मत्ती 20:14 - परमेश्‍वरए ताँ तमु क्युइर

¹⁴ क्‍हिए नों सै किंसि ह्‍याद्। चु क्‍हैल्‍ले खब्‍मैंलाज्यै या क्‍हिलाइ पिंब् धों प्रेन् नों सै ङइ पिंम्।

मत्ती 20:14 ပူးပေါင်းရင်းမြစ်များ

मत्ती 20:13

“दिलेया च क्‍ल्‍हेइ चमैं न्‍होंर्बै म्‍हि घ्रिने बिइ, ‘ओ थु, ङइ क्‍हिए फिर तोइ अनिया आलइमुँ। क्‍हिइ ङने तिंगेंर्बै नों सैर के लम् बिसि बिब् आङिं वा?

मत्ती 20:15

ङए मुइ ङइ तो लदा ङ्हाँमुँ च लल् आयों रो वा? ङइ ल्हयो खब् म्रोंसि क्‍हिए मि तले छब?’

मत्ती 6:16

“झाइले क्‍हेमैं बर्त टिमा फिब्लो पार्दिब्मैंइ धोंले लि छुले आटिद्। तलेबिस्याँ म्हिमैंने ‘बर्त टिइमुँ’ बिसि उँइँबर चमैंइ लि छु लम्। क्ह्रोंसेंन ङ क्हेमैंने बिमुँ चमैंइ योंल् त्हुबै इनाम योंल् खाँइमुँ।

मत्ती 6:2

“छतसि क्‍हेमैंइ दान पिंमा च्हों धिंजरे नेरो घ्‍याँजरे ‘ङइ छ लइ छु लइ’ बिदै आप्रद्। छलेम् फिब्लो पार्दिब्मैंइ खेंमैंइ लबै छ्याँबै केमैं म्‍हिमैंइ म्रोंरिगे बिसि छ्याँब् प्हैंदा ङ्हाँब्मैंइ घ्याँजरे उँइँ प्रम्। ङ क्ह्रोंसेंन क्हेमैंने बिमुँ चमैंइ योंल् त्हुबै इनाम योंल् खाँइमुँ।

मत्ती 6:6

छतसि क्‍हेमैंइ प्राथना लमा ह्रोंसए कोठा न्‍होंर होंनु, धै म्रा तोरसि आम्रोंल्‍ले मुँबै परमेश्‍वर आबाने प्राथना लद्। आम्रोंल्‍ले लबै केमैं म्रोंबै परमेश्‍वर आबाजी क्‍हेमैंलाइ इनाम पिंब्‍मुँ।

लूका 15:31

“छबिमा आबाइ चने बिइ, ‘ठागु, क्‍हिम् खोंयोंन् बिलै ङने बालुन् मुँ। ङने मुँबै सै न्होर ताँन् क्‍हिलन् ग।

लूका 16:25

“दिलेया अब्राहामइ बिइ, ‘बाबु, क्‍हिइ मैंन्। क्‍हिए छ्हर छ्याँ-छ्याँबै सैमैं योंसि क्हिइ सुखले छ्ह थोइ। दिलेया लाजरसइ दुःखै दुःखर्न छ्ह थोइ। दुःख योंलेया चइ परमेश्‍वर मैंइ, क्हिइ बिस्याँ परमेश्‍वर खोंयोंइ आमैं, ङम् ङन् ग बिसि टिइ। छतसि तोगो लाजरसइ चुर सुख योंइमुँ, क्‍हिइ बिस्याँ चर दुःख योंइमुँ।

यूहन्‍ना 17:2

खीने पिंबै ताँन् म्हिमैंलाइ खीजी खोंयोंइ आखाँबै छ्ह पिंरिगे बिसि क्‍हिजी खीलाइ ताँन् म्हिमैंए फिर हग पिंइँमुँ।

रोमी 3:19

ठिमर्बै ताँ ठिम म्हाँदिब्मैंए ल्हागिर्न बिब ङिइ सेइमुँ। छतमा ताँन् ह्‍युलर्बै म्‍हिमैं परमेश्‍वरए उँइँर निसाफर रामा खाबज्‍यै या तोइ पोंबै घ्‍याँ आरे।

रोमी 3:4

ताँन् म्‍हिमैं स्‍योर्गु मुँलेया परमेश्‍वर क्ह्रोंसेंन्बै मुँ, खीजी स्योर आते। “क्‍हिजी क्ह्रोंसेंन्बै ताँ पोंमुँ, निसाफ तबै त्हेर क्‍हि ट्होगों तब्‍मुँ,” बिसि परमेश्‍वरए छ्वेर प्ह्रिइमुँ।