मत्ती 19:5 - परमेश्‍वरए ताँ तमु क्युइर

⁵ छतसि ‘म्हिइ ह्रोंसए आबा आमा पिसि ह्रोंसए प्‍ह्रेंस्‍योनेन् क्ह्रिसि चमैं ङ्हिंए ज्यु घ्रिन् तब्‍मुँ।’

मत्ती 19:5 ပူးပေါင်းရင်းမြစ်များ

उत्पत्ति 34:3

शकेमइ दीनालाइ खोमल। छतसि चइ दिनाने म्हाँया लसि छ्याँ-छ्याँबै ताँमैं लइ।

भजनमैं 45:10

ओ च्हमि छेनाले थेद्, क्हिए म्हिमैं नेरो क्हिए आबाए धिं म्‍लेवाद्।

भजनमैं 63:8

ङए सो क्हिए कुगु न्होंर टिरिम्; क्हिए क्योलो योजी ङ ख्वेसि जोगेमिंम्।

मत्ती 19:6

तारे चमैं ङ्हिं आङिं, चमैं ज्यु घ्रिन् तब्मुँ। छतसि परमेश्‍वरजी त्हुँमिंब्मैं म्‍हिमैंइ फ्रेवाल् आत।”

रोमी 12:9

क्हेमैंइ फिब्लो पार्दिबै म्हाँया आलद्, क्‍ह्रोंसेंन्‍लेन् सैं न्होंउँइँलेन् म्हाँया लद्। आछ्याँबै केमैं पिवासि छ्याँबै केमैं लरिद्।

१ कोरिन्थी 6:16

फ्यालुस्योने प्रबै म्हि ज्युरै या चनेन् क्ह्रिम् बिब क्‍हेमैंइ आसे वा? तलेबिस्याँ “चमैं ङ्हिं ज्यु घ्रिन् तब्‍मुँ।” बिसि परमेश्‍वरए छ्वेर बिइमुँ।

१ कोरिन्थी 7:2

दिलेया [ङइ छ बिम्:] च्‍हौ ल्हें ब्यभिचार तबइले ताँन् मुँयुँमैंल ह्रों-ह्रोंसल्न प्ह्रेंस्यो मुँल् त्‍हुम्, छलेन ताँन् च्हमिरिमैंलै या ह्रों-ह्रोंसल्न प्युँ मुल् त्‍हुम्।

१ कोरिन्थी 7:4

प्ह्रेंस्योए ज्यु ह्रोंसल् आङिं, चए ज्यु प्युँल् तम्। छलेन प्युँए ज्यु या ह्रोंसल् आङिं, चए प्ह्रेंस्योल् तम्।

एफिसी 5:31

परमेश्‍वरए छ्वेर छले प्ह्रिइमुँ: “मुँयुँइ ह्रोंसए आबा-आमा पिसि ह्रोंसए प्‍ह्रेंस्‍योने क्ह्रिसि टिब्मुँ, धै चमैं ङ्हिं घ्रिन् तब्‍मुँ।”