीलाइ सैवाब्‍मुँ, दिलेया सोंरोंर खी धबै सोगों तसि खब्‍मुँ।” छाबै ताँ थेमा चेलामैं बेल्‍ले न्हुँ लइ।

मत्ती 27:26

छतसि पिलातसइ चमैंइ बिब् धोंलेन् बारब्‍बा पिमिंइ, येशूलाइ बिस्याँ कोराइ प्रुसि क्रूसर च्‍योवाबर सिपाइमैंए योर पिंवाइ।

मत्ती 27:63

चमैंइ पिलातसने बिइ, “ओ चिब, च स्योर्गुइ सोगों मुँमा ‘ङ सियालेया सोंरोंर धबै सोगों तसि खब्मुँ’ बिल। चइ बिबै ताँ ङिइ चिरिइमुँ।

मर्कूस 14:65

छबिमा को-कोइ खीलाइ थुइसि खीए मि हुवासि प्रिंदै बिइ, “ल्हु, बिद्, खाबइ क्‍हिलाइ प्रिंइ?” लिउँइँ चर्बै सिपाइमैंइ येशूलाइ क्हाबोसि खीलाइ बेल्‍ले प्रिंइ।

मर्कूस 15:1

झाइले न्‍हाँगर मि म्रोंबै तोदोंन् ख्रो पिंबै खेगि चिब्मैं, चिबनाँब्मैं, शास्‍त्रिमैं नेरो थेबै म्हि च्होंर खागु तबै म्हिमैंइ सल्‍ला लसि येशूलाइ फैसि पिलातस बिबै रोमी क्रथे ङाँर बोयाइ।

मर्कूस 15:15

छतमा पिलातसइ च म्हिमैंए सैं तोंन् लबर बरब्‍बालाइ पिमिंइ, येशूलाइ बिस्याँ कोर्राइ प्रुल् पिंसि क्रूसर च्योवाबर पिंवाइ।

लूका 18:32

चमैंइ प्‍ह्रिब् धोंले म्हिमैंइ म्हिए च्ह अरू ह्रेंमैंए योर पिंवाब्‍मुँ। चमैंइ खीए बिल्‍लि लसि थुइब्मुँ धै खीए आब्रु वाब्मुँ।

लूका 23:11

च लिउँइँ हेरोद नेरो चए सिपाइमैंइ येशूए आब्रु वासि बेल्‍ले बिल्‍लि लइ। च लिउँइँ म्रुँइ खिब् धों तबै क्‍वें येशूलाइ खिमिंसि पिलातस ङाँर एमिंइ।

लूका 24:46

येशूजी चमैंने बिइ, “‘परमेश्‍वरजी कुल्मिंबै म्रुँ ख्रीष्‍टजी दुःख नोल् त्‍हुम्, धै सिसि सोंरोर धबै सोगों तसि रेल् त्‍हुम्,’ बिसि परमेश्‍वरए छ्वेर प्‍ह्रिइमुँ।

चेला चिब्मैंए केमैं 2:23

दिलेया परमेश्‍वरजी ओंसोंन् चाँजो लसि येशूलाइ क्‍हेमैंए योर पिंवाँइ। धै दुष्‍ट म्हिमैंउँइँले क्हेमैंइ येशू क्रूसर च्योवासि सैवाइ।

चेला चिब्मैंए केमैं 21:11

चइ पावलए फगि किंसि ह्रोंसए यो प्हले फैसि बिइ, “‘चु फगिए क्ल्हे यरूशलेमर ह्‍याइ बिस्याँ चर्बै यहूदीमैंइ चलाइ छलेना फैसि अरू ह्रेंमैंए योर पिंवाब्मुँ,’ बिसि पबित्र प्ल्हजी बिइमुँ।”

चेला चिब्मैंए केमैं 4:27

क्ह्रोंसेंन हेरोद म्रुँ, पन्तियस पिलातस, अरू ह्रेंमैं नेरो इस्राएलीमैं या चु सहरर्न क्हिजी त्हाँबै सेवा लबै पबित्र येशूए बिरोधर खागु तल।