मत्ती 19:4 - परमेश्‍वरए ताँ तमु क्युइर

⁴ येशूजी बिइ, “क्‍हेमैंइ परमेश्‍वए छ्वे आखेइमुँ वा? म्‍हि बनेब् ओंनोंन् परमेश्‍वरजी मुँयुँ नेरो च्हमिरि लमिंइ।

मत्ती 19:4 ပူးပေါင်းရင်းမြစ်များ

उत्पत्ति 1:27

छतसि परमेश्‍वरजी म्हिलाइ ह्रोंस् धोंन् तब बनेइ, खीजी चमैं ह्रोंस धोंन् ब्योंब बनेइ। छले मुँयुँ नेरो च्हमिरि ङ्हिंना-ङ्हिंन् खीजी बनेइ।

उत्पत्ति 2:18

याहवेह परमेश्‍वरजी बिइ, “म्हि घ्रिन् टिब छ्याँब आरे। छतसि ङइ चए ल्हागिर चने ङ्‍हेंब चलाइ ल्होब थु घ्रि बनेब्मुँ।”

उत्पत्ति 2:23

च च्हमिरि म्रोंसि म्हिइ बिइ, “चुम् ङए ह्रुइबए ह्रुइब, नेरो ङए सेए सेन् ग! चुने च्हमिरि बिब्मुँ, तलेबिस्याँ चु मुँयुँउँइँले ट्हुइब् ग।”

उत्पत्ति 5:2

खीजी चमैंलाइ बनेसि आशिक पिंसि “म्हि” बिबै मिं थेंइ। आदम बिबै ओंसोंबै म्हिए प्हसेमैंए ताँ चुर प्ह्रिथेंइमुँ।

मत्ती 12:3

दिलेया खीजी चमैंने बिइ, “क्‍हेमैंइ परमेश्‍वरए छ्वे खोंयोंइ आखेइमुँ वा? ङ्योए खे दाऊद म्रुँ नेरो खीने मुँब्मैं फो ख्रेंमा खै लल?

मत्ती 21:42

येशूजी चमैंने बिइ, “परमेश्‍वरए छ्वेर प्‍ह्रिबै चु ताँ क्‍हेमैंइ आखेइमुँ वा? ‘धिं लब्‍मैंइ केर आफे बिसि भ्योंवाबै युँमान् धाँसे तेंर्बै क्र युँमा तइमुँ। चु परमेश्‍वरउँइँले तब् ग। ङ्योए उँइँर चु के आचम्‍मबै मुँ।’

मत्ती 21:6

चेलामैं ह्‍यासि येशूजी बिब् धोंन् लइ।

मत्ती 22:31

सिबै म्हिमैं धबै सोगों तबै बारेर परमेश्‍वरजी क्‍हेमैंने तो बिइमुँ, च क्‍हेमैंइ आखेइमुँ वा?

मर्कूस 12:10

क्‍हेमैंइ परमेश्‍वरए छ्वेर चु ताँ आखेइमुँ वा? ‘धिंए गारा झोंबै म्‍हिमैंइ केर आफे बिबै युँमान्, जगर्बै युँमा तइ।

मर्कूस 12:26

अर्को ताँ, सियाबै म्हिमैं धबै सोगों तबै बारेर क्‍हेमैंइ मोशाइ प्‍ह्रिबै ठिमरि लुँरिबै झाढिए ताँ आखेइमुँ वा? च त्हेर परमेश्‍वरजी मोशाने ‘अब्राहाम, इसहाक नेरो याकूबए परमेश्‍वर ङन् ग,’ बिल।

मर्कूस 2:25

येशूजी चमैंने बिइ, “ङ्योए खे दाऊदए बारेर्बै ताँ क्‍हेमैंइ परमेश्‍वरए छ्वेर आखेइमुँ वा? दाऊद नेरो चने मुँबै म्‍हिमैं फो ख्रेंमा चइ तो लल?

लूका 10:26

येशूजी चने बिइ, “मोशाए ठिमर तो प्‍ह्रिइमुँ? चर क्‍हिइ तो खेइ?”

लूका 6:3

येशूजी चमैंने बिइ, “क्‍हेमैंइ परमेश्‍वरए छ्वेर आखेइमुँ वा? स्‍योंम्‍बै दाऊद नेरो खीए थुमैं फो ख्रेंमा चइ तो लल?