मत्ती 2:18 - परमेश्‍वरए ताँ तमु क्युइर

¹⁸ “रामा नाँसर क्रोब्-म्‍होब् तसि दुःखए कै म्‍हिमैंइ थेइ। स्‍योंम्‍बै राहेलए खलकर्बै आमामैं ह्रोंसए कोलोमैंए ल्हागिर क्रोसेन् मुँ। चमैंए सैं खैलसे क्‍होल् आङिं। तलेबिस्याँ चमैंए कोलोमैं ताँन् सियाल।”

मत्ती 2:18 ပူးပေါင်းရင်းမြစ်များ

उत्पत्ति 37:30

झाइले अलिमैं ङाँर ह्‍यासि बिइ, “च फ्रेंसिम् चर आरेन! तारे ङ खनिर ह्‍याब?”

उत्पत्ति 42:36

चमैंए आबा याकूबइ चमैंने बिइ, “क्हेमैंइ ङए च्हमैं ङ ङाँइले प्हेंसि ङ बेल्‍ले न्हुँ खन् लइमुँ। योसेफ आरे, शिमियोन चर वाथेंइ तारे बेन्यामीन या बोल् म्हैइमुँ। छले ताँन् दुःखमैं ङए फिर्न तखइमुँ!”

मत्ती 2:17

छले यर्मिया अगमबक्‍ताइ बिबै ताँ पूरा तइ। चइ स्‍योंमन् छले प्‍ह्रिथेंल:

लूका 8:52

चर ताँन् म्‍हिमैं क्रोरिल। झाइले येशूजी चमैंने “आक्रोद्, कोलो आसिइमुँ, न्‍हरु च्‍हुइरिब् ग,” बिइ।

दर्शन 8:13

च लिउँइँ ङइ धबै ङ्ह्‍योमा “तारेबै स्‍वर्गदूत सोंइ ह्राबै थुतुरुए कै थेबै लिउँइँ पृथ्‍बीर्बै म्‍हिमैंए फिर बेल्‍ले थेबै दुःख तब्मुँ,” बिसि प्‍हुररिबै क्व्रे घ्रिइ बिरिब ङइ थेइ।