मत्ती 2:6 - परमेश्‍वरए ताँ तमु क्युइर

⁶ ‘ओ यहूदा ह्‍युलर्बै बेथलेहेम नाँस, क्हि तो सैरै या यहूदार्बै सहरमैं भन्दा च्‍योंब आरे। तलेबिस्याँ क्हिउँइँलेन् चिब घ्रि त्‍होंब्‍मुँ। खीजीन् ङए म्‍हिमैं अथवा इस्राएलीमैंए छैं लब्‍मुँ।’”

मत्ती 2:6 ပူးပေါင်းရင်းမြစ်များ

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

मत्ती 2:1

यहूदीया ह्‍युलर्बै बेथलेहेम बिबै नाँसर हेरोद बिबै म्रुँए पलोरि येशू फिल। येशू फिबै लिउँइँ स्यारर्बै ङ्‌ह्‍योब् लिब्मैं यरूशलेमर फेखइ।

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

यूहन्‍ना 21:16

येशूजी ङ्हिखेबै लारै या चने “ओ यूहन्‍नाए च्ह सिमोन, क्हिइ ङने म्हाँया लम्मा?” बिसि ङ्योएमा चइ खीने बिइ, “अँ प्रभु, ङइ क्हिलाइ म्हाँया लम् बिसि क्हिजी सेइमुँ।” खीजी चने बिइ, “छ बिस्याँ ङए क्युमैं छेनाले छैं लद्।”

यूहन्‍ना 7:42

“म्रुँ ख्रीष्‍ट दाऊदए कुलकर्बै तब्‍मुँ, धै दाऊद नाँस बेथलेहेमउँइँलेन् खब्मुँ। बिसि परमेश्‍वरए छ्वेर आप्ह्रिइमुँ वा?”

एफिसी 1:22

परमेश्‍वरजी तोन्दोंरि सै ख्रीष्‍टए प्‍हले न्‍होंर थेंमिंइ। ङ्यो बिश्‍वास लब्मैंए ल्हागिर परमेश्‍वरजी ख्रीष्‍टलाइ तोन्दोंरि सैए फिर क्ल्हे लमिंइ।

कलस्सी 1:18

खीए फिर बिश्‍वास लब्मैं खीए ज्यु ग, चमैंए क्र खीन् ग। खीजी चमैंलाइ सोल् लमिंमुँ। ख्रीष्‍ट ताँन् सै भन्दा थेब तरिगे बिसि परमेश्‍वरजी ताँन् भन्दा ओंसों ख्रीष्‍टलाइ सोगों लमिंइ।

हिब्रू 7:14

येशू यहूदाए कुलउँइँले फिब् ग बिसि ताँनइ सेइमुँ, धै यहूदाए कुलउँइँले ख्रो पिंबै खेगि त्हाँबै बारेर मोशाइ तोइ या आबिइमुँ।

दर्शन 11:15

झाइले धाँसे लिउँबै स्‍वर्गदूतइ थुतुरु ह्रामा स्‍वर्गउँइँले थेबै कैमैंइ “ङ्योए याहवेह परमेश्‍वर नेरो खीजी कुल्मिंबै म्रुँ ख्रीष्‍टजी पृथ्‍बीर्बै ग्याल्स लबै हग योंइमुँ। खीजी खोंयोंन् बिलै ग्याल्स लरिब्‍मुँ,” बिरिल।

दर्शन 2:27

ङइ ङए आबाउँइँले थेबै हग योंब् धोंले चमैंलासे या ङइ थेबै हग पिंब्‍मुँ। पैए प्हरेइ सए भाँडो फदिवाब् धोंले चमैंइ ह्रें-ह्रेंमैंए फिर ग्याल्स लब्‍मुँ।

दर्शन 7:17

तलेबिस्याँ राजगद्दिए म्‍हाँजोर मुँबै क्‍यु च्हजजीन् चमैंए प्‍ह्रोंछैं तसि रक्षा लब्मुँ, धै खोंयोंइ आखाँबै छ्ह योंबै क्‍युए मूलर खीजी चमैंलाइ डोरेसि बोमिंब्‍मुँ। धै परमेश्‍वरजी चमैंए मिर्बै मिग्लि फ्‍योमिंब्‍मुँ।”