मत्ती 19:27 - परमेश्‍वरए ताँ तमु क्युइर

²⁷ झाइले पत्रुसइ खीने बिइ, “ङिइमि तोन्दोंरि सै पिसि क्‍हिए लिलि ल्‍हैदिइमुँ। ङिइ तो योंम् दि?”

मत्ती 19:27 ပူးပေါင်းရင်းမြစ်များ

फिलिप्पी 3:8

च्हौ मत्‍त्रे आङिं, क्ह्रोंसेंन बिब् गो बिस्याँ येशू ख्रीष्‍ट ङए प्रभु ङो सेल् योंबै थेबै ताँ, अरू सैमैंने च्हैंमा ताँन् सैमैं तोगो ङइ फाकर्बै सैमैं धों ङ्हाँम्। तोगो ङइ ख्रीष्‍ट येशूजी पिंबै ताँन् सैमैं योंल् खाँरिगे बिसि खीए ल्हागिर ताँन् सै पिवाइमुँ, च ताँन् सैमैं स त्हुल धोंन् ङ्हाँइमुँ।

लूका 5:11

छबिमा चमैंइ ह्रोंसए डुँङ्गामैं छ्योगोर भ्योंथेंसि तोन्दोंरि सै वाथेंसि प्रभु येशूए लिलि प्र‍याइ।

लूका 18:28

छबिमा पत्रुसइ बिइ, “ङिम् ह्रोंसए धिं-नाँ वाथेंसि क्‍हिए लिलि प्रइमुँ।”

लूका 15:29

दिलेया चइ आबाने बिइ, ‘च्‍हौ ल्‍हें बर्ष समा ङइ क्‍हिए केब्छैंइ धोंले के लइ। क्‍हिइ ल्‍हैदिबै के तो मुँलेना ङइ आल! आबिमल। दिलेया ङइ तो योंइ? सैं तोंल्‍ले थुमैंने स्‍योगैं चरिगे बिसि क्हिइ र-झज घ्रि या ङ आपिं।

मर्कूस 10:28

पत्रुसइ येशूने बिइ, “ङ्‌ह्‍योद्, ङिइमि तोन्दोंरि सै वाथेंसि क्‍हिए लिलि ल्‍हैदिइमुँ।”

मर्कूस 2:14

च कल्ह्‍योउँइँले ह्‍यारिमा येशूजी अल्‍फयसए च्‍ह लेबी रोमी म्रुँए बालि रेबै क्ल्ह्‍योर क्हुँरिब् म्रोंसि चने, “ङए लिलि प्रद्,” बिमा लेबी रेसि येशूए लिलि प्रइ।

लूका 14:33

छतसि क्हेमैंए न्होंरि खाबइ ह्रोंसने मुँबै तोन्दोंरि सै आवथें च ङए चेला तल् आखाँ।

मत्ती 9:9

येशू च क्‍ल्‍ह्‍योउँइँले ह्‍यारिमा मत्ती बिबै म्‍हि घ्रि बालि रेबै क्ल्ह्‍योर क्हुँरिब म्रोंइ, धै चने या “ङए लिलि प्रद्!” बिइ। छबिमा मत्ती रेसि येशूए लिलि प्रइ।

१ कोरिन्थी 4:7

खाबइ क्हिलाइ अरूमैं भन्दा थेब् लमिंइ? क्‍हिने मुँबै सैमैं ताँन् परमेश्‍वरजी पिंब आङिं वा? क्‍हिइ योंबै तोन्दोंरि सैमैं परमेश्‍वरजी पिंबै बरदान आङिं वा? छतसि क्हेमैं तले थेब् प्हैंमुँ?

१ कोरिन्थी 1:29

छतसि खाबज्यै या परमेश्‍वरए उँइँर थेब आप्‍हैंरिगे।

मत्ती 19:26

येशूजी चमैं ङाँइ ङ्‌ह्‍योसि बिइ, “म्‍हिमैंइ लल् आखाँबै सै परमेश्‍वरजी लल् खाँम्।”

मत्ती 19:28

येशूजी चमैंने बिइ, “क्ह्रोंसेंन ङ क्हेमैंने बिमुँ, तारे खबै जुगरि बेल्‍ले मान योंबै राजगद्दिर म्हिए च्ह टिब्‍मुँ। क्‍हेमैं तोगो ङए लिलि ल्‍हैदिसेरो च त्हेर क्‍हेमैं या निसाफ लबै म्‍हिमैं धोंले ह्रों-ह्रोंसए च्युसे ङ्हिं गद्दिर टिब्‍मुँ। धै इस्राएल ह्रेंर्बै च्युसे ङ्हिं कुलए फिर क्‍हेमैंइ निसाफ लब्‍मुँ।