मत्ती 2:7 - परमेश्‍वरए ताँ तमु क्युइर

⁷ च्हमा हेरोद म्रुँइ च स्यारउँइँले खबै ङ्‌ह्‍योब् लिब्मैं खाबज्यै आसेल्‍ले हुइसि मुसारा खोंयों म्रोंल बिसि चमैंउँइँले था सेइ।

मत्ती 2:7 ပူးပေါင်းရင်းမြစ်များ

भजनमैं 55:21

चइ सुँइ लिरिक्‍क लमल, दिलेया चए सैं आछ्याँब मुँल; चइ ङ्याँ ह्‍याल्‍ले आथेलै थेथे ङ्हाँन्ले ताँ पोंमल, छले स्युट्‍टले पोंसि सेलाँइ धोंले चइ न्होह्रों लमल।

प्रस्थान 1:10

चमैं ल्हें ततै ह्‍याब्मुँ, धै खनिज्यै प्होंब-नेब तस्याँ चमैं ङ्योए शत्तुरमैंने क्ह्रिसि ङ्योए बिरोधर प्होंब-नेब लब्मुँ धै चु ह्‍युल पिसि ह्‍याब्मुँ। छतसि तारे ङ्योइ च्हैंसि मैंसि चमैंने बालु के लल् त्हुम्।”

मत्ती 2:1

यहूदीया ह्‍युलर्बै बेथलेहेम बिबै नाँसर हेरोद बिबै म्रुँए पलोरि येशू फिल। येशू फिबै लिउँइँ स्यारर्बै ङ्‌ह्‍योब् लिब्मैं यरूशलेमर फेखइ।

मत्ती 2:16

ङ्‌ह्‍योब् लिब्मैंइ खीने स्योर तेना बिब् सेसि हेरोद बेल्‍ले ह्रिस खइ। चइ मुसारा म्रोंबै त्हे च ङ्‌ह्‍योब् लिब्मैंने ङ्योएसि ओंसोंन् था सेल् खाँल। छतमा चमैंइ बिबै त्हे मैंसि हेरोदइ बेथलेहेम नेरो च खागुबै नाँसजरेबै ङ्हिंदि न्होंर्बै मुँयुँ कोलोमैं ताँन् सैबर ल्‍हैदिइ।

मत्ती 2:8

झाइले चमैंने बिइ, “क्‍हेमैं बेथलेहेम नाँसर ह्‍यासि च कोलो छेन्‍ले म्‍हैद्, धै योंबै लिउँइँ कोलो खनिर मुँ बिसि ङने या बिद्। ङै या खीलाइ फ्योबर ह्‍याम्।”

चेला चिब्मैंए केमैं 24:22

दिलेया फेलिक्सइ मुक्‍ति योंबै घ्याँए बारेर छेनाले था सेल। छतसि चु ताँमैं थेबै लिउँइँ बिइ, “पल्टनर्बै चिब लुसियस चुर युबै लिउँइँ ङइ क्हेमैंए मुद्दा फैसला लमिंस्यो।”

दर्शन 12:15

झाइले च च्हमिरिलाइ नोबोरिगे बिसि च अजिङ्गरइ ह्रोंसए सुँउँइँले थेबै स्‍यों तेइ।