मत्ती 19:22 - परमेश्‍वरए ताँ तमु क्युइर

²² छ बिब् थेसि च फ्रेंसिं सैं च्योंब् लसि एह्‍याइ, तलेबिस्याँ चए सै न्होर ल्हें मुँल।

मत्ती 19:22 ပူးပေါင်းရင်းမြစ်များ

भजनमैं 17:14

ओ याहवेह, च म्हिमैंइ चु ह्‍युलर्बै सै मत्त्रे म्हैम्, क्हिए योजी च म्हिमैं ङाँइँले ङ जोगेमिंन्। क्हिजी खोबै म्हिमैंलाइ बिस्याँ, क्हिजी चल् पिंम्, चमैंए च्ह-च्हमिमैंए ल्हागिरै या तोन्दोंरि योल्‍ले-ख्युल्‍ले पिंमुँ, धै खेंमैंए प्हसेमैंए ल्हागिर चमैंइ ल्हें सै न्होर साँथेंइमुँ।

मत्ती 13:22

पुजुर तेबै प्लु धों तबै म्हि छाब् ग: चइ परमेश्‍वरए ताँ थेलेया चु ह्‍युलर्बै न्हुँ नेरो मुइए लोबइ लमा चइ थेबै ताँर च भोंसि तल् आखाँ। छतसि तोइ रोमैं रोल् आखाँ।

मत्ती 14:9

छ बिब् थेसि हेरोद म्रुँइ बेल्‍ले न्हुँ लइ, दिलेया चइ च्‍हौ ल्‍हें प्‍ह्रेंमैंए उँइँर बाछा फैबइले “आपिं” बिल् आखाँ।

मत्ती 16:26

क्हेमैंइ ताँन् ह्‍युल योंनाबिलेया ह्रोंस नास तयाइ बिस्‍याँ तो फायदा तम् रो? म्हिइ ह्रोंसए सोए साटोरि तो सै पिंल् खामुँ?

मत्ती 19:21

येशूजी चने बिइ, “क्‍हि क्‍ह्रोंसेंनन्बै ठिक तदा ङ्हाँस्‍याँ ह्‍यासि क्‍हिने मुँबै तोन्दोंरि सै न्होर चुँसि योंबै मुइ ङ्हाँदुमैं चुमिंन्। छलस्याँ क्‍हिइ स्‍वर्गर सै न्होर योंब्‍मुँ। झाइले खसि ङए लिलि ल्‍हैदिद्।”

मत्ती 19:23

च लिउँइँ येशूजी खीए चेलामैंने बिइ, “क्ह्रोंसेंन ङ क्हेमैंने बिमुँ, प्लबै म्‍हिमैं स्‍वर्गर्बै ग्याल्सर होंब बेल्‍ले गारो तब्मुँ।

मत्ती 6:24

“खाबज्यै या क्ल्हे ङ्हिंए सेवा लल् आखाँ। तलेबिस्याँ सेवा लबै म्हिइ क्ल्हे घ्रिलाइ हेल लब्मुँ, क्ल्हे घ्रिलाइ मान लब्मुँ, अथवा घ्रिलाइ छेन्‍ले म्हाँदिमुँ, अर्कोलाइ आम्हाँदि। छलेन क्‍हेमैंज्‍यै या परमेश्‍वर नेरो मुइ ङ्हिंना ङ्हिंनाए सेवा लल् आखाँ।

मर्कूस 10:22

चु ताँ थेसि च लि छु लसि दुःख म्हाँदिसि प्रयाइ, तलेबिस्याँ च बेल्‍ले प्‍लोबै म्‍हि मुँल।

मर्कूस 6:26

चु ताँ थेसि हेरोद बेल्‍ले न्हुँ खइ, दिलेया भत्यारर मुँबै प्ह्रेंमैंए उँइँर कसम चसि क्हिइ तो ह्रिलेया पिंम् बिबइले हेरोदइ “आपिं,” बिल् आखाँ।

लूका 18:23

येशूए ताँ थेसि चए लि छु तयाइ। तलेबिस्याँ च बेल्‍ले प्लबै म्हि मुँल।

यूहन्‍ना 16:20

क्ह्रोंसेंन ङ क्हेमैंने बिमुँ, क्हेमैं न्हुँ लसि क्रोब्मुँ, दिलेया ह्‍युलर्बै म्हिमैं बिस्याँ सैं तोंब्मुँ। क्हेमैं न्हुँ लसि टिलेया लिउँइँ सैं तोंल् योंब्मुँ।

एफिसी 5:5

ख्रीष्‍ट नेरो परमेश्‍वरए ग्याल्सर ब्यभिचारिमैं, लोबिमैं, आछ्याँबै के लब्मैं खैलसे होंल् आयों बिसि क्हेमैंइ छेनाले सेल् त्हुम्। [अथवा परमेश्‍वरलाइ आम्‍हाँदिसेरो चमैंइ खी ङाँइले आशिक आयों।] लोब लबै केमैं परमेश्‍वरए उँइँर कु पूजा लब् धोंन् ग।

कलस्सी 3:5

छतसि क्‍हेमैं ह्‍युलर्बै सैजरे सैं आह्‍याद्: फ्रें क्ल्योंब नेरो रण्डिबाजी लसि फोहोरी के आलद्, छाडा आतद्, दुष्‍ट सैं आप्ह्‍याब नेरो लोब आलद्। लोब लबम् कु पूजा लब् धों तब् ग।