मत्ती 19:9 - परमेश्‍वरए ताँ तमु क्युइर

⁹ ङ क्हेमैने बिमुँ, खाबइ ब्यभिचारए कारण बाहेक् ह्रोंसए प्‍ह्रेंस्‍यो वासि अर्को ब्ह्‍या लमुँ, चइ ब्यभिचार लमुँ। धै खाबइ आगुइ वाबै प्ह्रेंस्योने ब्ह्‍या लमुँ चज्यै या ब्यभिचार लमुँ।”

मत्ती 19:9 ပူးပေါင်းရင်းမြစ်များ

उत्पत्ति 20:3

दिलेया म्हुँइँसर परमेश्‍वर अबीमेलेक ङाँर म्होंडर युसि बिइ, “थेद्, च च्हमिरि आगुए प्ह्रेंस्यो ग! छतसि क्हिइ चलाइ पखस्याँ क्हि सियाब्मुँ।”

मत्ती 19:10

छबिमा चेलामैंइ खीने बिइ, “प्युँ नेरो प्ह्रेंस्योए म्हाँजोरि छान् तम् बिस्याँ ब्ह्‍या आलबन् छ्याँब तमना।”

मत्ती 19:8

खीजी चमैंने बिइ, “क्‍हेमैंए सैं सारो तबइले मोशाइ प्ह्रेंस्यो वालेन् तम् बिसि क्हेमैंने बिब् ग। दिलेया परमेश्‍वरजी म्‍हि बनेबै त्हे ओंनों छाबै छ्या आरेल।

मत्ती 5:32

दिलेया ङइ क्‍हेमैंने तो बिम् बिस्‍याँ खाबइ ह्रोंसए प्‍ह्रेंस्‍यो अरू म्‍हिने फ्रें आक्ल्‍‍योंलेया च प्‍ह्रेंस्‍यो पार लम् बिस्याँ च प्‍ह्रेंस्‍योइ धबै ब्ह्‍‍या लमा च म्हिइ ह्रोंसए प्‍ह्रेंस्‍यो ब्यभिचार लल् पिंम्। धै च वाबै प्ह्रेंस्योने ब्ह्‍या लबै मुयुँज्यै या ब्यभिचार लम्।

लूका 16:18

“छतसि ह्रोंसए प्ह्रेंस्यो वासि अर्कोने ब्ह्‍या लबै म्हिइ ब्यभिचार लम्। छलेन पार लबै च्हमिरिने ब्ह्‍या लबै मुँयुँज्यैया ब्यभिचार लम्।”

१ कोरिन्थी 5:1

क्‍हेमैं न्‍होंरि ब्यभिचार तइमुँ रो, चु छाबै आछ्याँबै के बिश्‍वास आलब्‍मैं न्होंरै या आत। तलेबिस्याँ क्‍हेमैं न्‍होंर्बै म्‍हि घ्रि ह्रोंसए आम्‍ज्‍यों आमान् किंसि टिइमुँ रो बिबै ताँ ङइ थेइमुँ।

१ कोरिन्थी 7:39

ह्रोंसए प्युँ आसिन् समा च्हमिरि ह्रोंसए प्‍युँनेन् टिल् त्हुम्। दिलेया प्युँ सियाबै लिउँइँ धबै च म्हरेस्योइ ब्ह्‍या लदा ङ्हाँस्याँ चइ ब्ह्‍या ललेया तम्। दिलेया चु ब्ह्‍या प्रभु येशूए फिर बिश्‍वास लबै म्‍हिनेन् तल् त्हुम्।

१ कोरिन्थी 7:4

प्ह्रेंस्योए ज्यु ह्रोंसल् आङिं, चए ज्यु प्युँल् तम्। छलेन प्युँए ज्यु या ह्रोंसल् आङिं, चए प्ह्रेंस्योल् तम्।