मत्ती 2:1 - परमेश्‍वरए ताँ तमु क्युइर

¹ यहूदीया ह्‍युलर्बै बेथलेहेम बिबै नाँसर हेरोद बिबै म्रुँए पलोरि येशू फिल। येशू फिबै लिउँइँ स्यारर्बै ङ्‌ह्‍योब् लिब्मैं यरूशलेमर फेखइ।

मत्ती 2:1 ပူးပေါင်းရင်းမြစ်များ

उत्पत्ति 10:30

चमैं टिबै क्ल्ह्‍यो मेशाउँइँले स्यारउँइँबै (पुर्बाउँइबै) सपारा ह्‍याबै घ्याँ समा मुँल।

उत्पत्ति 25:6

च सोगों मुँमन् चइ पखबै प्ह्रेंस्योए च्हमैंलाइ चइ पिंदा ङ्हाँबै सैमैं पिसि ह्रोंसए च्ह इसहाकउँइँले फ्रेवासि चमैं स्यारउँइँ कुल्मिंइ।

उत्पत्ति 41:8

न्हाँगर चए सैंर बेल्‍ले न्हुँ तसि चइ मिश्र ह्‍युलर्बै ताँन् जादु लब्मैं नेरो ह्रब-सेब्मैं हुइसि चमैंने चइ म्रोंबै म्होंडमैं सेइ। दिलेया फारोए म्होंडए अर्थ बिमिंब चर खाबै आत्हों।

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

मत्ती 1:25

दिलेया मरियमइ प्हसे आफिन् समा योसेफ ह्रोंसए प्‍ह्रेंस्‍यो मरियमने बालु आरो। झाइले च्‍ह फिबै लिउँइँ योसेफइ च्हए मिं “येशू” थेंइ।

मत्ती 2:16

ङ्‌ह्‍योब् लिब्मैंइ खीने स्योर तेना बिब् सेसि हेरोद बेल्‍ले ह्रिस खइ। चइ मुसारा म्रोंबै त्हे च ङ्‌ह्‍योब् लिब्मैंने ङ्योएसि ओंसोंन् था सेल् खाँल। छतमा चमैंइ बिबै त्हे मैंसि हेरोदइ बेथलेहेम नेरो च खागुबै नाँसजरेबै ङ्हिंदि न्होंर्बै मुँयुँ कोलोमैं ताँन् सैबर ल्‍हैदिइ।

मत्ती 2:19

हेरोद म्रुँ सियाबै लिउँइँ याहवेहए स्‍वर्गदूत घ्रि मिश्र ह्‍युलरि योसेफए म्‍होंडर धबै बिइ।

मत्ती 2:3

चु ताँ थेसि हेरोद म्रुँ बेल्‍ले आतिदिइ धै यरूशलेमथेंमैं या ताँन् आतिदिइ।

मत्ती 2:5

चमैंइ बिइ, “यहूदीया ह्‍युलर्बै बेथलेहेम नाँसर, तलेबिस्याँ अगमबक्‍ताइ ओंसोंन् छले प्‍ह्रिइमुँ:

मत्ती 2:7

च्हमा हेरोद म्रुँइ च स्यारउँइँले खबै ङ्‌ह्‍योब् लिब्मैं खाबज्यै आसेल्‍ले हुइसि मुसारा खोंयों म्रोंल बिसि चमैंउँइँले था सेइ।

लूका 1:5

यहूदीया ह्‍युलर्बै हेरोद म्रुँए पलोर चु केमैं तखइ। यहूदीमैंए म्हाँजोर जकरिया बिबै ख्रो पिंबै खेगि घ्रि मुँल। च स्‍योंम्‍बै अबिया बिबै ख्रो पिंबै खेगिए खलकर्बै म्‍हि मुँल। चए प्ह्रेंस्योए मिं इलिशिबा मुँल। इलिशिबाए आबा या ख्रो पिंबै खेगि मुँल।

लूका 2:11

तिंयाँ बेथलेहेम बिबै दाऊदए नाँसर क्‍हेमैंए ल्हागिर मुक्‍ति पिंबै म्‍हि फिइमुँ। खीन परमेश्‍वरजी कुल्‍मिंबै प्रभु ख्रीष्‍ट ग।

लूका 2:15

छले परमेश्‍वरए मिं क्वेसि स्वर्गदूतमैं स्‍वर्गउँइँ एह्‍याबै लिउँइँ। प्‍ह्रोंछैंमैंइ खेंमैंए न्होंर ताँ लइ, “तारे परमेश्‍वरजी ङ्योलाइ बिब् धोंलेन् बेथलेहेम नाँसर ह्‍याले धै चर तबै ताँमैं ङ्‍ह्‍योले।”

यूहन्‍ना 7:42

“म्रुँ ख्रीष्‍ट दाऊदए कुलकर्बै तब्‍मुँ, धै दाऊद नाँस बेथलेहेमउँइँलेन् खब्मुँ। बिसि परमेश्‍वरए छ्वेर आप्ह्रिइमुँ वा?”